P.J. குர் ஆன் மொழி பெயர்ப்பு பற்றி அப்துல்லாஹ்

அஸ்ஸலாமு அலைக்கும்,,,

பீ.ஜெ. யாகிய உங்களின் தமிழாக்கத்தையும் நூல்களையும் நான் படித்துள்ளேன். இன்னும் பலருடைய தமிழாக்கத்தையும் வாசித்துள்ளேன். எல்லாத் தமிழாக்கத்திலும் உங்கள் தமிழாக்கம்தான் முஸ்லீம் அல்லாதாரையும் இஸ்லாத்தின் பக்கம் ஈர்ப்பதாக உள்ளது என்று நான் எல்லா இடங்களிலும் சொல்லி வருகிறேன்.

மஸ்ஜித்களில் நடந்த கூட்டங்களில் மனிதர்கள் இரண்டு வகையில் உள்ளனர். இஸ்லாத்துக்கு வந்தவர்கள்.  வர இருப்பவர்கள் ஆகிய இரண்டு பிரிவுகள் உள்ளனர். இஸ்லாத்திற்கு வர இருப்பவர்களுக்கு குர்ஆனை கொடுக்க விரும்பினால் பீ.ஜெ மொழிபெயர்த்து மூன் பப்ளிகேசன் வெளியிட்ட தமிழாக்கத்தை கொடுங்கள் அது தான் குர்ஆனை விளங்கும் வகையில் எளிதாக உள்ளது என நான் கூறினேன்.

உங்களுடைய தமிழாக்கத்தில் உள்ள 26 ஆம் பக்கம் ஒன்றே போதும் (எட்டாவது பதிப்பில் 29 ஆம் பக்கம்) இதில் எடுத்துக் காட்டும் சான்றுகளை ஒருவன் படித்தால் அவனை இஸ்லாம் ஈர்க்கும் வகையில் உள்ளது.

எத்தனையோ தமிழாக்கங்களில் சிந்திப்பது இதயம் என்று மொழிபெயர்த்த இடங்களில் நீங்கள் உள்ளம் என்று மொழிபெயர்த்து உள்ளீர்கள். இதயத்திற்கும், சிந்தனைக்கும் எந்தச் சம்ம்ந்தமும் இல்லை. இது சிறப்பாக உள்ளது.

 அது போல அலக் என்பதற்கு அட்டைப் பூச்சி என்றும் தொங்கிக் கொண்டிருப்பவை என்றும் பலவாறாக  விளங்காமல் மற்றவர்கள் மொழிபெயர்த்திருக்கும் போது கருவுற்ற சினை என்று அனைவருக்கும் விளங்கும் வகையில் மொழி பெயர்த்துள்ளீர்கள். இதை எல்லாம் நான் பல இடங்களில் சொல்லி இருக்கிறேன்.

Dr.  அப்துல்லாஹ் (பெரியார் தாசன்)

மேலும் விவரங்களுக்கு இங்கே சொடுக்கவும்.

 http://www.onlinepj.com/vimarsanangal/dr_abdulla_pesukirar/

பிரபஞ்சத்தில் காணப்படும் அசாதாரண சமநிலை

பிரபஞ்சத்தில் காணப்படும் அசாதாரண சமநிலை
    
ஹாருன் யஹ்யா
    
             அவனே ஏழு வானங்களையும் அடுக்கடுக்காக படைத்தான்¢ (மனிதனே) அர்ரஹ்மானின் படைப்பில் குறையை நீர் காணமாட்டீர்¢ பின்னும் (ஒரு முறை) பார்வையை மீட்டிப்பார்! (அவ்வானங்களில்) ஏதாவது ஓர் பிளவை காண்கிறாயா? பின்னர் இருமுறை உன் பார்வையை மீட்டிப்பார்¢ உன் பார்வை களைத்து, மழுங்கிச் சிறுமையடைந்து உன்னிடம் திரும்பும். (குர்ஆன் 67:3-4)

        (அந்த நாயன்) எத்தகையவன் என்றால் வானங்கள், பூமி (ஆகியவற்றின்) ஆட்சி அவனுக்கே உரியது¢ அவன் (தனக்கென) ஒரு மகனை எடுத்துக் கொள்ளவில்லை¢ அவனுடைய ஆட்சியில் அவனுக்கு கூட்டாளி எவருமில்லை¢ அவனே எல்லாப் பொருட்களையும் படைத்து, அவற்றை அதனதன் அளவுப் படி அமைத்தான். (குர்ஆன் 25:2)

நாத்திக தத்துவங்களும் கோட்பாடுகளும் பிரபஞ்சம் எவ்வித உதவியுமின்றி தன்னால் இயங்கும் இயந்திரங்கள் போன்றவை என்றும் அதில் செயற்படும் அதிசயமான ஒழுங்கும் அசாதாரண சமநிலையும் தற்செயலாக உருவானது என்று வாதிடுகின்றன. இருப்பினும் விஞ்ஞானம் என்று அழைக்கப்பட்டு வந்த நாத்திகத்தினதும் டார்வினதும் பிழையான தத்துவங்களுக்கு விஞ்ஞான ரீதியிலேயே பதிலளிக்கப்பட்டு விட்டன.

20ம் நூற்றாண்டில் ஒன்றன் பின் ஒன்றாக வேகமாக வளர்ச்சியடைந்த விஞ்ஞான கண்டுபிடிப்புகளும் வானவியல் மற்றும் உயிரியல் துறைகளில் ஏற்பட்ட முன்னேற்றங்களும் வாழ்கையும் பிரபஞ்சமும் படைக்கப்பட்டவை என்பதை நிரூபித்துள்ளன. பெரு வெடிப்பு கொள்கையின் மூலம் பிரபஞ்சம் ஒன்றுமில்லாத நிலையிலிருந்து படைக்கப்பட்டது என்பது நிரூபிக்கப்பட்ட போது டார்வினது ஆய்வுகள் குப்பையில் வீசி எறியப்பட்டன. நவீன கண்டுபிடிப்புகள் விஞ்ஞான ஆய்வுகள் இந்த உலகத்தில் பெரும் அதிசயத்தக்க சமநிலைகள் காணப்படுவதை வெளிப்படுத்திய போது நாத்திகத்தின் அடிப்படை ஆதாரமற்ற தத்துவங்கள் மறைய தொடங்கின.

உயிர் வாழ்வதற்கு தேவையான அத்தியவசிய காரணிகளை ஆராயும் போது உலகம் மட்டுமே இந்த குறிப்பிட்ட காரணிகளை கொண்டுள்ளதை காணலாம். வாழ்வதற்கு தேவையான சூழலை ஆராயும் போது அங்கு எம்மை சுற்றி எண்ணிலடங்காத காரணிகள் ஒரே நேரத்தில் எவ்வித முடிவுமின்றி நடைபெற்று கொண்டிருப்பதை காணலாம். பிரபஞ்சத்தில் பல நூறு பில்லியன் பால்வெளிமண்டலங்கள் (கெலக்ஸிகள்) அவை ஒவ்வொன்றும் குறைந்தது நூறு பில்லியன் நட்சத்திரங்களை கொண்டுள்ளது.1 இந்த எல்லா கெலக்ஸிகளிலும் சிலவேளை நட்சத்திரங்களை விட கோல்கள் அதிகமாக காணப்படுகின்றன. அவ்வாறு மிதமிஞ்சிய எண்ணிக்கையில் கோல்கள் காணப்பட்ட போதும் உலகில் மட்டுமே உயிர்வாழ தேவையான அனைத்து சூழல்களும் காணப்படுவது அது உருவாக்கப்பட்டுள்ளதன் முக்கியத்துவத்தை புரிந்து கொள்ளலாம்.

பெரு வெடிப்பு ஏற்படுத்திய தாக்கம் முதல் அணுவிற்கு மதிப்பு ஏற்பட்டது வரை - நட்சத்திரங்களில் இரசாயன மாற்றம் ஏற்பட காரணமான நான்கு காரணிகள் முதல் - தண்ணீரின் அடர்தியின் அளவிற்கு சூரியன் ஒளியை செலுத்தியது முதல் - வளிமண்டலத்தில் காணப்படும் வாயுவின் அளவிற்கு பூமிக்கும் சந்திரனுக்கும் இடையில் இடைவெளி ஏற்பட்ட போது - சூரியனிலிருந்து பூமியின் தூரம் அதன் பாதையில் சுழல்வதற்கு ஏற்றவகையில் நிறுத்தப்படடபோது - மலைகளும் கடல்களும் சரியான முறையில் செயல்படும் பொருட்டு பூமி அதன் பாதையில் சுழலும் வேகம் முதல் : ஒவ்வொரு தரவுகளும் எமது வாழ்கைக்கு ஏற்ற வகையில் அமைந்துள்ளதை காணலாம். இன்றைய விஞ்ஞான உலகம் இந்த தரவுகளை அன்துரோபிக் பிரின்ஸிபள் என்றும் பைன் டியுனிங் என்றும் அழைக்கிறது. இந்த கோட்பாடுகள் பிரபஞ்சம் குறிக்கோள் அற்றது, கட்டுப்படுத்த முடியாதது, தற்செயலாக பிணைக்கபட்ட பொருட்களால் ஆனது போன்ற வாதங்களை நிராகரித்து அவை மனித வாழ்வோடு தொடர்புடையது என்பதோடு அவை மிக நுணுக்கமாக வடிவமைக்கப்பட்டுள்ளதை சுட்டிக்காட்டுகிறது.

நாம் மேலே குறிப்பிட்ட வசனத்தில் அல்லாஹ்வின் படைப்பில் அளவும் ஒற்றுமையும் இருப்பதை சுட்டிக்காட்டுகிறது. இங்கு பயன்படுத்தப்பட்டுள்ள அரபு சொல்லான தக்தீரன் என்பதன் பொருள் வடிவமைத்தல் - அளவு - அளந்து படைத்தல் என்பதாகும். இந்த சொல்லானது அத்தியாயம் அல்-புர்கான்: 2 பயன்படுத்தப்பட்டுள்ளதை காணலாம். திப்கன் என்ற அரபு மொழிச்சொல்லின் கருத்து ஒற்றுமையாக - இந்த சொல்லானது அத்தியாயம் அல்-முல்க் : 3 மற்றும் அத்தியாயம் நூஹ் : 15 ஆகியவற்றில் பயன்படுத்தப்பட்டுள்ளதை காணலாம். மேலும் அல்லாஹ் அத்தியாயம் அல்-முல்கில் தபவுதின் என்ற சொல்லை பயன்படுத்துகிறான். இதன் கருத்து ஒத்துழைப்பு வழங்காமை - கட்டுப்படாமை - எதிர்ப்பு என்பதாகும். அதாவது அதில் குறை அல்லது சமநிலையற்ற தன்மையை தேடுபவர்களால் அவற்றை காணமுடியாது என்பதாகும்.

பைன் டியுனிங் அல்லது அசாதாரண சமநிலை என்ற சொல் 20ம் நூற்றாண்டின் இறுதியில் பயன்படுத்தப்பட்டது. இந்த உண்மையை குர்ஆன் பல நூற்றாண்டுகளுக்கு முன்னே பயன்படுத்திவிட்டது. கடந்த கால் நூற்றாண்டில் பல விஞ்ஞானிகள், அறிஞர்கள், எழுத்தாளர்கள் இந்த பிரபஞ்சம் தற்செயலாக இணைந்த பொருட்களின் தொகுப்பு என்பதை மறுத்துள்ளனர். அதற்கு மாற்றமாக மனித வாழ்கைக்கு ஏற்ற வகையில் அவை அதிசயமான வகையில் வடிவமைப்பு மற்றும் ஒழுங்குபடுத்தப்பட்டுள்ளதை காணலாம். பிரபஞ்சத்தில் காணப்படும் பல தன்மைகள் வாழ்கைக்கு உதவும் பொருட்டு வடிவமைக்கப்பட்டுள்ளதை காட்டுகிறது. பௌதீகவியளாளர் டாக்டர் கார்ள் கிப்பர்சன் இந்த உண்மையை இவ்வாறு குறிப்பிடுகிறார்.

        1960களில் சில பௌதீகவியளாளர்கள் எமது பிரபஞ்சம் மனித வாழ்கைக்கு ஏற்றவகையில் பைன் டியுனிங் அல்லது சமநிலை படுத்தப்பட்டுள்ளதை அறிந்தார்கள். 2

பிரித்தானிய வானியல் நிபுணர் பேராசிரியர் ஜோர்ஜ். எப். ஏல்லிஸ் இந்த சமநிலையை பற்றி இவ்வாறு கூறுகிறார்

விஞ்ஞான கோட்பாட்டில் அதிசயமான சமநிலை நிகழ்வதால் இது (குழப்பத்தை) இலகுவாக்குகிறது. குழப்பமானதை நாம் உணரும் போதும் இந்த உலகின் நிலையை அவதானிக்கும் பொழுதும் அதிசயமானது என்ற சொல்லை பயன்படுத்தாமல் இருக்க முடியவில்லை. 3

ஈர்ப்பு :

தற்போதய அளவை விட ஈர்ப்பு சக்தி பலமாக இருந்தால் அளவுக்கதிகமான அமோனியா மற்றும் மீதேன் பூமியின் வளிமண்டலத்தில் சேமிக்கப்பட்டு -அவை வாழ்கையை பெரும் அளவில் பாதிக்கும்.

தற்போதய அளவை விட ஈர்ப்பு சக்தி பலவீனமாக இருந்தால் பூமியின் வளிமண்டலம் அளவுக்கதிமான நீரை இழந்து வாழ்வதற்கான சூழ்நிலையை இழந்துவிடும்.

சூரியனிலிருந்து பூமியின் தூரம்

தற்போதைய அளவைவிட அதிகமாக இருந்தால் பூமி மிகவும் குளிரடைந்துவிடும். வளிமண்டலத்தின் நீர் சுழற்சி முறை பாதிப்படையும். இந்த பூமி குளிர் பிரதேசமாக மாறிவிடும்.

பூமி சற்று சூரியனுக்கு அருகில் இருந்தால் பூமி எரிந்து சாம்பலாகிவிடும். வளிமண்டலத்தின் நீர் சுழற்சிமுறை மிகவும் பாதிப்படையும். வாழ முடியாத நிலை ஏற்படும்.

பூமி அடுக்கின் பருமன்

அடுக்கு தற்போதைய அளவைவிட பருமனாக இருந்தால் வளிமண்டலத்திலுள்ள அளவுக்கதிகமான ஒட்சிசன் இங்கு மாற்றப்பட்டுவிடும்.

அடுக்கு தற்போதைய அளவை விட குறைவாக இருந்தால் எரிமலை நிகழ்வுகள் அதிகமாகி வாழ்வை கடினமாக்கிவிடும்.

பூமி சுற்றும் வேகம்

தற்போதய வேகத்தை விட குறைவாக இருந்தால் பகல் மற்றும் இரவு நேர வெப்பநிலை வித்தியாசம் அளவுக்கதிகமாக அதிகரித்துவிடும்.

இதை விட அதிகமாக இருந்தால் வளிமண்டல காற்று கடும் வேகத்துடன் வந்து சேரும். புயலும் சூறாவளியும் வாழ்வை கடினமாக்கிவிடும்.

பூமியின் காந்த வலையம்

தற்போதய நிலையை விட சக்திமிக்கதாக இருந்தால் மிக கடுமையான மின்காந்த சூறாவளி ஏற்படும்.

அது பலவீனமானதாக இருந்தால் சூரியனிலிருந்து வெளிப்படும் பயங்கரமான துகள்களிலிருந்து பூமி பாதுகாப்பை இழந்துவிடும்.

அல்பேடோ பாதிப்பு (பூமி பெற்று உள்வாங்கும் மற்றும் பிரதிபளிக்கும் ஒளியின் வீதம்)

தற்போதய அளவை விட இது அதிகமானால் பூமி குளிர்ந்த பூமியாக மாறிவிடும்.

தற்போதய அளவை விட இது குறைவாக இருந்தால் பச்சைவீட்டு பாதிப்பு மிதமிஞ்சிய வெப்பத்தை ஏற்படுத்திவிடும். முதலில் பூமியிலுள்ள பனிப்பாறைகள் உறுகி வெள்ளம் ஏற்படும.; பின்பு எரிந்துவிடும்.

வளிமண்டலத்தில் காணப்படும் ஒட்சிசன் மற்றும் நைட்ரஜனின் அளவு

தற்போது காணப்படும் அளவை விட அதிகமாக இருந்தால் முக்கிய தொழிற்பாடுகளின் எதிர்மறை விளைவு அதிகரிக்கும்.

தற்போதய நிலையை விட குறைவாக இருந்தால் முக்கியமான தொழிற்பாடுகள் மிக அதிகமாக குறைந்துவிடும்.

வளிமண்டலத்தில் கார்பன் டை ஒட்சைட் மற்றும் நீரின் அளவு

தற்போதய அளவை விட அதிகமாக இருந்தால் வளிமண்டலம் அதிகமாக வெப்பமடைந்துவிடும்.

தற்போதய அளவை விட குறைவாக இருந்தால் வெப்பநிலையும் வளிமண்டலமும் விழுந்துவிடும்.

ஓசோன் மண்டலத்தின் பருமன்

தற்போதய அளவை விட அதிகமாக இருந்தால் பூமியின் வெப்பநிலை அதிகளவு குறைந்துவிடும்.

தற்போதய அளவை விட குறைவாக இருந்தால் பூமி கடுமையாக வெப்பமாவதுடன் சூரியனிலிருந்து வெளிப்படும் கதிர்களை தடுத்து நிறுத்த முடியாமல் போய்விடும்.

பூகம்பம்

தற்போதய அளவை விட அதிகமாக இருந்தால் உயிரினங்களுக்கு அடிக்கடி தொல்லை ஏற்படும்.

தற்போதய அளவை விட குறைவாக இருந்தால் கடலுக்கு அடியிலுள்ள சத்துகள் தண்ணீரில் கலக்க முடியாத நிலை ஏற்பட்டுவிடும். இது கடலிலும் சமுத்திரங்களிலும் உள்ள உயிர்கள் மற்றும் பூமியிலுள்ள அனைத்து உயிரினங்களையும் பாதிப்படைய செய்யும் விளைவுகள் ஏற்படும்.

பூமியின் சாய்வு

பூமி அதன் பாதையில் 23 பாகையளவு சாய்ந்து காணப்படுகிறது. இந்த சாய்வே பருவங்களில் மாற்றங்கள் ஏற்பட காரணமாக இருக்கிறது. தற்போதைய அளவை விட அதிகமாகவோ அல்லது குறைவாகவோ இருக்குமானால் பருவங்களுக்கு இடையிலான வெப்பநிலை அதன் உச்சநிலையை அடைந்துவிடும். கோடைகாலத்தில் தாங்க முடியாத வெப்பமும் மாரி காலத்தில் மிக கடுங்குளிரும் காணப்படும்.

சூரியனின் அளவு

சூரியனை தற்போதய அளவைவிட சின்ன நட்சத்திரமாக இருந்தால் பூமி உறைந்து போகும் அல்லது தற்போதைய அளவைவிட பெரிதாக இருந்தால் பூமி என்;றோ எரிந்து போயிருக்கும்.

பூமிக்கும் சந்திரனுக்கும் இடையிலான ஈர்ப்பு

இதை விட அதிகமாக இருந்தால் சந்திரனின் சக்திவாய்ந்த ஈர்ப்பானது வளிமண்டலத்தில் மோசமான விளைவை ஏற்படுத்தியிருக்கும். பூமி தன்னை தானே சுற்றும் அந்த பாதையிலும் பாதிப்பு ஏற்பட்டிருக்கும்.

இதை விட குறைவாக இருந்தால் அது மோசமான காலநிலை மாற்றத்திற்கு கொண்டு செல்லும்.

நாம் இங்கு குறிப்பிட்டவைகள் பூமியில் உயிர் தோன்றி வாழ தேவையான மிக சில முக்கிய சமநிலைகளாகும். பூமியும் பிரபஞ்சமும் பல்வேறு தற்செயலான நிகழ்வுகளின் காரணத்தால் தோன்றியிருக்க முடியாது என்பதை நிராகரிக்க இந்த சில உதாரணங்களே போதுமானதாகும். 20ம் நூற்றாண்டின் ஆரம்பத்தில் வெளியான பைன் டியுனிங் மற்றும் அன்துரோபிக் பிரின்சிபள்ஸ் கோட்பாடுகள் அல்லாஹ்வின் படைப்பின் சான்றுகளாகும். இந்த அசாதாரணமான ஒற்றுமையும் நுண்ணிய ஒழுங்கும் 14 நூற்றாண்டுகளுக்கு முன்னறே குர்ஆனில் கூறப்பட்டுள்ளது.

ஆய்வில் உதவிய நூற்கள்

1- Carl Sagan, Cosmos (Avenel, NJ: Wings Books: April 1983), 5-7.
2- Karl Giberson, “The Anthropic Principle,” Journal of Interdisciplinary Studies 9 (1997).
3- George F. Ellis, "The Anthropic Principle: Laws and Environments,” The Anthropic Principle, F. Bertola and U. Curi (New York: Cambridge University Press: 1993), 30.


www.harunyahya.com/other/tamil/articles

சிவில் சர்வீஸ் தேர்வில் சாதனை படைத்த ஷா ஃபைசல்!

கடந்த 2002ஆம் ஆண்டு இந்திய இராணுவத்தினர் நடத்திய துப்பாக்கிச் சூட்டில் கொல்லப்பட்ட பள்ளி ஆசிரியரின் மகனும் காஷ்மீர் ஸ்ரீநகரைச் சேர்ந்த MBBS டாக்டரான இருபது வயதான ஷா ஃபைசல், சிவில் சர்வீஸ் UPSC-2010 தேர்வில் இந்தியாவிலேயே முதல் மதிப்பெண் பெற்றுள்ளார். கடந்த வியாழன் (06-05-2010) அன்று இந்திய UPSC தேர்வு முடிவுகள் வெளியாகியுள்ளன. இதன் மூலம், Union Public Service Commission (UPSC) exam சிவில் சர்வீஸ் தேர்வில் முதல் முயற்சியிலேயே வெற்றியும் பெற்று முதலிடம் பிடித்த முதல் காஷ்மீரி என்ற பெருமையையும் சுதந்திர இந்தியாவில் நான்காவதாக முதலிடத்தைப் பிடித்த முஸ்லிம் என்ற கூடுதல் பெருமையையும் இவர் தட்டிச் செல்கிறார். (இதுவரை முதலிடம் பெற்ற பலர் தமது முதல் முயற்சியிலேயே வெற்றி பெற்றதில்லை என்பது இங்கே குறிப்பிடத் தக்கது)

டெல்லியில் செய்தியாளர்கள் சந்திப்பில் "என் மகிழ்ச்சியை விவரிக்க வார்த்தைகளே இல்லை!" என உற்சாகத்துடன் குதூகலிக்கிறார் ஃபைசல்.
"பெரிதாக எதையேனும் சாதிக்க வேண்டும் என்ற வெறி ஃபைசல் மனதில் எப்போதுமே ஓடிக்கொண்டிருக்கும்!" என்கிறார் ஃபைசலின் தாய் முபீனா. இவர் காஷ்மீரில் ஒரு பள்ளி ஆசிரியை.

ஷா ஃபைசல் மற்றும் UPSC-2010 -  ஒரு பார்வை! இவர் Jhelum Valley மருத்துவக் கல்லூரியின் 2008 ஆம் வருடம் பட்டம் பெற்றவர். 2009 க்கான சிவில் சர்வீஸ் தேர்வுக்காக விண்ணப்பித்த 409,110 மாணவர்களில் - 193,091 மட்டும் ஆயத்த நிலை தேர்வு எழுதினர். அதனைத் தொடர்ந்து வெளியான முடிவுகள் மூலம் 12,026 மாணவர்கள் மட்டுமே பிரதானத் தேர்வு எழுத தகுதி பெற்றிருந்தனர். கடந்த மார்ச்-ஏப்ரல் 2010 இல் நடந்த சிறப்பியல்பு தேர்வு (பர்சனாலிட்டி டெஸ்ட்) க்காக 2,432 மாணவர்கள் தேர்வு செய்யப்பட்டனர். கடந்த 2009 ஆம் ஆண்டு சிவில் சர்வீஸ் தேர்வுகளுக்காக தேர்ந்தெடுக்கப்பட்ட 875 மாணவர்களில், 680 பேர் ஆண்கள் மற்றும் 195 பேர் பெண்கள். Rank Roll No. Name 1 025085 Shah Faesal 55 080934 Mohammed Y Safirulla K 74 271879 Mohd Shahid Alam 80 275973 Yunus

"இச்செய்தி எங்கள் குடும்பத்திற்கு மிகவும் சந்தோஷத்தையும் பெருமிதத்தையும் சேர்த்துள்ளது" கண்களில் நீர் கசிவதைத் தடுக்க இயலாமல் நா தழுதழுக்கிறார். தன் மகன் ஃபைசல் ஓய்வு நேரங்களை சமூக நலப் பணிகளிலும் தினசரிப் பத்திரிகைகளில் எழுதவும் கூடியவர் என தெரித்தார்.

கடந்த 2002ஆம் ஆண்டு இராணுவத்தினரால் கொல்லப்பட்ட தன் கணவர் குலாம் ரசூல் ஷாவை நினைவு கூர்கிறார்.

குடும்பத்தில் இவ்வாறு இழப்புகள் காஷ்மீரில் மிகவும் சகஜம். முபீனாவின் சகோதரர் இர்ஷாத்-தும் இதேபோன்ற ஓர் இராணுவ வீரரின் துப்பாக்கிக் குண்டிற்கு இரையானவர்.

"நான் வெற்றி பெற்றதாக அரசு அறிவித்துள்ள இந்நேரத்தில் என் தந்தையை மிகவும் எண்ணிப் பார்க்கிறேன்" என்கிறார் ஃபைசல்.

இந்திய அரசுக்கு எதிராகக் கிளர்ச்சியடைந்து, காஷ்மீர மக்கள் நடத்தும் போராட்டங்கள் பற்றிய முழுமையாக அறிந்து வைத்துள்ள சமூக சேவகரான ஃபைசல், இந்திய அரசுக்கும் தமது காஷ்மீர மக்களுக்கும் இடையே ஓர் இணைப்புப் பாலமாகச் செயல்பட்டு - இதுநாள்வரை விரிசல் விட்டுப் போயிருந்த பிணைப்பினை வலுப்படுத்துவேன் என்று கண்களில் நம்பிக்கை பளிச்சிடும் உறுதியான குரலில் பேசுகிறார்.

வெற்றி பெற்ற செய்தி வெளியாகத் துவங்கிய நிமிடத்திலிருந்து மீடியாக்களின் வளையத்தை விட்டு வெளிவருவதற்கு திக்குமுக்காடிக் கொண்டிருக்கும் ஃபைசல், ஊடகங்களுக்கு அளித்த பேட்டியின் சிறிய பகுதியை சத்தியமார்க்கம்.காம் வாசகர்களுக்கு அளிக்கிறோம்.

மீடியா: இந்தச் சாதனையை எவ்வாறு பயன்படுத்தப் போகிறீர்கள்?

"என்னுடைய சமுதாயத்தின் மீது அழுத்தமாக சுமத்தப்பட்டுள்ள தவறான கருத்தாக்கத்தை என் சாதனை உடைத்தெறிய இந்த வெற்றி பெரும் உதவியாக இருக்கும்" என்கிறார் பைஸல். "காஷ்மீர் மக்களுக்கு ஊக்கமளித்து அவர்களின் வாழ்வு சிறந்த முன்னோடியாகத் திகழ்வேன். மேலும் என் மக்கள் அதிகமதிகம் சிவில் சர்வீஸ் தேர்வுகளில் கலந்து கொள்ளவும் அவர்கள் வெற்றி பெறவும் கடுமையாக உழைப்பேன்"

"காஷ்மீரின் பிரச்னைகளை சரியாகப் புரிந்துள்ளவனும் நேரடியாகப் பாதிக்கப் பட்டுள்ளவன் என்ற நிலையில் என்னுடைய குறிக்கோளில் முதன்மையானதாக IAS இருக்கும் அடுத்ததாக IPS மற்றும் lFS என்கிறார்.
மீடியா: இந்த வெற்றிக்குக் காரணமாக யாரைக் குறிப்பிட விரும்புகிறீர்கள்?

நான் எந்த ஒரு பிரத்யேக பயிற்சியையும் எவரிடமிருந்தும் பெற்றுக் கொள்ளவில்லை.

பயிற்சி நிலையங்களோ, கல்வி நிறுவன அமைப்புகளோ என்னுடைய புகைப்படத்தைக் காட்டி தம்மை விளம்பரப்படுத்திக் கொள்ள இயலாது. என்னுடைய மிகப் பெரிய ரோல் மாடலாகத் திகழ்ந்தவர் என்னுடைய தந்தை. எனவே என் தந்தையும் அவரைப் பறிகொடுத்து விட்ட அந்தச் சூழலிலும் எனக்கு உறுதுணையாக இருந்த தாயுமே இத்தனை வெற்றிக்கும் உரியவர்கள்.

மீடியா: அடிப்படையில் நீங்கள் ஒரு மருத்துவர். சிவில் சர்வீஸ் தேர்வுகளின் பக்கம் உங்கள் கவனத்தைத் திருப்ப முடிவு செய்தது எப்படி? எப்போது?

காஷ்மீரில் மருத்துவர்களுக்குத் தேவை அதிகமிருப்பதால் நான் மருத்துவப் படிப்பினைத் தேர்வு செய்திருந்தேன். Sher-I-Kashmir Institute of Medical Sciences இல் என்னுடைய பல்கலைக் கழகத்திலேயே முதல் மாணவனாகத் தேர்ச்சி பெற்றிருந்தேன். இருப்பினும் சவாலான துறையில் சாதிக்க வேண்டும் என்ற ஒரு வெறி என் மனதில் இருந்து கொண்டே இருந்தது. MBBS முடித்த கையோடு, டெல்லியில் இருந்தபடியே சிவில் சர்வீஸ் முதன்மைத் தேர்வுகளுக்கு விண்ணப்பித்து விட்டேன்.

மீடியா: இந்த வெற்றியை எவ்வாறு கொண்டாடப் போகிறீர்கள்?

நாளை என்னுடைய குடும்பத்தினரைச் சந்திக்க ஸ்ரீநகர் திரும்புகிறேன். என்னுடைய இத்தனை வெற்றிகளுக்கும் காரணமான என்னுடைய தாயைக் கட்டித் தழுவி என் நன்றியை முதலில் தெரிவிப்பேன் என்கிறார் ஃபைசல்.

Source : http://www.satyamargam.com/1447 

சிவில் சர்வீஸ் தேர்வில் சாதனை படைத்த ஷா ஃபைசல்!

அன்னையர் தினம்

அன்னை, இறைவன் இவ்வுலகில் மனிதனுக்கு அளித்த அற்புதமான உறவாகும். அம்மா, மம்மி, மதர், உம்மா, மா என்று பல்வேறு மொழிகளில் தாய்க்கான சொற்கள் காணப்பட்டாலும் அவற்றிற்கிடையே ஒரு இனம் புரியாத தொடர்பிருப்பதை உணரமுடியும்.

அம்மா என்றழைக்காத உயிரில்லையே! தாயின் சிறந்ததோர் கோயிலுமில்லை! என தாய்மையின் பெருமையை உணர்த்துவதற்கு இவ்வுலகில் பல்வேறு வகையான சொல்லாடல்கள் எடுத்தாளப்படுகின்றன.

பெண்மைக்கு பெருமை சேர்ப்பது தாய்மை என்றால் அது மிகையல்ல. இவ்வுலகில் பெண்ணானவள் மகளாக, சகோதரியாக, மனைவியாக, தாயாக, பாட்டியாக என பல்வேறு பரிணாமங்களை வாழ்க்கையில் சந்திக்கிறாள். அவற்றில் உன்னத அந்தஸ்தை தருவது 'தாய்' என்ற ஸ்தானமாகும்.

தாய்மையை போற்றக்கூடிய வகையில் மே மாதம் இரண்டாவது ஞாயிற்றுக்கிழமை 'அன்னையர் தினமாக' கொண்டாடப்பட்டு வருகிறது. அன்னையர் தினத்தைப் பொறுத்தவரை ஏனைய சர்வதேச தினங்களைப் போல் உலக முழுவதும் ஒரேநாளில் கொண்டாடப்படுவதில்லை. பொதுவாக மே மாதத்தின் இரண்டாவது ஞாயிற்றுக்கிழமையன்று உலகின் பெரும்பாலான நாடுகள் அன்னையர் தினத்தைக் கொண்டாடினாலும், சில நாடுகள் அதற்கு முன்போ அல்லது பின்னரோ கொண்டாடுகின்றன. அன்னையர் தினக் கொண்டாட்டத்தின் பின்னணியாக சில புராணக் கதைகள் கூறப்பட்டாலும், நவீனக் காலத்தில் அன்னையர் தினம் உருவான வரலாறு இவ்வாறே அமைந்தது.

அமெரிக்காவில் ஜார்விஸ் என்ற பெண்மணி ஒரு போரின்போது பலியான அமெரிக்க வீரர்களின் குடும்பங்களின் நல்வாழ்வுக்காகவும், சமாதானத்திற்காகவும் பாடுபட்டு தனது இறுதிக் காலக்கட்டம் வரை சமூக சேவகியாக வாழ்ந்து மறைந்தவர். அவருடைய மகளான அன்னா ஜார்விஸ் முதன் முதலாக தனது அன்னையின் நினைவாக 1908 ஆம் ஆண்டில் தனது சொந்த ஊரிலிலுள்ள சர்ச்சில் மே மாதத்தின் ஞாயிற்றுக்கிழமை ஒன்றில் சிறப்பு வழிபாடு ஒன்றை நடத்தினாராம். அன்று முதல் உலகில் முதன் முதலில் அன்னையர் தினத்தை கொண்டாடிய முதல் நபர் என்ற பெயரைப் பெற்றார் அன்னா ஜார்விஸ்.

சமூக நலனில் அக்கறை கொண்ட அன்னா ஜார்விஸ் ஏதாவது ஒரு நாளையாவது எல்லோரும் தங்களது தாயை அவர் உயிரோடு இருந்தாலும் சரி இல்லாவிட்டாலும் சரி அவளது தியாகத்தையும் தங்களுக்கு அவள் செய்த ஈடு இணையற்ற பணியையும் நினைத்து அவளை கெளரவிக்க வேண்டும் என்று விரும்பினார். இவரது கோரிக்கையை ஏற்று பென்சில்வேனியா மாநில அரசு 1913 ஆம் ஆண்டு முதல் அன்னையர் தினத்தை அங்கீகரித்தது.

இத்தோடு அன்னா திருப்தியடையவில்லை. அவர் பல தன்னார்வ குழுக்களுக்கும், வியாபார அமைப்புகளுக்கும் அன்னையர் தினம் கொண்டாடுவதைப் பற்றி கடிதம் எழுதினார். அமெரிக்க அதிபருக்கும் வேண்டுகோள் விடுத்தார். இவரின் வேண்டுகோளையும், நியாயத் தன்மையையும் ஏற்றுக்கொண்ட அமெரிக்கா ஜனாதிபதி வுட்ரோ வில்சன் 1914ம் ஆண்டு வருடம்தோறும் மே மாதம் இரண்டாம் ஞாயிற்றுக்கிழமையை அதிகாரப்பூர்வமாக அன்னையர் தினமாகவும், அன்று விடுமுறை தினமாகவும் இருக்கும் அறிவிப்பை வெளியிட்டார்.

பின்னர் கனடா உள்ளிட்ட 46 நாடுகள் அன்னையர் தினத்தை ஏற்றுக்கொண்டன. இறுதியாக தனது 84 ஆம் வயதில் அன்னா தனது வாழ்வின் இறுதிக் கட்டத்தின் பொழுது தனியார் மருத்துவமனையில் வைத்தும் அன்னையர் தினம் தாயைப் போற்றும் விதமாக உலகமுழுவதும் கொண்டாடப்பட வேண்டும் என்ற ஆசையை தன்னை சந்தித்த பத்திரிகையாளர்களிடம் வெளிப்படுத்தினார்.

அன்னையர் தினம் உருவாக காரணமான அன்னா ஜார்விஸ் திருமணம் முடிக்காதவர் என்பது குறிப்பிடத்தக்கது.

வணிகமயமாக்கப்பட்ட அன்னையர்தினம்

பல்வேறு சர்வதேச தினங்களைப் போன்றே அன்னையர் தினமும் வணிகமயாக்கப்பட்டது. அதுவும் அன்னையர் தினம் துவக்கப்பட்டு 9 ஆண்டுகள் கழித்து. யார் அன்னையர் தினத்தை துவக்கி வைத்தாரோ அவரே அதன் எதிர்ப்பாளாராகவும் மாறினார். ஆம், அன்னா ஜார்விஸ் அன்னையர் தினத்தை வணிகமயமாக்கியதற்கு எதிராக போராட ஆரம்பித்தார்.

1948 ஆம் ஆண்டில் அன்னையர் தினம் வணிகமயாக்கப்பட்டதைக் கண்டித்து போராட்டம் நடத்தியதால் அமைதியை சீர்குலைத்தார் எனக்கூறி கைதுச் செய்யப்பட்டார் அவர்.

அன்னா ஜார்விஸ் கடைசியாக கூறியது என்னவெனில், "இதுபோல் நடக்கும் எனத் தெரிந்திருந்தால் நான் இந்த நாளை துவங்கியிருக்க மாட்டேன். ஏனெனில் அது கட்டுப்பாடின்றி சென்றுவிட்டது." என்று.

வர்த்தக ரீதியாக வெற்றிப் பெற்ற அமெரிக்க நிகழ்ச்சிகளில் ஒன்றாக அன்னையர் தினம் மாறிவிட்டது. தேசிய விடுதிக் கூட்டமைப்பின் கணிப்பின்படி அன்னையர் தினமானது இப்பொழுது அமெரிக்காவின் உணவு விடுதிகளில் இரவு விருந்துக்கு ஆண்டின் பிரபல நாளாக மாறிவிட்டது.

IBIS World என்ற வணிக ஆராய்ச்சி வெளியீட்டு நிறுவனத்தின் கணிப்பின்படி அமெரிக்கர்கள் மலர்களுக்கு 2.6 பில்லியன் டாலர்களும், விரும்பிய பரிசுப் பொருட்களுக்கு 1.53 பில்லியன் டாலர்களும், வாழ்த்து அட்டைகளுக்கு 68 மில்லியன் டாலர்களும் செலவு செய்கின்றனர்.

2008 ஆம் ஆண்டில் அமெரிக்காவில் அன்னையர் தினத்தில் அன்னையர்களுக்கான மோதிரங்களின் விற்பனை அமெரிக்காவின் நகைத் தொழில் துறையின் ஆண்டு வருமானத்தில் 7.8 சதவீதத்தை பெற்றுக் கொடுத்தது.

கார்ப்பரேட் தாய்மார்கள்

அன்னையர் தினத்தை கொண்டாடும் இவ்வேளையில் தாய்மையின் புனிதத்தைக் கெடுக்கும் தாய்மார்களின் அவலத்தையும் குறிப்பிட்டாக வேண்டும். வாடகைத் தாய் என்ற பெயரில் அன்னிய ஆண்களின் குழந்தைகளை சுமந்து தனது புனிதமான கருவறையை கார்ப்பரேட் அறைகளாக மாற்றி வருகின்றனர் சில பெண்மணிகள்.

இவர்கள் தாய்மையையும் பெண்மையையும் காசுக்காக சீரழிக்கும் வெட்கங்கெட்ட பெண்மணிகளாவர்.

கருவறையை கழிப்பிடமாக மாற்றுபவர்கள்

முறைகேடான உறவுகள் மூலம் தந்தை யார் என்று தெரியாத ஒரு சமூகத்தை உருவாக்கிய பெருமை கருவறைகளை கழிப்பிடமாக மாற்றிய பெண்மணிகளை சாரும்.

தவறான உறவில் பிறந்தக் குழந்தைகளை குப்பைத் தொட்டியில் வீசும் கல்நெஞ்சம் படைத்தவர்களை நாம் எவ்வாறு அன்னையர் இனத்தில் சேர்க்க இயலும்.

கருவறையை பிணவறையாக மாற்றுபவர்கள்

குழந்தை என்பது இறைவனின் அருட்கொடையாகும். அது ஆணாக இருந்தாலும் சரி, பெண்ணாக இருந்தாலும் சரி. ஆனால் தான் 10 மாதம் சுமந்து பெற்ற குழந்தைகளை அல்லது தான் கருவறையில் சுமக்கும் குழந்தைகளை அது பெண்ணாக இருக்கும் காரணத்தினால கருவிலேயே அழிக்க நினைக்கும் பாவிகளை நினைத்தால் மனம் பதறிப் போகிறது. இவர்கள்தான் கருவறையை பிணவறையாக மாற்றுபவர்கள். இவர்கள் குழந்தையின் அழுகுரலுக்கு பதிலாக மரண ஓலத்தை கேட்க விரும்புகிறார்கள்.

பாசிசமும் தாய்மையும்

தாயை தெய்வமாக மதிக்கிறோம் என்று கூறிவிட்டு தாய்மையை காலில் போட்டு மிதிக்கும் கயமைத் தன்மைக் கொண்ட பாசிஸ்டுகளின் இரட்டை வேடத்தை இந்த அன்னையர் தினத்தில் அடையாளம் காட்டுவது அவசியமாகும்.

பாரத மாதா, கோ மாதா என எதற்கெடுத்தாலும் மாதா கோஷம் எழுப்பும் இந்தக் கயவர்கள் இந்தியாவில் நடந்த பல கலவரங்களிலும் சிறுபான்மையின தாய்மார்களின் தாய்மையை சூறையாடியவர்கள். அதன் உச்சக்கட்டம் தான் குஜராத்தில் நாம் கண்ட கோர நிகழ்வு. கெளஸர் பானு என்ற தாயின் வயிற்றைக் கிழித்து கருவறையிலிருந்த சிசுவைத் தூக்கி தீயில் போட்டு பொசுக்கிய இந்த அரக்கர்கள் ஒரு தாய்க்குத்தான் பிறந்தார்களா? என்ற சந்தேகத்தை நமக்கு ஏற்படுத்துகிறது.

நுகர்வு கலாச்சாரத்திற்கு அடிமைப்பட்டுப் போன தாய்மை நுகர்வு கலாச்சாரம் ஏற்படுத்திய பாதிப்பால் பெற்ற குழந்தையைக்கூட கவனிக்காமல் சம்பாதிக்க வேண்டும் என்ற வெறி இன்று நகர்ப்புறங்களில் அதிகரித்து வருகிறது. இது நுகர்வு கலாச்சாரம் ஏற்படுத்திய பாதிப்பாகும். கண்டதையெல்லாம் வாங்கிக் குவிக்க வேண்டும். அதற்குப் பணம் தேவை. அதற்காக நேரம் காலம் தெரியாமல் சம்பாதிக்க வேண்டும் என்ற எண்ணமே மேலோங்கியுள்ளது.

குழந்தையைப் பெற்று சில வாரங்கள் கழிந்தவுடனேயே வேலைக்குச் செல்லும் யுவதிகள் அதிகரித்து வருகின்றனர். குழந்தைக் காப்பகத்தில் அல்லது வேலைக்காரியிடம் ஒப்படைத்து விட்டுச் செல்வதால் குழந்தைக்கு தாய்ப்பாசம் எவ்வாறு கிடைக்கும். அமெரிக்கா போன்ற மேலைநாடுகளில் குடும்பவாழ்வு சீரழிந்ததன் காரணமாகவும், நுகர்வு கலாச்சாரத்திற்கு அடிமைப்பட்டதன் விளைவாகவும் குழந்தைக்கும் தாய்க்கும் இடையேயான உறவில் மிகப்பெரிய விரிசல் ஏற்பட்டு பல காலமாகிவிட்டது.

இதனால் குற்ற சிந்தனைக் கொண்ட ஒரு சமூகம் அங்கு உருவாகியுள்ளது. அடிக்கடி துப்பாக்கிச் சத்தம் பள்ளிக்கூடங்களிலும், கல்லூரிகளிலும் ஒலிப்பதை நாம் அறியத்தான் செய்கிறோம்.

அதிகரித்து வரும் முதியோர் இல்லங்கள்

பத்துமாதம் சுமந்து பெற்று சீராட்டி தாலாட்டி வளர்த்த அன்னையை வயோதிக வயதில் பரிதவிக்கவிடும் பாதகர்களும் மனித போர்வையில் நடமாடுகிறார்கள். முதியோர் இல்லங்களில் அகதிகளாக்கப்படும் அன்னையர்களின் எண்ணிக்கை நாளுக்கு நாள் அதிகரித்துதான் வருகிறது. இதனால்தான் ஒரு கவிஞர் இவ்வாறு கூறுகிறார்:

'அன்னையர்க்கு தினம் ஒன்று வேண்டாம்- அன்றாடம்

அன்பு செய்யும் மனம் தான் வேண்டும்’ என.

மனித நேயம் மக்கிப்போன காலக்கட்டமாக மாறி வருகிறது இன்றைய நவீன உலகம்.

அன்னையர் தினம் என்ற பெயரால் வருடத்தில் ஒரு நாளை சிறப்பித்து கொண்டாடுவதினாலோ அல்லது வாழ்த்து அட்டைகளை பரிமாறிக் கொள்வதினாலோ நமது வாழ்க்கைக்கு அர்த்தத்தை உருவாக்கிய அந்த 'தாய்' என்ற உறவுக்கு நாம் பிரதி உபகாரம் செய்திட இயலாது.

'தாய்' உறவு முறை என்பது வெறும் சடங்கோ சம்பிரதாயமோ அன்று. உணர்வுப் பூர்வமாக நாம் அணுகவேண்டிய உன்னதமான உறவு முறையாகும். ஒரு குழந்தையின் கரு உருவான காலக்கட்டத்திலிருந்து அதன் தாய் படும் கஷ்டங்களும், சிரமங்களும் கொஞ்சநஞ்சமல்ல. குழந்தையை பெற்ற பின்னரும் அவள் படும் சிரமமும், அர்ப்பணிப்பும் ஏராளம். குழந்தையின் கழிவுகளை இன்முகத்தோடு சுத்தம் செய்யும் பாங்கும், அக்குழந்தைக்காக உணவையும், உறக்கத்தையும் தியாகம் செய்யும் தன்னலமற்றத் தன்மையும் தாயைத் தவிர வேறு எந்த உறவினால் ஆற்ற இயலும்?

தாய்மைக்கு உயர்வளித்த ஒப்பற்றக் கொள்கைதாயை தெய்வமாக மதிக்கிறோம் எனக்கூறி என போலிவேடம் போடுவதை இறை மார்க்கமான இஸ்லாம் ஏற்கவில்லை. அகிலங்களையெல்லாம் படைத்து பரிபாலித்து வரும் இறைவனுக்கு நிகராக எவரும் எப்பொருளும் இல்லை என்பதுதான் இஸ்லாம் கூறும் இறைக்கொள்கை.

அதே வேளையில் அன்னயருக்கு இஸ்லாம் மனித உறவுகளில் உன்னத இடத்தை அளித்து கெளரவிக்கிறது.

தாய் காலடியில்தான் சுவனம் இருக்கிறது என்ற நபிகளாரின் வாக்கு அன்னைக்கு பணிவிடைச் செய்வதன் மூலமே மரணத்திற்கு பின்னர் வரும் வாழ்க்கையில் வெற்றிப்பெற முடியும் என்ற உயரிய தத்துவத்தை போதிக்கிறது.

மிகப்பெரிய பாவங்களில் ஒன்று பெற்றோரை துன்புறுத்துவது எனக்கூறி அன்னையரை அபலைகளாக்குவோருக்கு எச்சரிக்கை விடுக்கிறது இஸ்லாம்.
உறவுகளில் உன்னத அந்தஸ்தை கொடுக்க வேண்டியது அன்னைக்குதான் என்று நபித்தோழர் ஒருவர் கேட்ட கேள்விக்கு நபி(ஸல்...) அவர்கள் மீண்டும் மீண்டும் கூறினார்கள்.

அன்னையானவள் இஸ்லாத்தை தழுவாவிட்டாலும் கூட அவருக்கு இவ்வுலகில் நீ மதிப்பளிதேயாக வேண்டும் என்ற தத்துவத்தை போதித்த மார்க்கம் தான் இஸ்லாம்.

பெற்றோருக்கு கடமையாற்ற வேண்டிய முக்கிய காலக்கட்டம்தான் அவர்களுடைய வயோதிக காலம். அவ்வேளைகளில் எவ்வாறு நடந்துக்கொள்ள வேண்டுமென்பதை அல்லாஹ் தனது திருக்குர்ஆனில் இவ்வாறு குறிப்பிடுகிறான்:

"நபியே! உமதிறைவன் தன்னைத் தவிர (மற்றெவரையும்) வணங்கக்கூடாதென்றும் (கட்டளையிட்டிருப்பதுடன்) தாய் தந்தைக்கு நன்றி செய்யும் படியாகவும் கட்டளையிட்டிருக்கின்றான். அவர்களில் ஒருவரோ அல்லது இருவருமோ உம்மிடம் முதுமையை அடைந்து விட்டபோதிலும் அவர்களை வெருட்டவும் வேண்டாம். அவர்களை(நிந்தனையாகச்) ’சீ’ என்று சொல்லவும் வேண்டாம். அவர்களிடம்(எதைக் கூறிய பொழுதிலும் புஜம் தாழ்த்தி) மிக்க மரியாதையாகவும் அன்பாகவுமே பேசும். அவர்களுக்கு மிக்க அன்புடன் பணிந்து நடப்பீராக! அன்றியும் ’என் இறைவனே! நான் குழந்தையாக இருந்த பொழுது (மிக்க அன்பாக) என்னை அவர்கள் வளர்த்து போஷித்த பிரகாரமே, நீயும் அவ்விருவர் மீதும், அன்பும் அருளும் புரிவாயாக!’ என்று நீரும் பிரார்த்திப்பீராக." (அல்குர்ஆன் 17:23,24).

இத்தகையதொரு இஸ்லாமிய சமூக சூழலில் முதியோர் இல்லங்களுக்கு ஏது இடம்? அதனால்தான் முஸ்லிம் சமூகத்தில் பெற்றோரை முதியோர் இல்லத்துக்கு அனுப்பும் நிலை குறைவாகவே உள்ளது.

பெற்றோர் இறந்தாலும் கூட அவருக்காக நீ ஆற்றும் நற்பணிகள் அவரைச் சென்றடையும் எனக்கூறும் இஸ்லாம் அவர்களின் நேசத்திற்குரியவர்களுக்கு அவர்கள் இறந்த பின்னரும் மதிப்பளியுங்கள் என்ற உபதேசத்தை போதிக்கிறது.

இஸ்லாமிய குடும்பங்களைப் பொறுத்தவரை வருடத்திற்கு ஒரு முறையல்ல மாறாக வருடம் முழுவதுமே அன்னையர் தினம் தான். அங்கு போலியான பாசாங்கான நடவடிக்கைகளுக்கு சாத்தியமே இல்லை.

இத்தகையதொரு இறைமார்க்கமான இஸ்லாம் என்ற வாழ்வியல் கொள்கையால்தான் அன்னையர் என்ற உன்னத உறவுக்கு உயர்வை அளிக்க இயலும். அந்த மார்க்கத்தின் வழி நின்று அன்னையரை போற்றுவோம்!

அன்னையர் தினம்   

Source : http://paalaivanathoothu.blogspot.com

ஒரு கல்லிரலின் கடிதம்

                                            ஒரு கல்லிரலின் கடிதம்

from  by Rajakamal

அன்பு மனிதர்களே நான் உங்கள் மீது எவ்வளவு அன்பு வைத்திருக்கிறேன் உங்களுக்காக நான் செய்யும் பணிகள் என்ன என்ன என்பதை உங்கள் பார்வைக்குத் தருகிறேன் பார்த்துவிட்டு நீஙகளும் என் மீது அன்பு செலுத்தினால் நாம் இருவரும் நலமாக இருக்கலாம்.

1. உங்களுக்கு தேவையான இரும்பு சத்துகளை சேமித்து வைக்கிறேன் அது மட்டுமில்லாமல் உடலுக்கு தேவையான ஊட்டச் சத்துகளையும் சேமித்து வைக்கிறேன்
நான் இல்லாமல் உங்களால் சக்தியாக இயங்க முடியாது

2. உங்கள் உணவு செரிப்பதற்கான திரவத்தை நானே சுரக்கிறேன்
நான் இல்லையேல் உங்கள் உணவு செரிமானமாகமல் உடலுக்கு தேவையான சத்துகளாக மாற்றப் படாது.

3. நச்சுத் தன்மை மிகுந்த இரசாயனங்கள் மது, போதைப் பொருட்கள் detoxify poisonous chemical போன்றவைகளை என்னுள் செலுத்துகிறீர்கள்.

நான் இல்லாவிட்டால் தவறான பழகங்கள் உங்களை கொன்று விடும்
4. தேவையான சக்தியை ஒரு battery cell போல் நான் சேமித்து வைத்துக் கொள்கிறேன் (carbo hydrates glucose and fat) உங்களுக்கு தேவையான அளவு இரத்தில் இருக்கும் படி பார்த்துக் கொள்கிறேன்.

நான் இல்லையேல் இரத்தில் சர்கரையின் அளவு கூடி நிங்கள் coma நிலைக்கு சென்று விடுவீர்கள்

5. நிஙகள் கருவாயிருக்கும் காலந்தொட்டு உங்கள் இரத்ததை உற்பத்தி செய்பவன் நான் தான்.

நான் இல்லையேல் நீங்கள் இல்லை.

6. உங்கள் உடம்பு நலமாக வளர்வதற்கு நானே புதிய protein களை உற்பத்தி செய்கிறேன்.
நான் இல்லையேல் நீங்கள் ஆரோக்கிய வளர்ச்சி பெற முடியாது.

7. நீங்கள் சுவாசிக்கும் காற்று மற்றும் நச்சு புகை போன்றவற்றால் ஏற்படும் நச்சு தன்மை உங்களை பாதிக்காமல் நானே உங்களை பாதுகாக்கிறேன்.

நான் இல்லையேல் நச்சு தன்மையால் உங்கள் மற்ற உறுப்புகள் பாதிக்கப் படும்

8. உங்கள் உடம்புகளில் ஏற்படும் வெட்டு காயங்களிலிருந்து வரும் ரத்தத்தை உறைய வைத்து நானே முழுவதும் வெளியேறாமல் நிறுத்துகிறேன்.இல்லையேல் ரத்தம் முழுதும் வெளியேறி இறக்க நேரிடும்

9. உங்கள் உடம்பில் செல்லும் வைரஸ்களை தாக்கி அழிக்கிறேன் cold gems and flu gems போன்றவற்றை நானே கொள்கிறேன்

நான் இல்லையேல் பல தொற்று நோய்களுக்கு ஆளாகி படுக்கையில் கிடக்க வேண்டி வரும்.


நான் உங்கள் மீது எவ்வளவு அன்பு வைத்திருக்கிறேன் பார்த்தீர்களா என் மீது அன்பு செழுத்தவும் என்னை பாதுகாக்கவும் நான் சில வழிகளை சொல்கிறேன்.

1. நீங்கள் மது, போதை உட்கொள்வதால் நான் cirrhosis என்ற நோய்க்கு ஆளாகிறேன்

2. Arosel spray (like painting smell)என்னை பாதிக்கும் அதை சுவாசிக்க வேண்டி வந்தால் மாஸ்க் அணிந்துக் கொள்ளுங்கள் ஜன்னல்களை திறந்து வையுங்கள்

3. அளவுக்கு அதிகமாக கொழுப்புள்ள பொருட்களை உண்ணாதீர்கள், நான் அதை சரியான அளவு வைத்துக் கொள்ள முயற்ச்சிக்கிறேன்.

4. தொடர்சியாக உண்ணாதீர்கள் எனக்கு இடைவேளை கொடுங்கள் அதுவே நான் சிறப்பாக பணியாற்ற உதவும்

5. நான் எந்நிலையிலும் பாதிக்கப் பட்டுள்ளேன் என்று தெரிவிக்க மாட்டேன் தெரிவிக்க முடியாது.

6. நான் எந்நிலையிலும் புகார் கூறாதவன் என்னை என் சக்திக்கு மேல் நிர்பந்திக்காதீர்கள்

7. இறுதியாக ஒரு வேண்டுகோள் என்னை மருத்துவரிடம் சோதித்துக் கொள்ளுங்கள் இரத்தப் பரிசோதனையில் என்னை தெரிந்துக் கொள்ளலாம்.

8. நான் மென்மையாக இருந்தால் நல்ல நிலைமையில் இருக்கிறேன், கடினமாகவோ வீங்கியோ இருந்தால் நான் பாதிக்கப் பட்டுள்ளேன் என்று அர்த்தம்

9. மருத்துவர் ultra sound and ct scan மூலம் என்னை அறிந்து கொள்வார்

10. என் வாழ்கையும் உங்கள் வாழ்கையும் உங்கள் கையில் உள்ளது நான் எவ்வளவு பாதுகாக்கிறேன் என்று அறிந்திருப்பீர்கள் அது போல் என்னையும் பாதுகாக்க வேண்டுகிறேன்

இப்படிக்கு

YOUR SILENT PARTNER AND
EVER LOVING LIVER

நிலா மலர்கள்

நன்றி  : http://rajakamal.blogspot.com

கல்விச்சேவை தகவல்கள்!

கல்விச் சேவை பற்றிய சில தகவல்களையும் அவற்றை அளிக்கும் நிறுவனங்கள் பற்றிய விபரங்களையும் வாசகர்களுடன் பகிர்ந்து கொள்வதில் மகிழ்ச்சியடைகிறோம்! - சத்தியமார்க்கம்.காம்

நான்கு ஆண்டு பி.பி.ஏ.,

நான்கு ஆண்டு பி.பி.ஏ., டூரிஸம் அண்ட் ஹாஸ்பிடாலிட்டி மேனேஜ்மென்ட் படிப்பை ஹைதராபாத் ஜவஹர்லால் நேரு டெக்னாலஜிக்கல் யுனிவர்சிட்டி நடத்துகிறது. நேஷனல் இன்ஸ்டிட்யூட் ஆஃப் டூரிஸம் அண்ட் ஹாஸ்பிடாலிட்டி மேனேஜ்மென்ட் நிறுவனத் துடன் இணைந்து நடத்தும் இந்தப் படிப்புக்கு, ப்ளஸ் டூ படித்த மாணவர்கள் விண்ணப்பிக்கலாம். நுழைவுத் தேர்வு மற்றும் நேர்முகத் தேர்வு மூலம் மாணவர்கள் தேர்வு செய்யப்படுவார்கள். பூர்த்திசெய்யப்பட்ட விண்ணப்பங்களை செப்டம்பர் 20-ம் தேதிக்குள் கிடைக்கும்படி அனுப்ப வேண்டும். எழுத்துத் தேர்வு செப்டம்பர் 25-ம் தேதி நடைபெறுகிறது!


மேலும் விவரங்களுக்கு: www.nithm.ac.in

ஐ.ஓ.சி., ஸ்காலர்ஷிப்

விளையாட்டு வீரர்களுக்குக் கல்வி உதவித் தொகை வழங்குகிறது இந்தியன் ஆயில் கார்ப்பரேஷன் (ஐ.ஓ.சி.,) 15 முதல் 18 வயதுக்குட்பட்ட ஜூனியர் லெவல் விளையாட்டு வீரர்கள், அத்லெட்டிக்ஸ், டென்னிஸ், கேரம், ஹாக்கி, கோல்ஃப், டேபிள் டென்னிஸ், கிரிக்கெட், ஸ்னூக்கர், பில்லியர்ட்ஸ் போட்டிகளில் விளையாடுபவர்களும் இந்த உதவித் தொகை பெற விரும்பினால், வரும் 30-ம் தேதிக்குள் விண்ணப்பிக்க வேண்டும்.


பத்தாம் வகுப்பு, ஐ.டி.ஐ., இன்ஜினீயரிங், எம்.பி.பி.எஸ்., எம்.பி.ஏ., படிக்கும் மாணவர்கள் 450 பேருக்கும் கல்வி உதவித் தொகை வழங்கவிருக்கிறது ஐ.ஓ.சி. நிறுவனம்!


மேலும் விவரங்களுக்கு: www.iocl.com

ஐ.ஐ.டி-யில் எம்.பி.ஏ.,

மும்பை, டெல்லி, கான்பூர், கோரக்பூர், சென்னை, ரூர்க்கி ஆகிய இடங்களில் உள்ள ஐ.ஐ.டி-க்களில் மேலாண்மைப் படிப்புகள் படிக்க தனியே நுழைவுத் தேர்வை எழுத வேண்டும் (Joint Management Entrance Test). கான்பூர் ஐ.ஐ.டி நடத்தும் இந்த நுழைவுத் தேர்வை எழுத விரும்பும் மாணவர்கள், அக்டோபர் 17-ம் தேதிக்குள் விண்ணப்பங்களை அனுப்ப வேண்டும். டிசம்பர் 14-ம் தேதி நுழைவுத் தேர்வு நடைபெறும்!


மேலும் விவரங்களுக்கு:http://www.iitk.ac.in/gate

தொலைநிலைக் கல்வி மூலம் பி.எட்.,

திருநெல்வேலி மனோன்மணீயம் சுந்தரனார் பல்கலைக்கழகத்தின் தொலைநெறிக் கல்வி இயக்ககம் நடத்தும் பி.எட்., படிப்புகளில் சேர்வதற்கான விண்ணப்பங்களை வரும் 30-ம் தேதிக்குள் அனுப்ப வேண்டும். நுழைவுத் தேர்வு, அக்டோபர் 18-ம் தேதி நடைபெறஇருக்கிறது. இரண்டு ஆண்டு ஆசிரியர் பணி அனுபவம் பெற்ற பட்டதாரிகள் விண்ணப்பிக்கலாம்!

தெர்மல் பவர் பிளான்ட் இன்ஜினீயரிங்

நெய்வேலியில் உள்ள நேஷனல் பவர் டிரெய்னிங் இன்ஸ்டிட்யூட்டில் தெர்மல் பவர் பிளான்ட் இன்ஜினீ யரிங் துறையில் போஸ்ட் டிப்ளமோ படிப்பில் சேரலாம். ஓராண்டுப் படிப்பு இது. மெக்கானிக்கல், எலெக்ட்ரிக்கல், இன்ஸ்ட்ருமென்டேஷன் இன்ஜினீயரிங் படிப்புகளில் 60 சதவிகித மதிப்பெண்களுடன் தேர்ச்சி பெற்றமாணவர் கள் விண்ணப்பிக்கலாம். வயது வரம்பு 27. விண்ணப் பங்களை செப்டம்பர் 22-ம் தேதிக்குள் கிடைக்கும்படி அனுப்ப வேண்டும்.


மேலும் விவரங்களுக்கு: www.nptisr.com

சிவில் சர்வீஸ் தேர்வுப் பயிற்சி

ஐ.ஏ.எஸ்., ஐ.பி.எஸ்., உள்பட சிவில் சர்வீசஸ் முதல் நிலைத் தேர்வு எழுதும் மாணவர்களுக்கு, சென்னை அண்ணா நகரில் உள்ள 'அகில இந்திய குடிமைப் பணித் தேர்வுப் பயிற்சி மையம்' பயிற்சி அளிக்கிறது. வருகிற டிசம்பர் முதல் 6 மாதங்களுக்குப் பயிற்சி. முழு நேரப் பயிற்சி அல்லது பகுதி நேரப் பயிற்சி என வசதிக்கேற்ற பிரிவுக்கு விண்ணப்பிக்கலாம். முழு நேரப் பயிற்சிக்கு 200 மாணவர்களும் பகுதி நேரப் பயிற்சிக்கு 100 மாணவர்களுக்கும் அனுமதி. முழு நேரப் பயிற்சி மாணவர்களுக்கு விடுதி வசதி உண்டு. அனுமதிக்கு நுழைவுத் தேர்வு உண்டு. நவம்பர் 9-ம் தேதி நுழைவுத் தேர்வில் பங்கேற்க, செப்டம்பர் 30-ம் தேதிக்குள் கிடைக் கும்படி விண்ணப்பங்களை அனுப்ப வேண்டும்.


மேலும் விவரங்களுக்கு: www.civilservicecoaching.com

பேங்க் ஆஃப் பரோடாவில் வேலை!

பேங்க் ஆஃப் பரோடாவில் ஆயிரம் கிளார்க் பணி இடங்களுக்கான அறிவிப்பு வெளியிடப்பட்டுள்ளது. போட்டித் தேர்வு மூலம் தகுதியுடையவர்கள் தேர்வு செய்யப்படுவார்கள். குறைந்தபட்சக் கல்வித் தகுதி பிளஸ் டூ என்றாலும் பட்டதாரிகளும் விண்ணப்பிக்கலாம். பூர்த்தி செய்யப்பட்ட விண்ணப்பங்களை அக்டோபர் 6-ம் தேதிக்குள் கிடைக்கும்படி விண்ணப்பிக்க வேண்டும். போட்டித் தேர்வு நவம்பர் 30-ம் தேதி!


மேலும் விவரங்களுக்கு: www.bankofbaroda.com

டெக்னிக்கல் ரைட்டிங் பயிற்சி

விளக்கக் கையேடுகள், பதிவேடுகள், பயனாளிகளுக்கான குறிப்புகள் போன்றவற்றை ஓர் இலக்கண வரையறையுடன் எழுதுவதுதான் டெக்னிக்கல் ரைட்டிங் அண்ட் டாகுமென்ட்டேஷன். இணையத்திலும் இந்தப் பணிகளுக்கான தேவை அதிகரித்து வருகிறது. டெக்னிக்கல் ரைட்டிங் அண்ட் டாகுமென்ட்டேஷன் குறித்த ஒரு மாதப் பயிற்சியை சென்னை அண்ணா பல்கலைக்கழகத்தின் சி.பி.டி.இ. மையம் வழங்குகிறது. எம்பெட்டட் சிஸ்டம் டிசைன் குறித்த மூன்று மாத குறுகிய காலப் பயிற்சியையும் இந்த மையம் அளிக்கிறது.


மேலும் விவரங்களுக்கு: 99400 18051, 04422201777

அட்வர்டைசிங்!

அகமதாபாத் முத்ரா இன்ஸ்டிட்யூட் ஆஃப் கம்யூனிகேஷன் நிறுவனம் ஹூயூக்ஸ்நெட் குளோபல் எஜுகேஷன் நிறுவனத்துடன் இணைந்து அட்வர்டைசிங் அண்ட் பப்ளிக் ரிலேஷன் முதுநிலை சான்றிதழ் படிப்பைத் தொடங்கியுள்ளது. இந்த ஓராண்டுப் படிப்புக்குக் கட்டணம் ரூ.68,500. பட்டப் படிப்பை முடித்த மாணவர் களும் பட்டப் படிப்பைப் படிக்கும் மாணவர்களும் இதில் சேர விண்ணப்பிக்கலாம்.


மேலும் விவரங்களுக்கு: www.hnge.in

ரீ-டெய்ல் மேனேஜ்மென்ட் பல்கலைக்கழகம்

18 லட்சம் கோடி ரூபாய் பணம் புரளும் சில்லறை வர்த்தகத் துறையில் தகுதி வாய்ந்த திறனாளர்களை உருவாக்குவதற்காக புனே அருகே புதிதாக நிகர்நிலைப் பல்கலைக்கழகம் உருவாகிறது. ரீடெய்ல் மேனேஜ்மென்ட் தொடர்பான படிப்புகளை நடத்துவதற்கு முக்கியத்துவம் அளிக்கும் இந்த நிகர்நிலைப் பல்கலைக்கழகத்தை அமைக்கும் பணியில் நேஷனல் ஸ்கூல் ஆஃப் ஹாஸ்பிடாலிட்டி மேனேஜ்மென்ட் நிறுவனம் முயற்சிகளை மேற்கொண்டு வருகிறது.

சமுதாய வானொலிப் படிப்பு!

சமுதாய வானொலி குறித்த சான்றிதழ் படிப்பை வரும் ஜனவரி முதல் தொடங்கப்போவதாக இந்திரா காந்தி தேசியத் திறந்தநிலைப் பல்கலைக்கழகம் அறிவித்துள்ளது. ப்ளஸ் டூ முடித்த மாணவர்களும், சமூக நலப் பணிகளில் ஈடுபட்டுள்ளவர்களும் இந்தப் படிப்பில் சேரலாம்!

கலைத்திறன் படைத்தவர்களுக்கு கல்வி உதவித் தொகை!

இசை, நாட்டியம், ஓவியம், சிற்பம், கைவினைத் திறன் உள்பட கலைத் திறன் படைத்த 10 வயதிலிருந்து 14 வயதுக்குட்பட்ட மாணவர்களுக்கு கல்ச்சுரல் டேலன்ட் சர்ச் ஸ்காலர்ஷிப் வழங்கப்படுகிறது. ஆண்டுதோறும் 500 மாணவர்களுக்குத் தலா ரூ.3,600 வீதம் இந்தக் கல்வி உதவித்தொகை வழங்கப்படும். பூர்த்தி செய்யப்பட்ட விண்ணப்பங்களை, டிசம்பர் 31-ம் தேதிக்குள் டெல்லியில் உள்ள சென்டர் ஃபார் கல்ச்சுரல் ரிசோசர்ஸ் அண்ட் டிரெயினிங் அமைப்புக்குக் கிடைக்கும்படி அனுப்பிவைக்க வேண்டும்!


மேலும் விவரங்களுக்குwww.ccrtindia.gov.in

என்.ஜி.ஓ. மேனேஜ்மென்ட்!

என்.ஜி.ஓ. மேனேஜ்மென்ட் என்ற புதிய சான்றிதழ் படிப்பை இந்திரா காந்தி தேசியத் திறந்தநிலைப் பல்கலைக்கழகம் தொடங்கியுள்ளது.  அமைப் பின் ஒத்துழைப்புடன் இந்தப் படிப்பு தொடங்கப் பட்டுள்ளது. ப்ளஸ் டூ படித்த மாணவர்கள் இப் படிப்பில் சேரலாம். பத்தாம் வகுப்பு படித்து மூன்று ஆண்டு தொண்டு நிறுவனங்களில் பணி அனுபவம் உள்ளவர்களும் சேரலாம். விண்ணப்பம் அனுப்பக் கடைசித் தேதி அக்டோபர் 31.

ஆக்ஸ்போர்டு பல்கலையில் தற்கால இந்தியா!

இந்தியக் கலாசாரத்துக்கு இன்னொரு பெருமை. இந்தியாவைப் பற்றியும் அதன் கலாசார, பொருளாதார அம்சங்களைப்பற்றியும் அறிந்துகொள்ள விரும்பும் மாணவர்களுக்காக பிரிட்டனில் உள்ள ஆக்ஸ்போர்டு பல்கலைக்கழகத்தில் தற்கால இந்தியா பற்றிய எம்.எஸ்ஸி., படிப்பு தொடங்கப்பட்டுள்ளது. உலக அளவில் முக்கியப் பொருளாதாரச் சக்தியாக உருவாகி வரும் இந்தியா பற்றி அறிந்துகொள்ளும் ஆர்வத்தை அடுத்து இப் படிப்பு தொடங்கப்பட்டுள்ளது!

டெல்லியில் லா ஸ்கூல்!

சட்டக் கல்லூரிகள் இருந்தாலும்கூட, அதைவிட லா ஸ்கூல்களில் படிக்கும் மாணவர் களுக்கு நல்ல வேலை கிடைத்துவிடுகிறது. டெல்லியிலும் நேஷனல் லா ஸ்கூல் தொடங்கப்பட்டுள்ளது. ஆண்டுக் கட்டணம் ரூ.1.25 லட்சம் (இரண்டு செமஸ்டர் களுக்கு)!

வேலூர் சி.எம்.சி-யில் மருத்துவப் படிப்பு!

வேலூர் சி.எம்.சி. மருத்துவக் கல்லூரியில் எம்.டி., எம்.எஸ்., மற்றும் டிப்ளமோ படிப்புகளில் சேருவதற்கு வருகிற டிசம்பர் 13-ம் தேதி நுழைவுத் தேர்வு நடத்தப் படுகிறது. இதற்கு விண்ணப்பிக்க விரும்பும் மாணவர்கள் நவம்பர் 5-ம் தேதிக்குள் விண்ணப்பிக்க வேண்டும்!


மாணவர்களுக்குக் கூடுதல் நேரம்!


பொதுத் தேர்வு எழுதும் மாணவர்கள் தேர்வின் போது வினாத்தாள்களைப் படித்துப் புரிந்து கொள்வதற்காக ஏற்கெனவே 10 நிமிடங்கள் கூடுதலாக வழங்கப்பட்டு வருகின்றன. தற்போது விடைத்தாளில் பதிவு எண்களைப் பூர்த்தி செய்வது உள்ளிட்டவற்றைப் பதற்றமில்லாமல் மாணவர்கள் செய்வதற்கு வசதியாக மேலும் 5 நிமிடங்கள் வழங்க தமிழக அரசு உத்தேசித்துள்ளது. இதற்கான ஆய்வுக் குழு அறிக்கையைப் பொறுத்து, இது குறித்த அறிவிப்பு அதிகாரப்பூர்வமாக வெளியாகும்!

அஞ்சல் வழி மேற்படிப்பு:

அஞ்சல் வழி மேற்படிப்புகளுக்காக இந்திய அரசு ஒரு நடுவண் மையத்தை ஏற்படுத்தியுள்ளது..

அதன் பெயர் Distance Education Council (DEC). இந்த அமைப்பு அஞ்சல் வழி கல்வியை முறைப்படுத்தும் முயற்சியை மேற்கொண்டுள்ளது.

இதன் அங்கீகரிக்கப்பட்ட கல்வி நிலையங்களின் பட்டியல் தற்போது தயாரிக்கப்பட்டு வருகிறது. மிக விரைவில் வலையேற்றுவார்கள் என எதிர்பார்க்கப்படுகிறது.

இந்த அமைப்பின் வலைமனை www.dec.ac.in

இந்தியாவில் Distance Education தற்போது மிக பலம் பெற்ற வகையில் வளர்ந்து வருகிறது.

முதலாவது, Online Education Introduction - இது இன்னும் கருத்து நிலையிலே இருக்கிறது.

இரண்டாவது, Convergence System - கல்லூரியில் படித்துக் கொண்டிருக்கும் போது மற்றுமொரு பட்டப்படிப்பை படிக்க அனுமதி.. இவ்வளவு நாட்கள் அதை செய்திருந்தால் அது அனுமதிக்கப் பட்டதல்ல..

மூன்றாவது, அத்தனை பட்டப் படிப்புகளையும் முறையான வகையில், குறிப்பிட்ட தரத்துடன், தேவைக்கேற்ற நேரத்தில் படிக்க முடிகிறது.

மேலதிக விபரங்கள் www.ignou.ac.in

 தொகுத்தவர்கள்: எம். ரிஷான் ஷரீஃப் மற்றும் ஏ. அஹமத் ஜுபைர்
கல்விச்சேவை தகவல்கள்!
Source : http://www.satyamargam.com/1063

தாய்மை (கவிதை)

 

ஆணினத்திற்கே கிடைக்காத பாக்கியம்
பெண்னினம் மட்டுமே பெற்று வந்த பரிசு!

ஒரு கவளம் சோற்றைக் கூட - அதிகமாய்
உட்கொள்ளாத வயிறு..!

ஒரு உயிரையே உள்ளே வளரச் செய்யும்
உலக அதிசயம்..!

எவ்வளவுதான் விஞ்ஞான வசதிகள் வந்தாலும்
கருவறையை விடப் பாதுகாப்பான அறையை
குழந்தைக்கு தர யாருக்கு முடியும்..?

இறைவனின் வல்லமைக்கு இதனை விட
சான்று வேண்டுமா..?

பத்து நிமிடம் சுமந்தால் தோள் கனத்துப் போகிறது
பத்து மாதம் சுமந்தாலும் கருவறை கனப்பதில்லை..!

வலி என்றாலே உயிர் போகிறது என்பார்கள் - ஆனால்
இந்த வலியில் மட்டுமே உயிர் வரும்..!

குழந்தையாய்...
சிறுமியாய்...
குமரியாய்...
மனைவியாய் வளரும் உறவு
தாய்மையில்தான் தன்னிறைவு பெறுகிறது..!

கொஞ்சும் போது தனக்கும் ஆனந்தம் வருவதாலேயே
தகப்பன் கூட குழந்தையை கொஞ்சுவது சாத்தியம்…!

நள்ளிரவில் குழந்தையின் அழுகை
எல்லோருக்கும் எரிச்சல்
தாய்மைக்குத்தான் பதட்டம்..!

வாழைப்பழ தோலில் வழுக்கி விழுந்தால்
அனைவரும் சிரிப்பார்கள் - ஏன்
மனைவி கூட மறைவாய் சிரிப்பாள் - ஆனால்
சிரிக்காதவள் தாய் மட்டுமே...!

தாய்மையின் மகத்துவத்தை எத்தனை
தத்துவமாயும் தத்ரூபமாயும் சொல்லலாம் - எல்லாவற்றையும் விட
அல்லாஹ்வின் தூதர் அழகாய்ச் சொன்னார்கள்
தாயின் காலடியில் சுவர்க்கம் இருக்கிறதென்று...!

கவிதை: வி.அ.உவைஸ்

தாய்மை (கவிதை   Source : http://www.satyamargam.com