சந்தோஷ_தருணங்கள் ‬- Suhaina Mazhar

மகன் லாமின் முஹம்மது ப்ரோக்ரஸ் ரிப்போர்ட் சைன் பண்ண போயிருந்தோம். சிக்ஸ்த் படிக்கிறான். வழக்கமாக 70-80 மார்க் தான் வாங்குவான். போன முறை 6த் ரேங்க் வாங்கியிருந்தான். மாஷா அல்லாஹ் இந்த முறை ஃபர்ஸ்ட் ரேன்க். பரிச்சை பேப்பர் வீட்டுக்கு கொடுக்க மாட்டாங்க. இன்னிக்கு தான் ஸ்கூல்ல பார்த்தேன். அப்டியே அள்ளிக்கலாம் போல மார்க் வாங்கி இருக்கார் சாரு. மேத்ஸ்ல 99, சயின்ஸ்ல 98, தமிழ்ழ 91, சோஷியல்ல 96, இங்கிலீஷ்ல 94 இப்படி....

எனக்கு சந்தோஷத்துல அழுகையே வந்திருச்சு. காரணம் வீட்டுல புக்கை எடுத்து வெச்சு படிக்கற பழக்கமே இல்ல. எப்ப பாரு கார்ட்டூன் சேனல் தான். ஹோம்வொர்க் மட்டும் தான் செய்வான். நானும் வீட்ல படி படின்னு புஷ் பண்ண மட்டேன். சொல்லித் தரவும் மாட்டேன். மாஷா அல்லாஹ் எப்டி எப்போ படிக்கிறான்னு புரிய மாட்டேங்குது. கேட்டா மிஸ் நடத்தும் போதே புரிஞ்சுக்குது, நான் மனப்பாடம்லாம் பண்ண மாட்டேன், சொந்தமா தான் எழுதுவேன்னு சொல்றான்.

17 வயது மாணவர் பி.ஹெச்.டி. ஆய்வுப் படிப்புக்குத் தேர்வு

சென்னையை அடுத்த வண்டலூர் பி.எஸ். அப்துர் ரஹ்மான் பல்கலைக்கழகத்தில் 17 வயதில் எம்.சி.ஏ. முதுகலைப் பட்டப்படிப்பை நிறைவு செய்துள்ள அறிவாற்றல் மிக்க இளம் மேதாவி மாணவர் கோவை ராமநாதபுரத்தை சேர்ந்த பி. முஹம்மது ஸுஹைல் எம்.டெக்., பி.ஹெச்.டி. ஆய்வுப் படிப்புக்குத் தேர்வு செய்யப்பட்டுள்ளார்.
பி.எஸ். அப்துர் ரஹ்மான் பல்கலைக்கழக துணைவேந்தர் ஜெ.ஏ.கே.தரீண், பி.முஹம்மது ஸுஹைலிடம் மாணவர் சேர்க்கைக்கான உத்தரவை புதன்கிழமை வழங்கினார். பின்னர் அவர் செய்தியாளர்களிடம் பேசும்போது, அறிவாற்றல் மிக்க மாணவர் பி.முஹம்மது ஸுஹைல் தனித்திறன் மிக்க மாணவராகத் திகழ்கிறார். இவரைப் போன்று இளம் வயதில் பன்முகத்திறன் மிக்க அறிவாற்றல் நிறைந்த மாணவர்கள் உரிய அறிமுகம், அடையாளம், மதிப்பு கிடைக்காமல் உள்ளனர்.

முஸ்லிம் சகோதரர்கள் பெரிய பணிகளில் அதிக அளவில் இல்லை !

 முஸ்லிம் சகோதரர்கள் பெரிய பணிகளில் அதிக அளவில் இல்லை என்பதை பல ஆண்டுகளாக கவனித்து வருகிறேன். என் முஸ்லிம் நண்பர்களிடம் வெதும்பி இருக்கிறேன். அவர்களிடம் உரையாடியதில் இரண்டு/மூன்று காரணங்கள் முக்கியமானதாகத் தெரிகிறது: ஒன்று, பதிவில் சொல்லியபடி, கல்வி என்றால் மதரசாவுக்கு அனுப்பினால், மேல் படிப்புக்கு எவ்வணம் பதிய முடியும்? இரண்டு: குடும்பத்தின் அளவு பெரியதாக இருப்பதால், அனைத்து குழந்தைகளையும் பள்ளிக்கு அனுப்பாமல், ஒன்றிரண்டு பேரை மட்டும் அனுப்புவது; அவர்களையும் ஐந்து, எட்டு, அதிகப்படி பத்தாவதுடன் நிறுத்திவிடுவது; பெண்களை பள்ளிக்கு அனுப்பாமல் இருப்பது. வேறு பிரிவுகளில் அதிகம் பேர் மேல்படிப்[பு படிக்கிறார்கள் என்றால் அதில் பெண்கள் இருபது-முப்பது சதவீதம் உள்ளனர்; முஸ்லீம்களில் பெண்கள் கல்வி மீது ஏற்பு இல்லை. (ஆந்திர பிரதேசத்தில், ஒவ்வொரு பொறி இயல் பிரிவு வகுப்பிலும் மூன்றில் ஒன்று பெண்களுக்கு ஒதுக்கீடு உண்டு; என் புதல்வி படித்த வகுப்பில் பதினைந்து பெண்களில் ஒருவரே முஸ்லீம்.) முஸ்லீம்கள் பெரும் அளவில் மேல் படிப்பில், உயர் பதவிகளில் வர வேண்டும் என்றால் அடிப்படை கண்ணோட்டம் மாற வேண்டும்.

இன்னொன்று: சவுதி, காதர் போன்ற செல்வம் மிக்க நாடுகள் இந்தியா போன்ற நாடுகளில் முஸ்லீம்கள், வக்ப் நிறுவன் நடத்தும் கல்வி நிலையங்களுக்கு, கல்லூரிகளுக்கு நிதி உதவி செய்யலாம். புனித சேவியர், புனித ஜோசப் முதலிய கல்வி நிறுவங்கள் வெளி நாடு நிதிகளிலேயே வளர முடிந்தது.

கடைசியாக ஒரு விண்ணப்பம்: முஸ்லீம் மாணவர்கள் அதிக அளவில் இல்லாததற்கு அடிப்படை காரணங்கள் இவை என்று கவனித்து சீர் செய்ய சமுதாயத்தின் பெரியவர்கள் முன்னிட வேண்டும். இரட்டை கோபுரம், செப்டம்பர் இருபத்தாறு மும்பை தாக்குதல் என்று திசை திருப்பக் கூடாது.

thumbi
 தம்பி அவர்கள் எழுதிய கருத்துரை
அறிவுப் பெட்டகம் குரானை பெற்ற நாம்

காலை எழுந்தவுடன்.....

காலை எழுந்தவுடன்.....

காலையில் எழுந்தவுடன் காபி குடிக்க வேண்டும்,குழந்தைகளை  கொஞ்ச வேண்டும்....கடைதெருக்கு சென்று காய் கறி வாங்கி அங்கு சிறிது நேரம் நாட்டு நடப்பு அறிய மனம் விட்டு பேச வேண்டும்,செய்தித்தாள் படிக்க வேண்டும்    இது இயல்பு . இதைவிட முக்கியமானது ... 

இறைவனிடம் வேண்டி இந்த துவாவை ஒதவேண்டும்.
நம்மை மரணமடையச் செய்து பிறகு உயிர் கொடுத்து எழுப்பிய அல்லாஹ்வுக்கே எல்லாப்புகழும். மேலும் நாம் அனைவரும் அவன் பக்கமே திரும்பச் செல்லக்கூடியவர்களாக இருக்கிறோம். (அல்ஹம்து லில்லாஹில்லதீ அஹ்யானா பஅத மா அமாத்தனா வ இலைஹிந் நுஷுர்)


 திரு்வாசகத்தில், திருப்பள்ளியெழுச்சி என்ற பதிகத்தில், “மலரும் எழில் நகை கொண்டு நின் திருவடி தொழுதோம்” என மாணிக்க வாசகர் வேண்டுகிறார். விவிலியம் “இந்த நாளை, இறைவன் எமக்குத் தந்தார்.  இதில் நாம் மகிழ்வோம்” எனக் கூறுகிறது.


   காலையில் எப்படியாவது வைகறை [பஜர் ] தொழுகைக்கு எழுந்தாக வேண்டும்.தொழுகையை அதன் குறிப்பிட்ட நேரத்தில் அதற்குரிய சுன்னத் தொழுகையோடு தொழுது வந்தால் உடலின் உடலையும் மனதையும் ஆரோக்யமாக வைத்திருக்கலாம்.
    தூய்மையான அதி காலை காற்று உடல் நலத்துக்கு மிகவும் நல்லது விடியல் காலையில் பஜர் தொழுகைக்கு போகும் போது சுத்தமான ஓசோன் காற்றை சுவாசிப்போமே அப்போது வரும் ஒரு உற்சாகம் அது மிகவும் உயர்வானது.