காதெலென்பது யாதெனில்…- யாசர் அரபாத்

என் பக்கம்'s photo.

சண்டையெனும் போது
மல்லுக்கு நிற்பாய்;
சமாதானத்திற்கு நீயேதான்
முன்னுக்கு நிற்பாய்;

கோபமாக இருந்தாலும்
தோசை சுடுவாய்;
இன்னொன்று வேண்டுமாயென
பேச்சைத் துவங்குவாய்;

பொறையேறும் போது
தண்ணீயோடு ஓடி வருவாய்;
கோபத்தோடு தலையில் நாலுபோட்டு
நானிருக்கும்போது எவர்
நினைக்கிறாரென வம்பிழுப்பாய்;

உண்மையைச் சொன்னா கோபம்
வருதாயென குத்திகாட்டுவாய்;
பதிலுக்கு பதில் பேசினால்
நீங்க மட்டுந்தான் சரி..
போதுமாயென வாயடைப்பாய்;

புரியாத காதலில் வகுத்தெடுப்பாய்;
புன்னகையால் அன்பை பெருக்கெடுப்பாய்;
புண்பட்டத் தருணத்தைக் கழித்தெடுப்பாய்;
புத்தி வேண்டுமென நக்கலோடு கூட்டி முடிப்பாய்!!

Yasar Arafat

இறைவன் மீது வைத்த காதலே நிலையான காதல்

பெற்றோர்களின் திருமணம் ஒப்பந்தந்தால் வந்தது
பெற்றோர்களின் காதல் கல்யாணத்திற்குப் பின் வந்தது
பெற்றோர்களின் காதலின் இணைப்பால் வாரிசு வந்தனர்

தந்தையின் காதல் தாயின் மேல் தந்தை இருக்கும் வரை
தாயின் காதல் தந்தை மீது தாய் இருக்கும் வரை

பெற்றோர்களின் காதல் வாரிசுகள் மீது
பெற்றோர்கள் இருக்கும் வரை