அற்புதமா, அற்பமா?

மறுமையை நம்பும்
மார்க்கம் எனது

உயிருடல் ஒடுங்கி
உணர்வுகள் ஒன்றி
ஒருவனை வழிபடும்
வாழ்க்கை எனது

குறுகிய இம்மையையும்
இறுதியில் தீர்ப்பையும்
உறுதியாய் ஏற்கும்
உள்ளம் எனது

எண்ண அலைகள் !

-கவிஞர் சீர்காழி இறையன்பனார்

உருண்டை உலகின்

இருண்ட வாழ்வு

இடுக்கண் கொள்வதா?

சுரண்டல் இல்லா

சுகவாழ்வு

சோபிக்க வேண்டாமா?

இன்னல்கள் இடுக்கண்கள்

சூதுடன் வாதும் சேர்ந்தார்

சொன்னதைச் செய்திட

முனைந்திட வேண்டுமா?

பிரபஞ்சத்தில் சஞ்சரிக்கிறேன் அவ்வப்போது

பிரபஞ்சத்தில் சஞ்சரிக்கிறேன் அவ்வப்போது

அங்கு....

ஆசைகள் இல்லை
திருப்தி உண்டு

தேவைகள் எதுவும் இல்லை
அனைத்தும் அடங்கி இருக்கும்

மொழிகள் இல்லை
அர்த்ததங்கள் ஆயிரம் உண்டு

ஆரவாரம் எதுவும் இல்லை
நிசப்தம் நிறைந்து இருக்கும்

கவலைகள் எதுவும் இல்லை
நிம்மதி நிறைந்திருக்கும்

சிறகுகள் இல்லாமலே
மனம் சிறகடித்து பரந்திருக்கும்

தொடக்கமும் முடிவும்
திறந்தே இருக்கும்

ராஜா வாவுபிள்ளை