இதை படிங்க முதல்ல - நன்றி மறப்பது நன்றன்று

வெயிலின் அருமை நிழலில் தெரியும் என்பார்கள். அது போல நமக்கு அல்லாஹ் வழங்கிய எண்ணிலடங்கா அருட்கொடைகள் அது திரும்பப் பெறப்படும்போது நமெக்கெல்லாம் புரிய வரும். உலகில் மனிதனாய் பிறந்திட்ட ஒவ்வொருவருக்கும் ஒவ்வொருவிதமான கஷ்டங்கள்: அல்லாஹ் சிலரை வறுமையால் சோதிக்கின்றான்.சிலரை நோய்,நொடிகளால் சோதிக்கின்றான், இன்னும் சிலர்களை கடன் தொல்லைகளால் சோதிக்கின்றான்.

ஆக, ஒவ்வொரு மனிதனுக்கும் ஒவ்வொரு விதமான சோதனைகள். நாம் நினைத்து கொண்டிருக்கிறோம், நமக்கு மட்டும்தான் இவ்வளவு சோதனைகள் என்று, கொஞ்சம் திரும்பிப்பார்த்தால் புரியவரும் மற்ற மனிதர்களும் நம்மை போன்றோ, நம்மை விடவோ சோதனைகுள்ளக்கப்படுகிறார்கள் என்று.

சரியாக சிறுநீர் வெளியேறாமல், வயது முதிர்ந்த ஒரு மனிதர், மருத்துவமனையில் அனுமதிக்கப்படுகிறார், அங்கு அவருக்கு சிறுநீர் வெளியேற்றுவதற்கான கருவிகளைப் பயன்படுத்தி சிறுநீர் வெளியேற்றப்படுகிறது. சில நாட்களுக்குப்பின்பு அவர் டிஸ்சார்ஜ் செய்யப்படுகிறார், அவருக்கு செய்யப்பட மருத்துவத்திற்காக பில் கொடுக்கப்படுகிறது. அதனை பார்த்துவிட்டு பெரியவரின் கண்களில் கண்ணீர்த்துளிகள் வழிந்தோடியது, இதைப்பார்த்த மருத்துவர்கள், ஏன் பெரியவரே அழுகின்றீகள், என்று கேட்டதற்கு பதிலேதும் பேசாமல் மறுபடியும் அழத்தொடங்கினார். அருகில் உள்ள மற்ற உறவினர்கள் அனைவரும் மறுபடியும் கேட்க, கண்களைத்துடைத்தவாறு பெரியவர் சொன்னார், "நான் என்னிடம் கொடுக்கப்பட்ட மருத்துவ செலவைப்பார்த்து அழுகின்றேன் என்று யாரும் நினைத்து விடவேண்டாம், இரண்டு நாட்கள் சிறுநீர் வெளியேற்றியதற்காக என்னிடம் இவ்வளவு பணம் கேட்கின்றீர்களே, அருளும் அன்பும் உடைய எனது இறைவன், கடந்த 60 வருடங்களாக சிறுதும் தடங்கலின்றி சிறுநீர் வெளியாக்கியதர்காக இதுவரை என்னிடம் ஒரு பைசா கூட கேட்டு பில் அனுப்பவில்லையே! என்று எனது இறைவனின் அருளை நினைத்து அழுகின்றேன் என்றார்.

ஆக ஒருவருக்கு இறைவனால் கொடுக்கப்பட்ட அருட்கொடைகள், திரும்பப்பெறப்படும்போதுதான் அதன் அருமை தெரிய வரும். உலக விஷயங்களைப் பொறுத்துவரை நமக்கு கீழ்நிலையில் உள்ளவர்களைப் பார்த்து அல்லாஹ்வுக்கு நன்றி செலுத்தும் குணம் நம்மிடையே இருந்தால் நம்முடைய குறைகள் சற்றே நிமிடத்தில் மறைந்து விடும்.

அல்லாஹ் தன் திருமறையில் முஃமின்களே!) அல்லாஹ் உங்களுக்கு அளித்துள்ளவற்றிலிருந்து ஹலாலான நல்லவற்றையே நீங்கள் புசியுங்கள்; நீங்கள் அவனையே வணங்குபவர்களாக இருப்பின் அல்லாஹ்வின் அருட்கொடைக்கு நன்றி செலுத்துங்கள். அல்குர்ஆன் - (16:114) என்று கூறியிருக்கிறான்.

கால் வழியால் அவதிப்படுபவர்கள் கால்களே இல்லாதவர்களைப் பார்த்து, தனக்கு கால்களை வழங்கிய அல்லாஹ்வுக்கு நன்றி செலுத்துதல் வேண்டும்.

சிறுநீர் சீராக கழிக்க முடியாமல் அவதிப்படுபவர்கள், இரண்டு சிறுநீரகங்களும் செயழிழந்து உயிருக்காக போராடும் எத்தனையோ மனிதர்களைப் எண்ணிப் பார்த்து, இறைவனுக்கு நன்றி செலுத்துதல் வேண்டும்.

அதற்காக, நபி (ஸல்) அவர்கள் “நோய்க்கு மருத்துவம் செய்யுங்கள்” என்ற கருத்துப்பட கூறியிருப்பதை யாரும் மறந்து விடுதல் கூடாது

சொந்தங்களைப் பிரிந்து வெளிநாடுகளில் வாழும் நமக்கெல்லாம் தொலைபேசி எனபது இன்றியமையாத ஒன்று என்பதை நாம் அறிந்ததே. இதன் மூலம் நினைத்த மாத்திரத்திலேயே நாம் சொல்ல நினைப்பதை பரிமாறும் அளவுக்கு தொழில்நுட்பத்தை அல்லாஹ் நமக்கு அருளி இருக்கிறான் .

எனக்கு தெரிந்த ஒரு வாய்ப்பேச முடியாத நபர் துபாயில் வேலை செய்துவருகிறார் அவரால் தன் தாயிடமோ தந்தையிடமோ ஏன் தன் பாசமிகு மனைவியிடம் கூட அவரால் பேச முடியாது. எதாவது ஒரு செய்தியை தன குடும்பத்தாரிடம் சொல்லவேண்டுமெனில் சில தூரம் நடந்து வந்து தன் நண்பரிடம் விஷயத்தை விளக்கி தன் குடும்பத்தாரிடம் தெரிவிக்குமாறு கேட்டுக்கொள்வார்.

அவருக்கு சத்தம் என்ற சொல்லுக்கு இதுவரை அர்த்தம் தெரியாது.

அவருக்கு தன் பாசமிகு தாய், தந்தை, மனைவியின் குரல்கள் எப்படி இருக்குமென்று தெரியாது

அவரால் தனக்கு என்ன நோய் ஏற்பட்டிருக்கிறது என்று கூட மருத்துவரிடம் விளக்கி கூற முடியாது

நம்மெல்லாம் அலாரம் வைத்து எழுந்திருப்பதுபோல் அவரால் எழுந்திருக்க முடியாது

இதுவெல்லாம் என் கண்ணிற்கு தெரிந்த சில விஷயங்களே, எனக்கு தெரியாமல் எத்தனை விஷயங்களிலோ அவர் படும் துயரத்தை அல்லாஹ் ஒருவனே அறிவான்.

எனக்கு இப்படி ஒரு குறையை அல்லாஹ் தந்துவிட்டானே என்று ஒரு முறை கூட அவர் சொல்லி நான் கேட்டதில்லை.

மாறாக சில சமயங்களில் அல்லாஹ் எனக்கு அழகிய கண்களைக் கொடுத்து இருக்கின்றானே என்பதை நினைத்து அல்லாஹ்வுக்கு நன்றி செலுத்தியது என் நினைவிற்கு வருகிறது.

அப்படியானால் நமது உடல் உறுப்புக்களை ஒரு சிறிதும் குறை இல்லாமல் படைத்த நம் அல்லாஹ்வுக்கு நாம் எவ்வளவு நன்றி செலுத்த கடமைப்பட்டுள்ளோம் என்பதை சிந்தித்து அல்லாஹ்விற்கு நன்றி செலுத்தும் அடியார்களாக ஆவோமாக ஆமீன்

நீங்கள் (அல்லாஹ்வுக்கு) நன்றி செலுத்திக் கொண்டும், (அவன் மீது) ஈமான் கொண்டும் இருந்தால்; உங்களை வேதனை செய்வதால் அல்லாஹ் என்ன இலாபம் அடையப் போகிறான்? அல்லாஹ் நன்றியறிவோனாகவும், எல்லாம் அறிந்தவனாகவும் இருக்கிறான். (அல்குர்ஆன் - 4:147)

-- Azeezudheen.

 Source : http://adirainirubar.blogspot.com/2010/10/blog-post_27.html

இணையத்தில் வலை வீச்சு ! ?

வலை வீசித் தேடல், வலையில் சிக்கிட்டான், வலைத்துப் போட்டாங்க இப்படியாக 20 வருடங்களுக்கு முன்னர் செய்தித்தாள்களில் தலைப்பில் அல்லது அன்றைய ஊடங்கங்களில் செய்திகள் வந்திருப்பதை யாவருக்கும் ஞாபகமிருந்திருக்கும். சரி அதுக்கென்ன இப்போவென்று பார்க்கும் windowவை minimizeசெய்ய வேண்டாம்.

சமீபகாலமாக எல்லோராலும் பேசப்படும் புலம்பப்படும் வார்த்தை நெட்வொர்கிங்க் (networking) இதனை நம்மவர்களின் நிகழ்வுகளில் எப்படியெல்லாம் பின்னிப் பிணைந்திருக்கிறது என்பதை மல்லாக்க படுத்துகிட்டு யோசிச்சு பார்த்துட்டு இருந்தேன் அதன் விளைவுதாங்க இங்கே.

வீட்டில் நெட் வேலை செய்யவில்லை இப்படியும் புலம்பல் நம்மைச் சுற்றியிருக்கும் சூழலில் எழத்தான் செய்கிறது அந்த நெட் (net) என்று எதைச் சொல்கிறார்கள் இவர்கள் வலைத்தளங்கள் அல்லது தனிதூது வாயாடி தங்களுடைய கணினியில் தெரியவில்லை அல்லது வேலையை செய்யவில்லை என்பதால்தானே இவர்கள் இப்படிச் சொல்கிறார்கள் அதன் பின்னால் என்னதான் சிக்கல் இருக்கிறது என்று இவர்களுக்கு தெரியாது இதுக்காக நம்மவர்கள் படுத்தி எடுக்கும்பாடு இருக்கிறதே சொல்லி மாலாது ! இதனை தனிக்கோர்வையாக எழுதனும்.

அதுவல்ல இன்றைய மக்கள் பேசும் நெட்வொர்கிங் ? அப்போ என்னதான் நினைக்கிறாங்க !

மெய்யாலுமே நல்ல வெளக்கமா மக்களுக்கு ஒரு பதிப்பு எழுதலாம்னு இருக்கும் போது மாத்தியோசிக்கச் சொன்ன கவிக் காக்கா இங்கே நெனப்புல வந்துட்டாங்க அதானலதான் ரூட்டு மாறிடுச்சுங்க.

நட்புகளின் நெட்வொர்க்குன்னா (friends network) இருவரோ அல்லது அதற்குமேலோ இருப்பவர்களின் கூட்டுதான் இங்கேயும் நெட் துண்டிப்பு இருக்கும், அல்லது சிலருக்குள்ளேயே அதிவேக இணைப்பாக இருக்குக்கும் அதுவே நிறைய நன்மைகளையும் கொண்டுவரும் அதுபோல் வேண்டாத வைரஸ்களும் உள்ளே நுழைந்து சீரழிக்கும். இன்றோ ஆணுக்கும் பெண்ணுக்குமென்று நட்பு வலைச் சிக்கலில் மாட்டித் தத்தளிக்கும் இளசுகள் மட்டுமா பார்க்கிறோம் மருமகன் மருமகள் எடுத்த பெருசுங்களும் இவ்வலைக்குள் சிக்கியிருக்கிறார்கள்.

குடும்பங்களுக்கிடையான நெட்வொர்க் (family network) இரு குடும்பங்கள் மட்டும்தான் என்றில்லாமல் அவர்களின் கிளைக் குடும்பங்களும் இதிலே உள்ளடக்கம், ஒவ்வொரு குடும்பங்களுக்கு இடையே அவரவர்களின் ஆபரேட்டிங்க் சிஸ்டம் அன்றாட நிகழ்வுகள் வேறுபடுவதும், வீட்டிலிருப்பவர்களுக்கு இடையேயான நெட்வொர்க்கில் சிக்கலும் உண்டு சீறிப்பாயும் வேகமும் உண்டு, இந்த நெட்வொர்க்கு அறுபடுவதும் மீண்டும் சரிசெய்வதும் அன்றாட நிகழ்வுகளில் ஒன்றுதான். இந்த நெட்வொர்க்கிற்குள் கணக்கிடலங்காத நட்புகளானாலும் வெறுப்புகளானாலும் வென்றிடவும் வீழவும் செய்யும்.

சரி, இன்றைய சூழலில் திசைமாறிச் சென்று கொண்டிருக்கும் மற்றொரு நெட்வொர்கிங் "சோஸியல் நெட்வொர்க்கிங்" - "சமூக பிணைப்பு"ன்னு இங்கே சிக்கித் தவிக்கும் இளசுகளும் பெரிசுகளும் படுத்தும் அட்டூழியங்களுக்கு அளவேயில்லை, இதன் சாதக பாதகங்களை நாம் யாவரும் அறிந்திருக்கிறோமா ? இல்லை அறியாமலே அதனுள்ளே உலாவருகிறோமா ? இதனை நிச்சயம் அலச வேண்டும்.

இவ்வகை சமூக பிணைப்புகள் (social networking) இன்றைய நிலையில் எண்ணிக்கைகள் அதிகரித்துக் கொண்டுதான் இருக்கிறது, இங்கே முதலில் ஆரம்பிப்பது பொய்தான் அதனை நிஜமாக்கப் அவர்களும் படும் பாடு இருக்கிறதே சொல்லிமாலாது, இதன் வலைக்குள் சிக்கியவர்களின் தனித்தன்மை சின்னா மாகிவருதை அவர்களாளே உணர முடிவதில்லை அப்படி இதன் போதை எல்லா வற்றையும் மறைத்து அடிமையாக்கி விடுகிறது.

இந்த சமூக பிணையம் (social networking) வரவினால் சமுக கட்டுக்கோப்பும் தனித்தன்மையும் சீர்செட்டு போவது ஒருபக்க வாதமாக இருக்கும்போது, இதனால் எல்லையில்லா வருமானத்தை கொட்டிக் குவிக்கும் இதனுடைய உரிமையாளர்கள் சூதாட்டம் எப்படி நடந்தேறுகிறது என்பதை விலாவாரியாக பார்ப்போம் இன்ஷா அல்லாஹ்...

என்னடா இவனும் தொடரும்னு போடப்போறானேன்னு யோசிக்காதீங்க வேற வழியில்லை நேரம் அமையும் போது மிதமிருக்கும் பதிவும் வரும்...

-அபுஇபுறாஹீம்

Source : http://adirainirubar.blogspot.com/2010/10/blog-post_24.html

கடன் வாங்கலாம் வாங்க - 3

அல்லாஹ்வின் திருப்பெயரால்...

அன்பார்ந்த சகோதர, சகோதரிகளே! ( அஸ்ஸலாமு அலைக்கும் (வரஹ்)    இறைவனின் சாந்தியும், சமாதானமும் தங்கள் மீது என்றென்றும் நிலவட்டுமாக! )

ஒரு மாதம் அவகாசம் இருக்கிறது அதற்குள் பணத்தை பேங்கில் திருப்பி செலுத்தி விடலாம் என்ற தைரியத்தில் தேவை - தேவையில்லை என்ற கண்ணோட்டம் இல்லாமல் பொருள்களை வாங்கி விடுவோம், ஒரு மாதத்திற்குள் பணத்தை பேங்கில் செலுத்தமுடியாமல் வேறு எதுவும் நமக்கு பிரச்சனைகள் வந்து விட்டால் (வராது என்று அடித்து நம்மால் சொல்ல முடியாது அடுத்த நிமிடம் என்ன நடக்கும் என்று சொல்லத் தெரியா விஞ்ஞான உலகின் அதிசய மனிதர்கள் நாம்) என்ன ஆகும் வட்டி பின் அதன் குட்டி அதன் பேரப்பிள்ளைகள் என்று போய்க்கொண்டே இருக்கும் எதுவரை வக்கீல் நோட்டீஸ் வரை. அரபுநாடுகளில் பரவாயில்லை வக்கீல் நோட்டீஸ் வரை போய் இதற்கு பதில் இல்லை என்றால் சிறையில் அடைத்து விடுகிறார்கள்.

ஆனால் நமது நாட்டிலோ ஒவ்வொரு நிறுவனங்களும் ரவுடிகளை தயார் செய்து வைத்திருக்கிறார்கள். வீடு புகுந்து ரகளை செய்வதற்கென்று, இவர்களின் வேலை மிரட்டல் பின் தர்ம அடிதான். சுயமரியாதை இழந்து ஒரு கடன் அட்டை தேவைதானா கால் வயிறே கஞ்சி ஆனாலும் கௌரவமாக வாழக்கூடாதா?????

அமீரகத்தில் பணிபுரியும் சகோதரர் கடன் அட்டை மூலம் கடனாளியாகி உள்ளார். நீ வாங்கிய கடன் எதற்காக என்று கேட்டேன். என் மனைவியின் தொல்லை தாங்க முடியவில்லை ஊர் வரும்பொழுது நகையோடுதான் வரவேண்டும் என்று சொன்னதால் என்னிடம் பணம் இல்லை அதனால் கடன் அட்டையில் எவ்வளவு எடுக்கலாம் என்ற அனுமதி இருக்கிறதோ அதுவரை எடுத்துவிட்டேன். (இவர் வாங்கிய கடன் அவசியத்திற்கு இல்லை) இப்பொழுது திருப்பி அடைப்பதற்கு (சரியான நேரத்தில் சம்பளம் கிடைக்காததால்) சிரமமாக உள்ளது என்று சொன்னார்.

இவர் சொன்ன அடுத்த வார்த்தைதான் ஆச்சரியத்திற்கு உரியதாய் இருந்தது. (யாரையும் ஏமாற்றக்கூடாது என்று நாம் இருப்பதால்) நான் ஊரில் போய் நிரந்தரமாக தங்கலாம் என்று இருக்கிறேன். இந்த கடனையும் அடைக்கமுடியவில்லை அப்படி போனால் போகும் வழியில் எனக்கு எதுவும் பிரச்சனை வருமா? என்று ஆலோசனை கேட்கிறார். போகும் வழியில் பிரச்சனை இல்லாமல் போய் விடுவாய் ஆனால் மஹ்ஷர் பெருவெளியில் இந்த கடனுக்கான கேள்வி உண்டு இதற்காக வல்ல அல்லாஹ் தண்டனை தருவான் என்று சொன்னேன்.

இன்னொரு சகோதரரரிடம் இதுபற்றி சொல்லிக்கொண்டு இருக்கும்பொழுது கடன் அட்டை பணத்தை நாம் திருப்பி செலுத்த முடியாமல் போனால் வங்கிக்கு எதுவும் நஷ்டம் கிடையாது. நாம் கடன் அட்டை ஒப்பந்தத்தில் கையெழுத்திட்டவுடன் நம் பெயரில் இன்ஷூர் செய்யப்படும். நாம் திருப்பி செலுத்தாவிட்டால் வங்கிக்கு நஷ்டம் கிடையாது. வங்கியை நடத்துபவர்கள் ஏமாளியா? என்ன? இன்ஷூரன்ஸ் கம்பெனியில் வங்கிகள் பணத்தை பெற்றுக்கொள்ளும் என்று சொன்னார். வங்கிகளும், இறை நம்பிக்கை இல்லாதவர்களும்  எப்படியோ போகட்டும். ஒரு நல்ல மூமின் (இறை நம்பிக்கையாளன்) வங்கியோ, மனிதர்களோ யாரையும் ஏமாற்றலாமா? 

இந்த சகோதரர் நான் கடன் அட்டை உபயோகப்படுத்துகிறேன் சரியான நேரத்தில் பணத்தை திருப்பி செலுத்திக்கொண்டு இருக்கிறேன் என்று சொன்னார் எவ்வளவு காலம் சரியாக செலுத்துவீர்கள். சம்பளம் தாமதமானால் இல்லை ஊரில் உள்ள குடும்பத்திற்கு அதிகமான பணத்தேவைகள் ஏற்பட்டால் என்ன செய்வீர்கள் என்று கேட்கும்பொழுது எனக்கு ஏற்படவில்லை ஆனால் எதையும் நிச்சயம் சொல்ல முடியாது என்று சொல்கிறார். சரியாக செலுத்த முடியாமலும் போகலாம் என்பது தெரிகிறது... சமாளிக்கிறார்....

02.10.2010 கல்ப் நியூஸ் முதல் பக்க செய்தி : High price of Credit card use - UAE consumers lose millions every year (கடன் அட்டை பயன்படுத்துபவர்கள் அதிக விலை கொடுக்கிறார்கள் - அமீரகத்தின் கார்டுதாரர்கள் லட்சக்கணக்கான பணத்தை இழந்து நஷ்டப்படுகிறார்கள் என்று தெரிவிக்கிறது) வங்கி உங்களுக்கு அனுப்பும் மாதந்திர பில்  விவர பட்டியலை நன்கு படித்து பார்த்து உங்களுக்கு எதுவும் தண்டம் போட்டிருக்கிறார்களா? என்று மாதா மாதம் கவனமாக பார்க்கவும் என்றும் அப்படி பார்க்கத்தவறினால் உங்களின் மதிப்பு மிக்க பணத்தை இழக்க நேரிடும் என்ற செய்தியை போட்டிருக்கிறார்கள். கடன் அட்டை பயன்படுத்துபவர்களிடம் இதை தெரிவித்தால் பார்த்துக்கொள்வோம் என்ற அலட்சிய பதில்தான் வருகிறது.

கடன் அட்டை செய்திகளை இத்துடன் முடித்துக்கொண்டு இப்பொழுது தாயகத்திலிருந்து வளைகுடாவுக்கு வந்துள்ள சகோதரர்கள் வாங்கும் கடன்களை ஊரிலிருந்தே ஆரம்பிப்போம். ஊரில் தொழில் செய்ய விருப்பப்பட்டு பணம் இல்லாமல் உறவுக்காரர்களிடம் உதவி கேட்கிறார் கைவிரித்து விட்டார்கள். உள் நாட்டில் தொழில் வைக்க வழியில்லாமல் வெளிநாட்டிற்கு சென்று சம்பாரிக்கலாம் என்ற எண்ணத்தில் உதவி கேட்கும்பொழுது ஊரில் தொழில் வைக்க பணம் கொடுக்க மறுத்தவர்கள் பணமாகவோ, நகையாகவோ ( நகையை நாம் அல்லது அவர்கள் பேங்கில் அடகு வைத்து பணம் வாங்க வேண்டும் ) தருவதற்கு முன் வருகிறார்கள் - இதற்கு என்ன காரணம் வெளிநாடு சென்று விட்டால் நாம் கொடுத்த கடன் உடன் திரும்ப கிடைத்து விடும். ஊரில் தொழில வைக்க கொடுத்தால் திரும்ப கிடைப்பது கடினம் என்பதுதான்.

நம்முடைய கடன் எப்பொழுது ஆரம்பம் ஆகிறது விமானத்தில் ஏறுவதற்கு முன்பாகவே கடன்காரன் என்ற பட்டத்துடன் வளைகுடா நாடுகளில் காலடி எடுத்து வைக்கிறோம். (இப்பொழுது அமெரிக்கா, லண்டன், ஜப்பான், ஆஸ்திரேலியா செல்பவர்களையும் கடன்காரர்கள் பட்டியலில் சேர்த்துக்கொள்ளலாம்).  ஆரம்பமே கடன் என்ற பட்டம் இலகுவாக நமக்கு கிடைத்து விடுவதாலும் கடன் என்பது நெருப்பு என்பதை அறியாமலே ஊரில் வாங்கி வந்த கடனை சில நேரங்களில் உடன் திருப்பி கொடுக்க வேண்டிய நிலை வருவதால் தெரிந்தவர்கள், உறவினர்கள் யாரிடமாவதோ அல்லது வேலை செய்யும் இடங்களிலோ கடன் வாங்க வேண்டிய நிலை ஏற்படுகிறது. நமக்கு ஆரம்ப காலங்களில் கடன் வாங்குவதில் இருந்த ஒருவித தயக்கம் போய் விடுகிறது. பிறகு தைரியமாக கடன் வாங்க ஆரம்பிக்கிறோம். சரி நாம் வாங்கும் கடன்கள் நியாயமான தேவைகளுக்குத்தானா? என்பதும் கேள்விக்குறியே? எதற்காகவெல்லாம் கடன் வாங்குகிறோம் என்பதை பட்டியல் போடலாம் : வீடு கட்ட, பெண்களின் திருமணத்திற்காக மேலும் ஊருக்கு போக முடிவு செய்து விட்டால் துணிமணிகள் முதல் நகைகள், மின்னனு பொருட்கள் வரை வாங்குவதற்காக கடன் வாங்குகிறோம். இப்படி கடன் வாங்கித்தான் இந்தப்பொருள்கள் வாங்க வேண்டுமா? நாம் சிந்திப்பதே இல்லை நாம் வாங்கும் கடனை சரியான நேரத்தில் திருப்பி கொடுத்து விடுவோம் என்ற உத்தரவாதம் இருக்கிறதா? ஊருக்கு சென்று விட்டு திரும்பி வந்து வாங்கிய கடனை அடைப்பதற்குள் இரண்டு வருடம் ஓடி விடுகிறது, மீண்டும் ஊர் செல்லும்பொழுது கடன் வாங்குகிறோம். இப்படியே நிறையபேர் வாழ்க்கை தொடர்கிறது. இப்படிப்பட்ட கடன் வாழ்க்கையில் நிம்மதி இருக்குமா?

இன்ஷாஅல்லாஹ் வளரும்..

 -- Alaudeen.S,

Source :http://adirainirubar.blogspot.com/2010/10/3.html

இயக்கங்கள் – சாதித்திருக்கிறதா? அல்லது சோதித்திருக்கிறதா? – கருத்தரங்கம் Audio/Video

எழுதியவர்/பதிந்தவர்/உரை:பிற ஆசிரியர்கள்

அன்பு சகோதர, சகோதரிகளே

அஸ்ஸலாமு அலைக்கும் வரஹ்மத்துல்லாஹ்

இயக்கங்கள் – சாதித்திருக்கிறதா? அல்லது சோதித்திருக்கிறதா? என்ற தலைப்பில் மிகச்சிறந்த கருத்தரங்கம் ஒன்றை குவைத் இஸ்லாமிய வழிகாட்டி மையத்தில் நடத்தியிருக்கிறார்கள்.

இந்த கருத்தரங்கத்தின் நோக்கம் எந்தவொரு குறிப்பிட்ட இயக்கத்தையும் சாடுவது அல்ல! மாறாக இயக்கங்களின் மூலம் என்னென்ன நன்மைகளை, தீமைகளை மக்கள் அடைந்திருக்கிறார்கள் என்பதை விவாதிக்கிறார்கள்.

நமது சுவனத்தென்றல் தளம் எந்த ஒரு இயக்கத்திற்கும் ஆதரவானதோ அல்லது எதிரானதோ அல்ல என்பதையும் அதே நேரத்தில் ஏகத்துவ அகீதாவில் பல்வேறு இயக்கங்களின் கீழ் இயங்கும் சகோதரர்கள் ‘முஸ்லிம்கள்’ என்ற அடிப்படையில் ஒன்றினைந்து செயலாற்ற வேண்டும் என்ற நிலைப்பாட்டையும் உடையது என்பதை தெரிவித்துக் கொள்கிறோம்.

நம் குறைகளைச் சுட்டிக்காட்ட இவர்கள் யார்? என்று பெருமிதம் கொள்ளாமல் அல்லாஹ்விடம் நாளை மறுமையில் பதில் கூற கடமைப் பட்டிருக்கின்றோம் என்ற உறுதியான நம்பிக்கையில், இயக்கங்களின் மூலமாக ஏற்பட்ட சோதனைகளாக இந்தக் கருத்தரங்கில் கூறப்பட்டவைகளை சம்பந்தப்பட்டவர்கள் கவனத்தில் கொண்டு, அந்தக் குறைகளைக் களைவதற்கு முற்பட்டால் இன்ஷா அல்லாஹ் இயக்கங்கள் மூலம் நமது சமூகம் இன்னும் பல நன்மைகளைப் பெறும் என்பதில் சந்தேகமில்லை

வாசகர்கள் கண்ணியமான முறையில் தங்களின் கருத்துக்களை பதியுமாறு வேண்டுகின்றேன்-நிர்வாகி.

நிகழ்ச்சி : ரமலான் சிறப்பு சொற்பொழிவு

நாள் : 20-08-2010

இடம் : ரமலான் 2010 சுவனத்து பூஞ்சோலை கூடாரம், பஹாஹீல், குவைத்

நிகழ்ச்சி ஏற்பாடு : இஸ்லாமிய வழிகாட்டி மையம், குவைத்

ஆடியோ : (Download) {MP3 format -Size : 13.09 MB}

வீடியோ : (Download) {FLV format – Size : 134 MB}

Source : http://suvanathendral.com/portal/?p=2307

பொய்

   
http://www.sadaqathullah.com/lie.html
Courtesy: www.readislam.net

நோன்பின் பெயரால் ஆதாரமற்ற செய்திகள்

நோன்பின் பெயரால் ஆதாரமற்ற செய்திகள்
- உஸ்தாத் இம்தியாஸ் ஸலபி
நோன்பின் மாண்புகளை சிறப்புகளை குறித்து நபி (ஸல்) அவர்க்ள கூறிய ஆதாரபூர்வமான அநேக ஹதீஸ்கள் உள்ளன. அந்த ஹதீஸ்களை மக்கள் தெரிந்து அமல்கள் செய்வதை விட ஆதாரமற்ற செய்திகளை வைத்து அமல்கள் புரிவதில் தான் ரமழானின் காலத்தையும் நேரத்தையும் செலவிடுகிறார்கள்.
பின்வரும் செய்திகள் ரமழான் காலத்தில் அதிகமதிகமாக பள்ளிவாசல்களில் பயான் செய்யப்படுகின்றன. ஆனால் அவைகள் அனைத்தும் பலஹீனமான செய்திகளே தவிர பலமான செய்திகள் அல்ல என்பதற்காகவே மக்களின் பார்வைக்கு தருகிறோம்.

---

நோன்பின் பெயரால் ஆதாரமற்ற செய்திகள்

---

- யா அல்லாஹ் ரஜப் மாதத்திலும் ஷஃபான் மாதத்திலும் எமக்கு அருள்புரிவாயாக! ரமழானை அடைந்து கொள்ளும் பாக்கியத்தை தருவாயாக என நபியவர்கள் கூறினார்கள். (நூல்: பஸ்ஸார். தபரானி) இந்த செய்தியின் அறிவிப்பாளர் வரிசையில் ஸாயித் பின் அபீ ருகாத் என்பவர் இடம்பெறுகிறார். இவர் ஹதீஸ் கலையில் மறுக்கப்பட்டவர் என்று இமாம் புகாரி (ரஹ்) அவர்களும் இவர் பலஹீனமானவர் என்று இமாம் நஸயீ (ரஹ்), இமாம் இப்னு ஹிப்பான் (ரஹ்) அவர்களும் கூறுகிறார்கள்.

---

நோன்பின் பெயரால் ஆதாரமற்ற செய்திகள்

---

- ரமழானின் ஆரம்ப (பத்து நோன்புகளு)ம் ரஹ்மத்தாகவும் அதன் நடுப்பகுதி (பத்து நோன்புகளும்) மஃபிரத்தாகவும் அதன் இறுதி பகுதி (கடைசிப் பத்து) நரக விடுதலையாகவும் உள்ளது நபியவர்கள் கூறினார்கள். (நூல்: இப்னு குஸைமா) இதன் அறிவிப்பாளர் தொடரில் அலி இப்னு ஸைத் இப்னு ஜுத்ஆன் என்பவர் இடம்பெறுகிறார். இவர் பலஹீனமானவர். மேலும் இந்த செய்தியை பதிவு செய்த இமாம் இப்னு குஸைமா (ரஹ்) அவர்கள் இது பலவீனமானது என்பதை குறிக்க ‘இது உறுதியானதாக இருந்தால்’ என்ற வார்த்தையில் குறிப்பிடுகிறார்கள். பலஹீனமான ஹதீஸை அடையாளம் காட்டுவதற்கு இமாம்கள் கையாளும் முறை இது.

---

நோன்பின் பெயரால் ஆதாரமற்ற செய்திகள்

---

- ரமழானில் உள்ள சிறப்புகளை அறிந்தால் வருடம் பூராவும் ரமழானாக இருக்க வேண்டும் என எனது உம்மத்தவர்கள் ஆசைகொள்வார்கள் என நபியவர் கள் கூறினார்கள். (நூல்: அபூயஃலா) இதன் அறிவிப்பாளர் தொடரில் ஜரீர் இப்னு அய்யூப் என்பவர் இடம்பெறுகிறார். இவர் பலஹீனமானவர். மேலும், இது பலஹீனமானது என்பதை இமாம் இப்னு குஸைமா (ரஹ்) மேல் கூறியவாறு சுட்டிக் காட்டுகிறார்கள்.

---

நோன்பின் பெயரால் ஆதாரமற்ற செய்திகள்

---

எனது உம்மத்தில் ஒரு மனிதனை கண்டேன். அவர் தாகத்தோடு தடாகத்திற்கு (அவ்லுல் கவ்ஸரக்கு) வரும் போதெல்லாம் தடுக்கப்பட்டார். அப்போது நோன்பு வந்து அவருக்கு நீர் புகட்டியது என நபி (ஸல்) கூறினார்கள். (நூல்: தபரானி) இதன் அறிவிப்பாளர் தொடரில் சுலைமான் இப்னு அஹ்மத் அல்வாஸிதி என்பவ ரும் காலித் இப்னு அப்துர் ரஹ்மான் அல் மக்சூமி என்பவரும் இடம்பெறுகிறார்கள். இவ்விருவரும் பலஹீனமானவர்கள். இமாம் இப்னு ரஜப் (ரஹ்) அவர்கள் இதை பலஹீனமானது என விமர்சனம் செய்கிறார்கள்.

---

நோன்பின் பெயரால் ஆதாரமற்ற செய்திகள்

---

- நோன்பாளிகளின் வாய்களிலிருந்து கஸ்தூரி வாடை வெளிப்படுகிறது. அவர்களுக்கு அல்லாஹ்வின் அர்ஷுக்குக் கீழ் (உணவு) தட்டு வைக்கப்பட்டுள்ளது என நபி (ஸல்) அவர்கள் கூறினார்கள். இமாம் சுயூத்தி (ரஹ்) அவர்கள் அத்துர் ருல் மன்சூர் 1/182 எனும் நூலில் இச்செய்தியை குறிப்பிடுகிறார்கள். ஆனாலும் இது பலஹீனமானது என இமாம் இப்னு ரஜப் (ரஹ்) அவர்களும் ஏனைய இமாம்களும் விமர்சனம் செய்கிறார்கள்.

---

நோன்பின் பெயரால் ஆதாரமற்ற செய்திகள்

---

- நோன்பாளியின் தூக்கம் இபாதத்தாகும் என நபி (ஸல்) அவர்கள் கூறினார்கள். இமாம் சுயூத்தி (ரஹ்) அவர்கள் அல் ஜாமிஉஸ் ஸகீரில் (9293) குறிப்பிடுகிறார்கள். இதில் அப்துல்லாஹ் இப்னு அபீ அவ்பா என்பவர் இடம்பெறுகிறார். இவர் பலஹீனமானவர் என்று இமாம் ஸைனுத் தீன் அல் ஈராகி (ரஹ்) இமாம் பைஹகி (ரஹ்) இமாம் சுயூத்தி (ரஹ்) ஆகியோர் குறிப்பிடுகிறார்கள். (நூல்: அல்பிர்தவ்ஸ் 4/248) (இந்தச் செய்தியை வைத்தே சிலர் பகல் முழுவதும் தூக்கத்தில் காலத்தை கழிக்கிறார்கள்)

---

நோன்பின் பெயரால் ஆதாரமற்ற செய்திகள்

---

- எவர் ரமழானில் இஷா தொழுகையை ஜமாஅத்தோடு தொழுகிறாரோ அவர் லைலதுல் கத்ர் இரவை அடைந்து கொண்டவராவார் என நபி (ஸல்) அவர்கள் கூறினார்கள். (நூல் இஸ்பஹானி). இது முர்ஸல் எனும் பலஹீனமான செய்தியாகும். இப்னு முஸய்யப் (ரஹ்) அவர்களின் கூற்றாக பதிவு செய்யப்பட்டுள்ளது. இப்னு குஸைமாவில் வரும் இச்செய்தியில் உக்பத் இப்னு அபீல் ஹஸ்னா என்பவர் இடம்பெறுகிறார். இவர் யார் என அறியப்படாதவர். பலஹீனமானவர் (மஜ் ஊல்) என இமாம் இப்னு முதீனி (ரஹ்) கூறுகிறார்.

---

நோன்பின் பெயரால் ஆதாரமற்ற செய்திகள்

---

- நோன்பு பொறுமையின் பாதியாகும் என நபி (ஸல்) கூறினார்கள். (நூல்: திர்மிதி, இப்னுமாஜா). இதன் அறிவிப்பாளர் தொடரில் வரும் மூஸா இப்னு உபைதா என்பவர் பலஹீனமானவர் என அஷ் ஷெய்க் நாஸிருத்தீன் அல்பானி (ரஹ்) குறிப்பிடுகிறார்.

---

நோன்பின் பெயரால் ஆதாரமற்ற செய்திகள்

---

- மாதங்களின் தலைவர் ரமழானாகும். அம்மாதங்களில் கண்ணியமான மாதம் துல்ஹஜ் மாதமாகும். (நூல்: பஸ்ஸார், தைலமி) இதன் அறிவிப்பாளர் தொடரில் யஸீத் இப்னு அப்துல் மாலிக் அன்னுபைலி என்ப வர் இடம்பெறுகிறார். இவர் பலஹீனமானவர் என்று இமாம் ஹைஸமி (ரஹ்) அவர்கள் மஜ்மூஉல் ஸவாத் எனும் நூலில் குறிப்பிடுகிறார்கள். (3/140)

---

நோன்பின் பெயரால் ஆதாரமற்ற செய்திகள்

---

- வானத்தில் சில மலக்குகள் இருக்கிறார்கள். அவர்களின் எண்ணிக்கையை அல்லாஹ்வைத் தவிர யாரும் அறியமாட்டார்கள். ரமழான் மாதம் வந்துவிட்டால் முஹம்மது நபியின் உம்மத்தினருடன் சேர்ந்து கொள்ள அவர்கள் அல்லாஹ்விடம் அனுமதி கேட்பார்கள் என நபி (ஸல்) கூறினார்கள். (நூல்: பைஹகி) பைஹகி நூலில் இது அலி (ரலி) அவர்களின் வார்த்தையாக (மவ்கூப்) பதிவாகியுள்ளது. மேலும் இச்செய்தி பலஹீனமானது என இமாம் சுயூத்தி (ரஹ்) அவர்கள் அத்துர்ருல் மன்சூரில் (8ஃ582) குறிப்பிடுகி றார்கள். மேலும் கன்ஸுல் உம்மால் (8ஃ410) நூலிலும் குறிப்பிடப்பட்டுள்ளது.

---

நோன்பின் பெயரால் ஆதாரமற்ற செய்திகள்

---

- நோன்பு திறக்கும்போது ஓதும் துஆ: அல்லாஹும்ம லக ஸும்து வபிக ஆமன்து வலாரிஸ்திக அப்தர்து’ என்று வரும் ஹதீஸ் அபூதாவூத் (2358) மற்றும் இப்னு ஸுன்னு பிஅமலில் யவ்மி வல்லைலா (481) எனும் நூலில் பதிவாகியுள்ளது. இதன் அறிவிப்பாளர் தொடரில் அப்துல் மலிக் பின் ஹாரூன் பின் அன்தரா என்பவர் இடம்பெறுகிறார். இவர் பலஹீனமானவர் என்று இமாம் அஹ்மத் (ரஹ்) தாரகுத்னி (ரஹ்) இமாம் அபூ ஹாதம் (ரஹ்) குறிப்பிடுகிறார்கள்.
இது உறுதியான செய்தியல்ல என இமாம் இப்னுல் கையூம் (ரஹ்) குறிப்பிடு கிறார்கள். (நூல்: ஸாதுல் மஆத் (2÷54)

---

நோன்பின் பெயரால் ஆதாரமற்ற செய்திகள்

---

ரமழானில் ‘அல்லாஹ்வை நினைவூட்டு பவர் (திக்ரு செய்பவரது) பாவங்கள் மன் னிக்கப்படும் என நபி (ஸல்) கூறினார்கள். இமாம் சுயூத்தி (ரஹ்) அவர்களுடைய அல்ஜாமிஉஸ் ஸகீர் நூலிலும் தபரானியிலும் பைஹகியிலும் இச்செய்தி பதிவாகியுள்ளது. இதன் அறிவிப்பாளர் தொடரில் ஹிலால் இப்னு அப்துர் ரஹ்மான் என்பவர் இடம் பெறுகிறார். இவர் பலஹீனமானவராவார்.

---

நோன்பின் பெயரால் ஆதாரமற்ற செய்திகள்

---

- நோன்பாளியாக இருக்கும்போது பகலில் (கண்ணுக்கு) சுர்மா) இடக்கூடாது என நபி இவர்கள் கூறினார்கள். (நூல் அபூதாவூத்) இமாம் இப்னு முயீன் (ரஹ்) அவர்கள் இச்செய்தி நிராகரிப்பட வேண்டியதென விமர்சனம் பண்ணுகிறார்கள்.

---

நோன்பின் பெயரால் ஆதாரமற்ற செய்திகள்

---

பிரிவு: முகப்பு கட்டுரைகள்,ரமளான்
Source : http://www.islamkalvi.com/portal/?p=4925

முஸ்லிம்கலுக்கு ( புனித ரமலான் மாதத்தில்)ஒரு வேண்டுகோள்......

அன்புள்ளங்களே!

அஸ்ஸலாமு அலைக்கும்.

இறைவனின் துணையோடும், சில நல்ல உள்ளங்களின் பெரும் முயற்சியாலும்  “இளம்பிறை  அனாதைகள் அறக்கட்டளை' எனும் அமைப்பினை உருவாக்கியுள்ளோம்.(அல்ஹம்துலில்லாஹ்)

இந்த அமைப்பின் தலையாய நோக்கமே நம் சமுதாயத்தில் வாழும் அடித்தட்டு மக்களை அரவணைத்து அவர்களுக்கு வேண்டிய அடிப்படை உதவிகளைச் செய்வது,  அந்த குடும்பங்களைத் தொடர்ந்து கண்காணித்து அவர்களின் அத்தியாவசியத் தேவைகளை பூர்த்திச் செய்வது, திருமணமாகாத முதிர் கன்னிகளுக்கு திருமண ஏற்பாடு செய்வது, படிக்க வசதியில்லாதவர்களுக்கு உயர் கல்வி அளிப்பது, வேலை வாய்ப்பில் உதவுவது போன்றவைகள்.

குறிப்பாக சென்னை புதுப்பேட்டையில் புனித ரமலான் மாதத்தில் சகாத் பெறத்தகுதியனவர்களைத் தேடிய போது ஏறத்தாழ 65 இஸ்லாமியக் குடும்பங்கள் குடும்பத் தலைவன் இன்றி எவ்வித ஆதரவுமின்றி திருமணமாகாதப் பெண்களுடன் வேலைவாய்ப்பின்றி சிறு வீட்டினுள் முடங்கிக் கிடக்கும் அவல நிலையைக் கண்டு நெஞ்சேப் பதறியது. இவர்கள் தான் இறைவனின் பார்வையில் சகாத் பெற உண்மையானத் தகுதிப் படைத்தவர்கள்.

ஆகவே நல்ல உள்ளங்களே! உங்களது சகாத், சதக்காத் தொகையினை இளம்பிறை அனாதைகள் அறக்கட்டளைக்கு அனுப்பி உதவினால் இறைவனின் நாட்டப்படி மேற்கூறிய ஏழைக் குடும்பங்களுக்கு உதவி,  இறைவனின் குழந்தைகளைக் காப்பாற்றி மறுமையில் அவனின் அர்ஷின் நிழலில் இளைப்பாறும் மகத்தானப் பேறினைப் பெற்றிட எல்லாம் வல்ல இறைவனிடம் இருக் கரமேந்தி வேண்டுவோம். ஆமின்.

உங்களின் தொகையினை அனுப்ப வேண்டிய வங்கி எண்:

A/C NO. 602501511240.

ICICI BANK (Purasawalkkam Branch)

Chennai.

இந்த அறக்கட்டளைப் பற்றிய முழு விபரங்களை விரைவில் உங்களுக்கு தெரியப் படுத்துகிறேம்.(இன்ஸா அல்லாஹ்)

சகாத்தினை கணக்கிடும் மென்பொருள் Download  செய்ய கீழே உள்ள  LINK  கை கிளிக் செய்யவும்.

http://amirapappa.webs.com/ZakatCalculatorcot.xls

CRESCENT ORPHANAGE TRUST 

CRESCENT ORPHANAGE TRUST! CONTACT ADDRESS: M.HAMEED SULTHAN, Organiser, 40,(Old no.51) Narayana Naicken Street, Pudupet, Chennai-600 002. Tamil nadu.India. Mobile:9380899264. Source : http://tamilislam.webs.com/aboutus.htm

(இலங்கையில்) தவ்ஹீத் எழுச்சி

எழுதியவர்/பதிந்தவர்/உரை மௌலவி M. றிஸ்கான் முஸ்தீன் (ஸலபி)

- எம். றிஸ்கான் முஸ்தீன் ஸலபி
அறிமுகம்:
இலங்கை முஸ்லிம்களின் வரலாறு மிகவும் தொன்மையாக இருந்த போதிலும் முஸ்லிம்களிடம் இஸ்லாமிய எழுச்சி கடந்த 60 வருடங்களுக்கு முன்னர் தான் ஏற்பட்டமை குறிப்பிடத்தக்கது.
இஸ்லாமிய இயக்கங்களின் பிரவேசம் இதற்கு முக்கிய காரணமாகும். இந்த மார்க்க ரீதியான எழுச்சியில் அகில இலங்கை ஜமாஅத் அன்சார் சுன்னா அல்-முஹம்மதிய்யா வுக்கும் பெறும் பங்கு உள்ளது எனலாம். இஸ்லாம் என்ற பெயரில் முஸ்லிம் சமூகத்தில் மலிந்து கிடந்த அல்லாஹ் மன்னிக்காத பாவம் என்ற இணைவைத்தல் மற்றும் நூதன செயற்பாடுகளை களைவதிலும் நபி(ஸல்) அவர்களது முழுமையான வாழ்க்கை வழிமுறையை பின்பற்றச் செய்வதிலும் மேற்படி இயக்கம் முதன்மையானது எனலாம். ஏக இறைவன் மாத்திரம் தான் வணக்கத்திற்கு தகுதியானவன் அவனது படைப்புக்கள் எக்காரணம் கொண்டும் வணங்கப்படக்கூடாது என்ற இஸ்லாத்தின் அடிப்படையையே தௌஹீத் (ஏகத்துவம்) என சுருக்கமாக அழைப்பர்.
இலங்கையில் முதன் முதலாக இயக்க ரீதியாக மார்க்க எழுச்சியை ஏற்படுத்தியவர் அல்லமா அப்துல் ஹமீத் அல்-பக்ரி என்பவர் ஆவார். இவர் 1947 நவம்பர் 11 அன்று தான் நிருவிய ஜமாஅத் அன்சார் சுன்னா அல்-முஹம்மதிய்யா என்ற இயக்கத்தினூடாக பெரும் புரட்ச்சியையே ஏற்படுத்தலானார்.
இப்பேரறிஞரின் வரலாறு இன்று இருட்டடிப்பு செய்யப்பட்டுள்ளது எனலாம். எந்த அளவுக்கு என்றால் நான் தான் தௌஹீதை முதலாவதாக சொன்னேன்.. இல்லை இல்லை நாம் தான் முதலாவது சொன்னோம் என சில அறிஞர்கள் மற்றும் சில இயக்கங்கள் என்பன பஞ்ஜாயத்து நடத்துகின்றனர். சிலர் தமக்கு எந்த இயக்கம் முகவரி கொடுத்ததோ அதைக்கூட மறந்து என்னவோ வானத்தில் இருந்து வந்து விழுந்தவர்களைப் போன்று வீராப்பு மத்திரம் பேசிக் கொள்கின்றனர். எனவே இலங்கையின் தௌஹீத் வரலாற்றின் உண்மைத் தன்மையை எடுத்துச் சொல்வதே இக்கட்டுரையின் நோக்கமாகும்.
1947ற்கு முன்னர் இலங்கை முஸ்லிம்களின் மார்க்கப் பற்று:
இஸ்லாத்தின் அடிப்படையைக் கோட்பாட்டையே மறந்து வாழ்ந்த தேக்க நிலை
கபுறு வணக்கம், கத்தம், பாத்திஹா, கந்தூரி, ராதிபு என ஏகப்பட்ட நபியவர்களின் வழிகாட்டுதலுக்கு மாற்றமான செயற்பாடுகள் இலங்கையின் நாலா பக்கங்களிலும் மழிந்து காணப்பட்ட அக்காலத்திலே குருநாகல் பறகஹதெனிய எனும் கிராமமும் இதற்கு விதிவிலக்காக இருக்கவில்லை. குறிப்பாக பறகஹதெனிய பொல்வத்தை எனும் பிரதேசத்தில் ‘முத்துப்பேட்டை ஷேக் யுசுப் வலியுல்லாஹ்’ கபுறடியில் நேர்ச்சைகள் கந்தூரிகள் நடத்தப்பட்டன. இதை ‘வளர்ந்த கபுறடி’ என்றும் அழைப்பர். இவ்வாறே கண்டி வீதியில் ‘தெமடகொல்ல அவ்லியா கபுறடி’ என்றும் இன்னும் ஒரு ஜியாரமும் பூஜிக்கப்பட்டு வந்தது.
இவ்வாறு இலங்கையின் எந்தப் பகுதியை எடுத்துக் கொண்டாலும் அங்கெல்லாம் தற்காலத்திலும் சில பகுதிகளில் இருப்பதைப் போன்றே சர்வசாதாரணமாக அல்லாஹ் அல்லாதவர்கள் வணங்கப்பட்டார்கள். அதே வேலை இஸ்லாத்தின் மிக முக்கியமான வணக்கங்கள் முஸ்லிம்களால் கொச்சைப் படுத்தப்பட்டது. தொழுகை போன்ற முக்கியமான வணக்கங்களே சரிவர நிறைவேற்றப் படவில்லை. இந்தியாவில் இருந்து இறக்குமதி செய்யப்பட்ட மார்க்க சரக்குகளுக்கு முஸ்லிம்களிடம் அதிக மவ்சு காணப்பட்டது.
பெரும்பாலான மௌலவி ஆசாமிகள் மார்க்கத்தை விற்று பணம் சம்பாதிக்களாயினர். அல்குர்ஆனை தொட வேண்டும் என்றால் ஏதாவது துக்கமோ அல்லது சந்தோஷமோ ஏற்படவேண்டும் அதுவும் மௌலவிமாருக்கு கையூட்டு ஏதாவது கொடுத்துத்தான் அல்குர்ஆன் ஓதப்பட்டது. இவ்வாறு இலங்கை முஸ்லிம்கள் ஜாஹிலிய்யத்திலே வாழ்ந்த அந்த சந்தர்ப்த்திலே சில அறிஞர்கள் (சித்தி லெப்பை போன்ற) முஸ்லிம்ளுக்கு மத்தியில் இஸ்லாமிய விழிப்புணர்சியை ஏற்படுத்திய போதிலும் அவை பொரிய அளவில் சமூகத்தில் தாக்கம் செலுத்தவில்லை.
அப்துல் ஹமீத் அல்-பக்ரியின் பிறப்பு, சேற்றில் முலைத்த செந்தாமரை
இலங்கை முஸ்லிம்களுக்கு மத்தியில் இருள் சூழ்ந்திருந்த அக்காலத்திலே பறகஹதெனியவில் ‘துலுவே ஆரச்சிலாகே கெதர’ என்ற பெயர் கொண்ட கண்ணியமும் வளமும் கொண்ட குடும்பத்தில் ஆதம் பிள்ளை என்பவருக்கு மூன்றாவது பிள்ளையாக அப்துல் ஹமீத் 1909ம் ஆண்டு ஜுலை மாதம் 27ம் திகதி பிறந்தார். இவருடைய தந்தை மேற்படி ‘வளர்ந்த கபுறடியில்’ கந்தூரிகளை முன்னின்று வழங்கக்கூடியவராக இருந்தார். தந்தையின் இச்செயலை சிறுவயதிலிருந்தே அவதானித்து வந்த அப்துல் ஹமீத் அவற்றில் விருப்பம் அற்றவராக ஒதுங்கி இருந்ததுடன், இது இஸ்லாத்திற்கு முரணானது என்பதையும் உணர்ந்தார்கள்.
அப்துல் ஹமீத் அல்-பக்ரியின் கல்விப் பயணம், தீனுக்கான தியாகப் பயணம்
இதன் விளைவாக மார்க்கத்தை படிக்க வேண்டும் என்ற ஆவல் அவரில் வளர்ந்தது. இவர் தனது அறிவுப் பசியைத் தீர்த்துக் கொள்ள இலங்கைகயில் பல அரபு கல்லூரிகளுக்கு போய் கல்வி பயின்றார். எனினும் அவரது அறிவுப் பசிக்கு தீனி போடக் கூடியதாக இலங்கையில் இருந்த அரபுக் கல்லூரிகள் தூய இஸ்லாத்தை போதிக்கக் கூடிய அளவுக்கு முதிர்ச்சி அடைந்து காணப்படாமையினால் இந்தியா நோக்கி பயணமானார். அங்கு பொதக்குடி அரபுக் கல்லூரியில் மார்க்க கல்வியை கற்றுவிட்டு 1930ல் தாயகம் திரும்பினார்.
பின்னர் இலங்கையின் பல பாகங்களுக்கும் சென்று முஸ்லிம்களின் யதார்த்த நிலையை உணர்ந்து கொண்டதுடன் தனக்குள்ள கடமைகளையும் பொறுப்புகளையும் எண்ணி தன்னை ஒரு தெளிவான திசையில் செலுத்தத் தீர்மானித்துக் கொண்டார். தான் மேலும் மார்க்கத்தை விளங்க வேண்டும் என்ற அவாவோடு இந்தியாவில் தான் கற்ற ஆசிரியர் ஒருவரின் உபதேசத்திற்கு அமைய 1935ல் இந்தியா ஊடாக மக்கா நோக்கி கல்விப் பயணம் மேற்கொண்டார். மக்காவில் திருப்தியுடன் மார்க்கக் கல்வியை கற்றுத் தேர்ந்தவராய் தான் கற்ற தூய மார்க்கத்தை மக்கள் மன்றத்தில் பறைசாற்றும் முகமாக 1947 செப்டம்பர் 27 ஆம் திகதி தனது தாய் மண்ணாகிய இலங்கைக்குத் திரும்பினார்.
தஃவா களத்தில் அப்துல் ஹமீத், அஞ்சா நெஞ்த்தோடு உண்மையை உரத்துக் கூறக் கிழம்பியவர்
1947ம் ஆண்டு தொடக்கம் தனது அழைப்புப் பணியை குடும்ப மட்டத்திலிருந்து ஆரம்பித்தார். தொடர்ந்து தனது கிராமத்திலும் அல்லாஹ் மாத்திரம் வணங்கப்பட வேண்டும் என்கின்ற ஏகத்துவப் பிரச்சாரத்தை முன்வைக்க கச்சை கட்டிக் கொண்டு இறங்களானார்.
‘நிச்சயமாக அல்லாஹ் தனக்கு இணைவைப்பதை மன்னிக்கவே மாட்டான்’ அல்-குர்ஆன் (4:116)
என்ற வசனத்தை முதன்மைப் படுத்தி ஷிர்க்கை முற்றாக ஒழிப்பதற்கு அயராது பாடுபட்டார். தனது தனது தஃவாப் பணியின் விரிவாக்கம் தல்கஸ்பிட்டிய, பானகமுவ போன்ற அயல் கிராமங்களின் கதவுகளையும் தட்டியது. ஈற்றில் ஒரு பெரும் கூட்டமே அப்துல் ஹமீத் அவர்களின் பின்னால் அணி திரண்டது.
இதனால் மன உறுதியடைந்த அவர்கள் நபியவர்களின் வழிகாட்டளுக்கொப்ப பரகஹதெனியாவில் பிரசித்தி பெற்ற இரு கபுறுகளுக்கும் 1948 மார்ச் 23ம் திகதி இஷாத் தொழுகையின் பின் ஆப்பு வைத்தார்.
அல்லாமாவுக்கெதிராக அணிதிரண்ட அவ்லியா பக்கதர்கள் தோற்றுப் போன கபுரு வணங்கிகள்
அல்லாஹு அக்பர் என்ற வீர முழக்கத்தோடு அந்த இரு மண்ணறைகளையும் சமப்படுத்தி அவ்லியா வழிபாட்டுக்கு முற்றுப்புள்ளி வைத்த அப்துல் ஹமீதுக் கெதிராக அவ்லியா பக்தர்கள் அணிதிரண்டனர். இச்செய்தியோ காட்டுத் தீயாய் எங்கும் பரவியது. ஆத்திரமடைந்த கபுறு வணங்கிகள் கொதித்தெழுந்தனர். அப்துல் ஹமீத் அவர்களுக்கும் அவர்களது ஆதரவாளர்களும் எதிராக வழக்கும் தொடுத்தனர். இவ்வழக்கு 1948 மார்ச் மாதம் 43114ம் இலக்கத்தில் நீதிமன்றத்தில் பதியப்பட்டது.
எமது வணக்கஸ்தளத்தை உடைத்து விட்டனர் என வாதிட்ட எதிர்தரப்பு வாதிகள் அப்போது சபாநாயகராக இருந்த எச்.எஸ் இஸ்மாயீல் அவர்களையும் அமைச்சராக இருந்த டீ.பீ ஜாயா அவர்களையும் அணுகி உதவி கோரினர். எவ்வளவோ பிரயத்தனங்களை மேற்கொண்ட போதிலும் தோல்வியடைந்த கபுறு வணங்கிகள் திகைத்துப் போய் நின்றனர்.
சத்தியம் வந்தது அசத்தியம் அழிந்தது. நிச்சயமாக அசத்தியம் அழிந்தே தீரும் என நீர் கூறுவீராக’ (பனீஇஸ்ராயீல்: 81)
என்ற அல்லாஹ்வின் வாக்கு நிறுபிக்கப்பட்டு அப்துல் ஹமீத் அவர்களுக்கு அல்லாஹ் வெற்றியை வழங்கினான். உண்மையில் இது அல்லாஹ்வின் புறத்தில் இருந்து வந்த வெற்றி என்றால் அது மிகையல்ல.
இயக்க ரீதியான செயற்பாட்டை தோற்றுவித்தல்:
உண்மைச் சொல்ல உதயமான இயக்கம்
இவ்வெற்றியானது மென்மேலும் தனது தஃவாப் பணியை துரிதப்படுத்த வழி அமைத்தது. அவ்வாறே தான் ஏளவே ஜம்இய்யது அன்ஸாரிஸ் சுன்னா அல்முஹம்மதியா என்ற அமைப்பை 1947 நவம்பர் 11ம் திகதி நிறுவியமை தனது தஃவாப் பணியை நிறுவனமயப்படுத்த முடிந்தது. தற்காலத்தில் ஆங்காங்கே எந்த ஒரு தூர நோக்கும் இல்லாமல் உலக ஆதாயங்களை மாத்திரம் கருத்திற் கொண்டு தோன்றி மறையும் இயக்கங்களைப் போன்று இருக்காமல்
தான் இஸ்தாபித்த இஸ்லாமிய இயக்கத்தின் நோக்கங்களையும் இலக்குகளையும் பின்வருமாறு பட்டியலிட்டார்.
1. அல்குர்ஆன் அஸ்ஸுன்னா சார்ந்த இமாம்களது கருத்துக்களை ஏற்று நடத்தல்.
2. தொழுகை நோன்பு ஸகாத் போன்ற கடமைகளில் அதிகம் கவனம் செலுத்துதல்.
3. ஸுன்னத்துக்களை உயிர்ப்பிபதுடன் பித்அத்களை முற்றாக ஒழித்தல்.
4. நன்மையை ஏவி தீமையை தடுத்தல்.
5. அல்குர்ஆன் அல்ஹதீஸ் அரபு மொழி அடிப்படை சட்டங்களை (பிக்ஹு) கற்பிக்க அரபுக் கல்லூரிகள் நிறுவுதல்.
6. அமைப்பின் பிரச்சாரப் பணிக்காக ஒரு பத்திரிகையை நடத்துதல்.
7. பிளவு பட்டுள்ள முஸ்லிம் உம்மாவை ஐக்கியப்படுத்தி முன்னேற்றப் பாதையில் இட்டுச் செல்லல்.
மேற்படி இலக்குகளை அடையும் பொருட்டு முதற்கட்டமாக முஸ்லீம்களின் கேந்திரஸ்தளமான பள்ளிவாசலோடு ஒட்டி ஒரு மத்ரஸாவை பரகஹதெனிய பொல்வத்தை பிரதேசத்தில் 1948ம் ஆண்டு நிறுவினார். மேலும் இதனை கலாசார அமைச்சில் பதிவு செய்தார். அங்கு அல்குர்ஆன் அல்ஹதீஸ் அரபு மொழி சிங்கள மொழி பிக்ஹு போன்ற பாடங்கள் கற்பிக்கப்பட்டன. அன்று அப்துல் ஹமீத் அவர்கள் விதைத்த தாருத் தவ்ஹீத் எனும் விதை இன்று அல்லாஹ்வின் பேரறுளால் ஆலமரமாய் பல கிளைகளுடன் விருட்ச்சமாய் காணப்படுவது நாடறிந்ததே.
அல்லாமாவின் எழுத்துப் பணி
அசல் இஸ்லாத்தை எழுத்துருவில் மக்கள் மன்றத்தில் வைத்த அப்துல் ஹமீத்
சமூக மாற்றத்திலும் மறுமலர்ச்சியிலும் பொதுசன தொடர்பு சாதனங்களின் பங்களிப்பு முக்கியமானது என்பதை நன்குணர்ந்து இஸ்லாமிய அழைப்புப் பணியில் மீடியாவைப் பயன்படுத்தி உண்மை உதயம் எனும் பெயரில் சொந்தமாக ஒரு பத்திரிகை நடாத்தி இஸ்லாத்தை தெளிவு படுத்த முற்பட்டார். இவரது இப்பாரிய முயற்சி பிற்காலத்தில் இலங்கையில் தோன்றிய இயக்கங்களுக்கு ஒரு முன்மாதிரியாக அமைந்தது என்றால் அது மிகையல்ல. 1955ம் ஆண்டு ஆறம்பிக்கப்பட்ட இப்பாரிய சமூகப் பணி இன்றுவரை சமூகத்தில் பெரும் தாக்கம் செலுத்துகின்றமை குறிப்பிடத்தக்கது.
ஆக்காலத்தில் முஸ்லிம் நேசன் இஸ்லாமியத் தாரகை தப்லீகுல் இஸ்லாம் போன்ற பத்திரிகைகள் வெளிவந்த போதிலும் இஸ்லாத்தை அதன் தூய வடிவில் எத்தி வைப்பதன் நோக்கத்தை உண்மை உதயம் நிவர்த்தி செய்தது.
இது மாத்திரமன்றி நூல் வெளியீடு மற்றும் மொழிபெயர்ப்பு முயற்ச்சிகளிலும் அல்லாமா கால்பதித்தார். அவர்களாக எழுதி வெளியிட்ட புத்தகங்கள்,
1. சத்தியப் போர்வையில் அசத்தியம் வளர்க்கும் அஹமதிய்யாக்களுக்கு அல்லாமா அப்துல் ஹமீதின் ஆணித்தரமான பதில்
2. விசக் கிருமிகளுக்கோர் கிருமி நாசினி
3. தப்லீக் எதிர்ப்பாளர்களுக்கு மறுப்பு
4. நபியின் நற்குணங்கள்
5. அல்லாஹ்விடம் இருந்து எமக்கு வந்த தூதுத்துவம்
மொழிபெயர்ப்புக்கள்
1.இஸ்லாமும் இலஞ்சமும் (உஸ்மான் இப்ராஹீமுல் ஹாகிம்)
2. புராதன சின்னங்களை கௌரவிப்பது இவ்வாரல்ல (பின் பாஸ்)
3. மவ்லீது ஓதலாமா?
4. ஏகத்துவத்தின் இரகசியங்கள் (இப்னு ஹஜர் அல் பூதமி)
தாயிகளை உருவாக்குதல்
இப்பணி தன்னோடு முடிந்து விடக்கூடாது என்ற அல்லாமாவின் ஆதங்கம்
இவ்வாறு நூற்கள் வடிவில் மார்க்கத்தை விளக்கிய அப்துல் ஹமீத் (ரஹ்) அவர்கள் தனது பணியை தொடர்ந்து செய்ய வேண்டும் என்ற ஆவலில் ஒரு சிறந்த மாணவக் குழுவை உருவாக்கும் நோக்கோடு சுமார் 12 மாணவர்களை பாகிஸ்தான் நாட்டுக்கு அழைத்துச் சென்றார். அங்கு சில காலம் அம்மாணவக் குழு கல்வி கற்றதும் மக்கா நோக்கி அவர்களை அழைத்துச் சென்றார். அதில் அப்துல் ஹமீத் (ரஹ்) அவர்களின் நோக்கத்தை அஷ்ஷெய்க் ஸாதிஹான் ஸெய்லானி, என்.பீ.எம்.அபூபக்கர் சித்தீக் (மதனி) இன்னும் பலர் நிறைவேற்றிக் கொண்டிருக்கின்றனர்.
மேலும் இவர்கள் இலங்கை மாணவர்களின் நலன் கருதி அக்கால சவூதி மன்னர் ‘அப்துல் அஸீஸ் இப்னு அப்துல் ரஹ்மான்’ என்பவரிடம் சில வேண்டுகோள்களை முன்வைத்தார். அதற்கிணங்க இலங்கை மாணவர்கள் கல்வி கற்பதற்கான வசதி வாய்ப்புக்கள் சவூதியில் வழங்குமாறும் அவர்களுக்குரிய புத்தகங்கள், நிதியுதவி மற்றும் புலமைப் பரிசில் என்பன வழங்குமாறும் அதிகாரிகளுக்கு கட்டளையிட்டார். இதன் விளைவை அல்லாஹ்வுடைய பேரருளால் இன்று வரை நூற்றுக்கணக்கான ஆலிம்கள் சவுதி அரேபியாவின் பிரதான பல்கலைக்கழகங்களான மதீனா இஸ்லாமியப் பல்கலைக்கழகம், மக்கா உம்முல் குரா, ரியாத் மலிக் ஸஊத் மற்றும் ஜாமிஅதுல் இமாம் அகிய கல்வி நிறுவனங்களில் இருந்து வெளியேறி இலங்கை முஸ்லிம்களின் ஆன்மீக மற்றும் கல்வித் துறை வளர்ச்சியில் பெறும் பங்காற்றிக் கொண்டிருக்கின்றமை மறுக்க முடியாத உண்மையாகும். நடப்பு வருடத்தில் கூட கிட்டத்தட்ட 60 க்கும் மேற்பட்ட இலங்கை மாணவர்கள் இலமாநி, டிப்ளோமா, முதுமானி மற்றும் கலாநிதி என எல்லா மட்டங்களிலும் கால்பதித்துல்லமை உள்ளங்கை நெல்லிக் கணியே. இவ்வாய்பை பெற்ற மற்றும் பெற்றுக் கொண்டு இருக்கக்கூடிய மாணவர்கள் அன்னாரின் மறுமை வாழ்விற்காக பிராத்திக்க வேண்டும்.
அரசியலில் அல்லாமா:
முஸ்லிம்களுக்கும் தனிக்கட்ச்சி தேவை என்பதை உணர்நதவர்
முஸ்லிம்கள் என்றும் பேரினவாத கட்சிகளையே நம்பி அர்கள் பின்னால் போகவேண்டிய நிலை தொடரக் கூடாது என்பதை நன்கு உணர்ந்து முஸ்லிம்களின் தனித்துவத்தை பிரதிபலிப்பதற்கு முயற்சித்தார். அதே வேளை உண்மையான மார்கத்தை சொல்லக் கிழம்பியபோது அன்றிருந்த அரசியல்வாதிகள் அதற்கு தடையாக வந்ததை அனுபவத்தில் உணர்ந்து அவர்களுக்கு தக்க பாடம் கற்பிக்க வேண்டும் என்ற அவருடைய இவ்வுறுதிப்பாடு அரசியலில் பிரதிபலித்தது. அதாவது அவர் 1960-01-10ம் திகதி ஒரு துண்டுப் பிரசுரம் வெளியிட்டார். அதில் 1960 ஆண்டு பொதுத் தேர்தலின் பின் தமது அமைப்பு ஒரு கட்சியாக இனிவரும் பாராளுமன்ற தேர்தல்களில் போட்டியிடும் என்பதை பொதுமக்களுக்கு அறிவித்தார். முஸ்லிம் உம்மத் அரசியற் காரணிகளால் ஒரு போதும் பிரிந்துவிடக் கூடாது என்பதிலும் எச்சரிக்கையாக இருந்தார்.
தொடர்ந்து இஸ்தாமியப் பிரச்சாரத்தை பகிரங்க மேடைகளிலும் மேற்கொண்டார். இவற்றில் பறகஹதெனிய கலந்துரையாடல், இஸ்லாம் மத ஆராய்ச்சி மாநாடு, என்ற தலைப்பிலான தல்கஸ்பிடிய மாநாடு, கல்முனை மாநாடு என்பன குறிப்பிடத்தக்கனவாகும்.
மரணம்
ஒரு புத்துயிர்ப்புவாதியின் இறுதிப் பயணம்:
இலங்கை இஸ்லாமிய அழைப்புப் பணியின் வரலாற்றிலேயே முதன்மை பெற்றுத்திகழ்ந்தவர் அப்துல் ஹமீத் அப்பக்ரி (ரஹ்) அவர்களாவார் என்றால் அது மிகையான கூற்றாகாது. இஸ்லாமிய நோக்கில் கால, சூழ்நிலைகள் பற்றிய அறிவும், தெளிவும் உள்ள எந்த சமூகவியல் ஆய்வாளர்களும் ஏற்றுக் கொள்ள வேண்டிய தெளிவான உண்மை இதுவாகும்.
இவர் அசத்தியத்திலிருந்து மக்களை சத்தியத்தின் பால் அழைப்பதில் பல்வேறு வழிகளைக் கையாண்டு அவற்றில் வெற்றியும் கண்டவர். இவ்வழிமுறைகளில் ஷிர்க், பித்அத் நடைபெரும் இடங்களுக்கு கடிதங்களை அனுப்பி பிரச்சாரத்தை மேற்கொண்டார். இதன் விளைவாக பலர் திருந்தியமை குறிப்பிடத்தக்கது.
சுருங்கக் கூறின் அப்துல் ஹமீத் (ரஹ்) அவர்கள் இந்த சமூகத்தில் விளைவித்த தாக்கங்கள் ஆக்கபூர்வமானவை, அவசியமானவை, இஸ்லாத்தில் கலந்திருந்த பிறமதச் சிந்தனைகளை களையெடுத்த அதேவேளை தூர்ந்து போயிருந்த இஸ்லாமிய சிந்தனைகளை மீண்டும் கண்டு பிடித்து இஸ்லாம் காட்டியிராத சடங்கு சம்பிரதாயங்களை நீக்கி, இஸ்லாமிய கடமைகளையும் நபி வழிகளையும் மேற்கொள்ளுமாறு இந்த சமூகத்தை தூண்டியதுமே இவரது தஃவா வரலாற்றின் சாரம்சமாகும்.
இவ்வாறு ஓரிறைக் கொள்ளையை பரப்புவதற்கே தன்னை அர்ப்பணித்த அப்துல் ஹமீத் (ரஹ்) அவர்கள் 1976ம் ஆண்டு மே மாதம் 9ம் திகதி மாலை மஃரிப் வேளை அல்லாஹ்வின் புனித கஃபா இருக்கும் பூமியான மக்கமா நகரில் தனது மனைவி, மக்கள், நண்பர்கள் மத்தியில் தனது இறுதி மூச்சை விட்டார். ‘இன்னாலில்லாஹி வஇன்னா இலைஹி ராஜிஊன்’
இவ்வாறு மார்க்கத்துக்காய் போராடிய ஒரு ஏகத்துவப் போராளியின் இவ்வுலக வாழ்க்கை முற்றுப் பெற்றது. இவரது வாழ்வில் நாம் அனைவரும் படிப்பினை பெறுவோமாக. அவர் எம்மை விட்டுப் பிரிந்த போதிலும் அவர் எமக்காக விட்டுச் சென்ற உண்மை உதயம் மாசிகை, ஜம்இய்யது அன்ஸாரிஸ் சுன்னா அல்முஹம்மதியா, தாருத் தவ்ஹீத் அரபுக் கல்லூரி, தாருத் தவ்ஹீத் நூல்நிலையம் என்பன பல வளர்சி படிக்கற்களை தாண்டி முஸ்லிம் சமூகத்தின் எழுச்சிக்காய் தொடர்ந்தும் உழைக்கின்றன. அல்லாஹ் அவருடைய பாவங்களை மன்னித்து ஜன்னதுல் பிர்தஸ் எனும் சுவர்க்கத்தில் சேர்த்தருள்வானாக! மேலும் இப்பணிகளை தொடர்கின்றவர்கள் மீதும் அல்லாஹ் அருள் பாலிப்பானாக!
தொகுப்பு: பறகஹதெனிய ஸலபி, மதீனா இஸ்லாமிய பல்கலைக்கழகம், சவுதி அரேபியா

தகவல்கள்
1. இப்றாஹீம் எம்.எம்.எம் அல்லாம் அப்துல் ஹமீத் அல்பக்றி (றஹ்) வாழ்வும் பணியும்.(1996) ஜம்இய்யது அன்ஸாரிஸ் சுன்னா அல்முஹம்மதியா பறகஹதெனிய
2. எம். றிஸ்கான் முஸ்தீன், இலங்கை முஸ்லிம்களிடம் தவ்ஹீதின் எழுச்சியை ஏற்படுத்திய முன்னோடி (2005 ஆகஸ்ட்) சத்தியக் குரல் கொழும்பு
3. அப்துல் ஹமீத் பக்றியின் சகோதரரின் புதல்வரான காலம்சென்ற அமீன் ஹாஜியார் அர்களின் மனைவி ஹுஸைனா உம்மாவுடன் நிகழ்ந்த செவ்வியில் இருந்து

Source : http://www.islamkalvi.com/portal/?p=4886

கற்பா? படிப்பா?

கற்பா? படிப்பா?

கோ எஜுகேசன் என்ற பெயரில் பள்ளிகளிலும் கல்லூரிகளிலும் நடக்கும் அனாச்சாரங்கள் மிக அதிகமாகிக்கொண்டிருக்கும்         இந்த காலகட்டத்தில் பெற்றோர்களுக்கு ஒரு எச்சரிக்கை செய்தியாக இந்த கட்டுரையை சில மாற்றங்களுடன் வெளியிடுகிறோம்.  "இந்த கோ எஜுகேசன் தான் இளைய சமுதாயம் சீரழிவதற்கு காரணம்" என்று மனோ தத்தவ நிபுணர் பேராசிரியர் டாக்டர் அப்துல்லாஹ் அவர்கள் சில நாட்களுக்கு முன்பு சவுதியில் நடைப்பெற்ற ஒரு நிகழ்ச்சி ஒன்றில் தெரிவித்திருந்தார்கள் என்பதை இங்கு நம் அனைவருக்கும் நினைவுப் படுத்த விரும்புகிறோம். இக்கட்டுரை பெண்களின் படிப்புக்கு எதிரானாது அல்ல என்பதையும் இங்கு ஞாபகப்படுத்த விரும்புகிறோம்.

கற்பா? படிப்பா?

பெற்றோர்கள் தங்கள் பெண் குழந்தைகளை உயர்நிலை, மேல்நிலைப் பள்ளிப் படிப்பையும் தாண்டி கல்லூரிப் படிப்பில் சேர்ப்பதற்குப் பெரும் முயற்சி மேற்கொள்கிறார்கள்; பெரும்பாடு படுகிறார்கள். பெண்களுக்குக் கல்லூரிப் படிப்பு ஒன்றும் தடையில்லை. குறைந்தபட்சம் ஒரு பெண்ணுக்குப் பத்தாம் வகுப்பு வரை கட்டாயம் கல்வி தேவை என்பதில் மாற்றுக்கருத்தில்லை. ஆனால் பள்ளிப் படிப்புக்கு மேலான படிப்புக்குச் செல்லும் பெண் பிள்ளைகள் கற்பைப் பறி கொடுக்கும் பேரபாயம் காத்திருக்கின்றது என்பதைப் பின்வரும் சில எடுத்துக் காட்டுகள் மூலம் தெரிந்து கொள்ளலாம்.

ஆட்டோ அல்லது வேன் பயணம்

சிலர் தங்களது பருவமடைந்த வயதுப் பெண்களை தன்னந்தனியாக, காரில் அல்லது ஆட்டோவில் அனுப்பி வைக்கின்றனர். சிலர் ஆட்டோவில் நான்கைந்து சக வயதுப் பெண்களுடன் அனுப்பி வைக்கின்றனர். ஆட்டோ ஓட்டுனர்களும் வாலிப வட்டங்கள் தான் என்பதைப் பெற்றோர் கவனிக்கத் தவறி விடுகின்றனர்.

ஆட்டோ பறக்கின்ற போது, ஆட்டோவே அதிர்கின்ற வகையில், அமர்க்களப்படுகின்ற வகையில் துள்ளிசைப் பாடல்கள் காதுகளைப் பிளக்கின்றன. பாடல் வரிகள் அத்தனையும் கொத்துக் கொத்தாய் ஆபாச வார்த்தைகளை வெடித்துத் தள்ளுகின்றன. உள்ளிருக்கைகள் நிரம்பி வழிந்து, ஓட்டுனரை ஒட்டியிருக்கின்ற பலகையில் பருவ வயதுப் பெண்கள் உட்கார்ந்து கொண்டு ஒட்டுகின்ற விரச விளையாட்டுக்கள்.

பள்ளியில் கொண்டு விட்ட பின்னர் மாலையில் படிப்பு முடிந்ததும் மாணவிகள் - நம் சமுதாயப் பெண்கள் வெளியே வருகின்றனர்.வாசலில் ஆட்டோவுடன் காத்து நிற்கின்றான் ஆட்டோ ஓட்டுனர். அவனுக்குரிய காக்கிச் சீருடையை அணியாமால் கலர் கலர் பேண்ட், சர்ட் அணிந்து இன் செய்து, சீவிச் சிங்காரித்து எடுப்பாக நிற்கின்றான்.

பள்ளிக்கூடத்தில் மாணவிகளை விடுவது 4 மணி, நான்கரை மணி, 5 மணி என்று முறை வைத்து விடுகின்றார்கள். அல்லது டியூசன் போன்ற காரணங்களால் மாணவிகளின் வருகை நேரம் மாறுபடுகின்றது. இந்த ஆட்டோக்காரன் கடைசி அணி வருகின்ற வரை, ஏற்கனவே வந்த பிள்ளைகளுடன் கொஞ்சிக் குலாவிக் கொண்டிருக்கின்றான்.

மீண்டும் அதே உரசலுடன் நம் பிள்ளைகளை வீட்டில் விட்டுச் செல்கிறான். அதன் பின்னர் ஆட்டோ டிரைவர் கரையேறி விட்டாலும் அவனைத் துரத்துகின்ற கனவு அலைகளிலிருந்து அவன் கரையேறுவதில்லை. மறுநாள் காலையில் அதே சொகுசுப் பயணம். வேன் டிரைவர்களும் இதே போன்று தான். இதில் ஒன்றிரண்டு விதிவிலக்கு இருக்கலாம். ஆனால் பெரும்பகுதி இந்த நிலை தான். இப்போது சிந்தியுங்கள். இந்தக் கல்லூரிப் படிப்பு தேவையா என்று!

ஆட்டோ, வேன் பயணம் தான் இப்படி என்றால் பஸ் பயணமும் பாதுகாப்பாக இல்லை. நகரத்தை நோக்கி வருகின்ற பஸ்கள் தன்னுடைய கொள்ளளவையும் தாண்டியே ஆட்களை நிரப்புகின்றன. இங்கும் பெண் பித்தர்கள் சபலப் புத்தியுடன் பெண்களின் உடல் உரசலுக்கு வாய்ப்பு கிடைக்காதா என்று எதிர்பார்த்து ஏங்கியே பயணிக்கின்றனர். நடத்தை கெட்ட சில நடத்துனர்கள், ஓட்டுனர்களுடன் வழிதவறும் பெண்களும் இருக்கிறார்கள். இது போன்ற விவகாரங்களும் சமுதாயத்தில் சந்தி சிரிக்கின்றன.

பட்டப்படிப்புக்காக வெளியூர்களுக்குச் செல்லும் போது, குழுவாகச் செல்லும் இப்பெண்களின் ராஜ்யம் கொடிகட்டிப் பறக்கின்றது. ஆர்ப்பரித்துச் சப்தமிடுவது, பாடல்களைப் பாடி ஆடுவது, கும்மாளமிடுவது என கல்லூரிப் பெண்கள் நடத்தும் அத்துமீறல்களுக்கு அளவே இல்லை. பேருந்து நடத்துனர்களுக்குக் கொண்டாட்டம் தான். கணவன், மனைவி போல் அருகருகே அமர்ந்து கொண்டு கொஞ்சிக் குலாவுவது சர்வ சாதாரணமான ஒன்று!

பள்ளி, கல்லூரியில் மட்டுமல்ல! வருகின்ற வழிப் பயணத்திலும், வழிப் பாதையிலும் பெண்களின் கற்புகளைப் பறிப்பதற்கு ஷைத்தான் தன் பரிவாரங்களுடன் முற்றுகையிட்டு நிற்கின்றான். இப்படி ஆபத்துக்கிடையில் பெண்களுக்குக் கல்லூரிப் படிப்பு தேவையா என்பதைப் பெற்றோர்கள் சிந்திக்க வேண்டும்.

பிற மதத்தவருடன் காதல் பயணம்

கல்லூரிக்குச் செல்லும் வயதுப் பெண்களின் அவலம் இத்துடன் நிற்கவில்லை. பிற மதத்தவருடன் கற்பைப் பகிர்கின்ற, உள்ளத்தை உறையச் செய்யும் படுபாதகச் செயலும் பகிரங்கமாகவே நடைபெறுகின்றது. இவ்வாறு கூறுகையில், நம் சமுதாய ஆண்களுடன் ஓடலாமா? என்று கேட்கலாம். யாருடன் சென்றாலும் விபச்சாரம் தான். ஆனால் பிற மதத்தவருடன் ஓடும் போது கொள்கையும் சேர்ந்தே போய் விடுகின்றது. கொள்கை மாறுதல் என்பது இஸ்லாத்தில் கொடிய பாவமாகும்.

உங்களில் தனது மார்க்கத்தை விட்டும் மாறி (ஏக இறைவனை) மறுப்போராக மரணித்தவரின் செயல்கள் இbhவ்வுலகிலும் மறுமையிலும் அழிந்து விடும். அவர்கள் நரகவாசிகள். அதில் அவர்கள் நிரந்தரமாக இருப்பார்கள். (அல்குர்ஆன் 2:217)

ஓடும் பெண்களும் வாடும் பெற்றோரும்

இவ்வளவு பெரிய கொடுமைகளுக்கு வித்திட்டது எது? இந்தக் கல்லூரிப் படிப்பு! பெற்றோர்களின் கண்டு கொள்ளாத போக்கு! இம்மை வாழ்விற்காக மறுமையைப் பலியாக்கி நம்முடைய பிள்ளைகளை நரகப் படுகுழியின் விறகுகளாக்கத் துணிந்து விட்டோம்.

நம்பிக்கை கொண்டோரே! உங்களையும் உங்கள் குடும்பத்தினரையும் நரகை விட்டுக் காத்துக் கொள்ளுங்கள்! அதன் எரிபொருள் மனிதரும், கற்களுமாகும். அதன் மேல் கடுமையும், கொடூரமும் கொண்ட வானவர்கள் உள்ளனர். தமக்கு அல்லாஹ் ஏவியதில் மாறு செய்ய மாட்டார்கள். கட்டளையிடப்பட்டதைச் செய்வார்கள்.  (அல்குர்ஆன் 66:6) இந்த வசனத்தைக் கவனிக்கத் தவறி விட்டோம்.

தமிழகத்தின் தென் பகுதியில் முஸ்லிம்கள் நிறைந்த ஒரு சில ஊர்களில் கல்லூரி, உயர்நிலைப் பள்ளிகளில் படிக்கும் முஸ்லிம் பெண்கள் பிற மதத்தவர்களுடன் ஓடுவது சர்வ சாதாரணமான ஒன்றாகி விட்டது.

பெண் பிள்ளைகள் ஓடுகின்றனர்; பெற்றோர்களோ வாடிக் கொண்டிருக்கின்றனர். கண்ணீரும் கம்பலையுமாக கவலையில் ஆழ்ந்து கிடக்கின்றனர்.

பள்ளிப் படிப்புக்கே இந்தக் கதி என்றால் கல்லூரிப் படிப்பிற்கு என்ன கதி?

எனவே இத்தகைய விளைவுகளைக் கருத்தில் கொண்டு பெற்றோர்கள் ஒரு பெண்ணுக்கு அவசியத் தேவை கற்பா? கல்லூரியா? ஈமானா? இறை மறுப்பா? என்று சிந்திக்க வேண்டும்.

நம் மகள் கற்பிழந்தால் அல்லது மதம் மாறினால் அவள் செய்த பாவத்தில் நமக்குப் பங்கில்லை என்று நாம் தப்ப முடியாது.

நபி (ஸல்) அவர்கள் கூறினார்கள்: உங்களில் ஒவ்வொருவரும் பொறுப்பாளர் ஆவார். தன் பொறுப்புக்கு உட்பட்டவை பற்றி அவர் விசாரிக்கப்படுவார். ஆட்சித் தலைவரும் பொறுப்பாளரே. தன் குடிமக்கள் பற்றி அவர் விசாரிக்கப்படுவார். ஆண் மகன் (குடும்பத் தலைவன்) தன் மனைவி மக்களின் பொறுப்பாளன் ஆவான். தன் பொறுப்புக்கு உட்பட்டவர்கள் பற்றி அவன் விசாரிக்கப்படுவான். பெண் (மனைவி), தன் கணவனின் வீட்டிற்குப் பொறுப்பாளியாவாள். தன் பொறுப்புக்கு உட்பட்டவை குறித்து அவள் விசாரிக்கப்படுவாள். பணியாள், தன் எஜமானின் உடைமைகளுக்குப் பொறுப்பாüயாவான். அவனும் தன் பொறுப்புக்கு உட்பட்டவை குறித்து விசாரிக்கப்படுவான்.  (நூல்: புகாரி 2409)

இந்த ஹதீஸின்படி பெற்றோர்களும் அந்தப் பாவத்தின் சுமையை மறுமையில் சுமந்தே ஆக வேண்டும். கண்ணை விற்றுச் சித்திரம் வாங்க வேண்டுமா? என்று சிந்திக்க வேண்டும்.

ஒரு பெண்ணை உயர் கல்வி படிக்க வைக்கும் போது சாதகங்களை விட, பாதகங்களைத் தான் பார்க்க வேண்டும். அப்படியே ஒருவர் தமது மகளைப் படிக்க வைக்க வேண்டுமானால்...

1. குறைந்தபட்சம் அந்தப் பள்ளி அல்லது கல்லூரி ஊருக்குள்ளேயே அமைந்திருக் வேண்டும். நம்முடைய கண்காணிப்பு அதிகமாக இருக்க வேண்டும்.

2. உள்ளூராக இருந்தாலும், வெளியூராக இருந்தாலும் பெண்கள் மட்டும் படிக்கும் பள்ளி அல்லது கல்லூரியாக இருக்க வேண்டும். (அதிலும் ஆண் நிர்வாகிகள் ஆட்டம் போடுகின்ற, வயதுப் பெண்களிடம் சில்மிஷம் செய்கின்ற பள்ளிகள், கல்லூரிகள் உள்ளன என்பதையும் கவனத்தில் கொள்ள வேண்டும்)

3. தூரத்தில் இருந்தால் ஆட்டோ, கார் அல்லது வேன் போன்றவற்றில் தனித்துச் செல்லக் கூடாது.

"கணவன் அல்லது மணமுடிக்கத் தகாத ஆண் உறவினருடன் தவிர ஒரு பெண் மூன்று மைல்கள் தூரத்திற்கான பயணத்தை மேற்கொள்ளக் கூடாது'

என்று அல்லாஹ்வின் தூதர் (ஸல்) அவர்கள் கூறினார்கள்.  அறிவிப்பவர்: இப்னு அப்பாஸ் (ரலி),  நூல்: தப்ரானி

கற்பா? படிப்பா? என்ற இந்தத் தலைப்பில்  பள்ளி கல்லூரிப் படிப்பில் ஏற்படுகின்ற பாதகங்களைப் பட்டியலிடும் போது பள்ளி, கல்லூரியில் படித்த பெண்கள் எல்லாம் தவறானவர்கள் என்று விளங்கிக் கொள்ளக்கூடாது. அனைத்து ஆட்டோ, பஸ், வேன், கார் ஓட்டுனர்களும் தவறானவர்கள் என்று எண்ணவேண்டாம், எந்தனையோ நல்ல குணம் உள்ளவர்கள் இருக்கத்தான் செய்கிறார்கள். இங்கு எழுதப்பட்டவை அனைத்தும் நடப்பவை, நடந்து கொண்டிருப்பவை. இந்தத் தீமைகளைக் கண்டு நெஞ்சு பொறுக்காமல் எச்சரிக்கை செய்தியாக  இந்தக் கட்டுரை இங்கே பதியப்பட்டுள்ளது.

ஆக்கம்: அஜிஜுதீன்

எச்சரிக்கைகள் தொடரும்.... 

Source : http://adirainirubar.blogspot.com/2010/08/blog-post_01.html

 

சத்தியமார்க்கம்.காம் தள அறிமுகம்

நபி (ஸல்) அவர்கள் கூறினார்கள்: ''ஒருவர் நேர்வழியின்பால் அழைத்தால் அவருக்கு அவரைப் பின்பற்றியவர்களின் நற்கூலியைப் போன்று வழங்கப்படும். பின்பற்றியவர்களின் நற்கூலியில் எவ்விதக் குறைவும் ஏற்படாது.'' (ஸஹீஹ் முஸ்லிம்)

நபி (ஸல்) அவர்கள் தமது தோழர்களிடம் கூறினார்கள்: ''...என்னிடமிருந்து (நீங்கள் அறிந்து கொண்டது) ஒரே ஒரு வசனமாயிருப்பினும் அதை பிறருக்குச் சேர்ப்பித்து விடுங்கள்...'' (ஸஹீஹூல் புகாரி)

     "பருவத்தே பயிர் செய்" என்பது ஆன்றோர் வாக்கு. காலம் கடந்த ஞானோதயத்திற்கு எவ்விதப் பலனும் இல்லை என்பதை இன்று முஸ்லிம் சமுதாயம் கண்கூடாகக் கண்டு அனுபவித்துக் கொண்டிருக்கிறது. கடந்த காலங்களில் உலகத்தின் வளர்ச்சிக்கு ஒப்பத் தன்னை தயார் படுத்திக் கொள்ளாத முஸ்லிம் சமுதாயம், இன்று தனது கைகளை விட்டுப் போன அல்லது எதிர்கால சமுதாய முன்னேற்றத்துக்கு பயன்படுத்த வேண்டிய ஊடகத் துறையின் சிறப்பைத் தெரியாமல் இருந்ததன் பலனை இன்று உலகளாவிய அளவில் அனுபவித்துக் கொண்டிருக்கிறது.

கடந்த சில வருடங்களில் உலகில் ஊடகத்தால் ஏற்பட்ட விளைவுகள் எண்ணிலடங்கா! உலகின் கடந்த கால நிகழ்வுகளில் ஊடகம் மிகப் பெரிய பங்கு வகித்துள்ளது. இன்று உலக மக்களால் முஸ்லிம் சமுதாயம் ஒருவிதப் பயங்கரவாத சமுதாயமாக பார்க்கப்படுவதற்கு மிக முக்கிய காரணம் ஊடகங்களே எனில் அது மிகையாகாது. இதனை இன்று எழுதித் தெரிய வேண்டிய அவசியம் யாருக்கும் இல்லை. அந்த அளவிற்கு இது வெளிப்படையான ஒரு விஷயமாகும்.

"ஒரு பொய் திரும்பத் திரும்ப கூறப்படின் அது உண்மையாகும்" என்ற கோயபல்ஸ் தத்துவத்திற்கு மிகப் பெரிய இலக்கணமாக இன்று முஸ்லிம் சமுதாயம் விளங்குகிறது. உலகில் உயர்வு தாழ்விலா சமத்துவமிக்க சமுதாய அமைப்பு நிறுவக் கூடிய சாத்தியக்கூறுள்ள ஒரே வழி இஸ்லாமாக இருக்கையில், அதனைத் தங்களது வாழ்வியல் நெறியாக ஏற்றுக் கொண்ட முஸ்லிம் சமுதாயம் இன்று உலக மக்களால் "தீவிரவாதிகளாக", "பயங்கரவாதிகளாகப்" பார்க்கப்படுகிறது எனில் இது போன்ற வேடிக்கையான, நம்ப முடியாத விஷயம் வேறு ஏதாவது இவ்வுலகில் இருக்குமா?

முஸ்லிம் சமுதாயத்தின் மீதான இந்த களங்கத்தின் (பொய் குற்றச்சாட்டின்) மூலத்தையும், அதன் காரணங்களையும் ஒருவாறு பரவலாக அனைவரும் அறிந்திருந்தாலும், "அவர்கள் பயங்கரவாதிகள்" என்ற சிந்தனை ஓட்டம் பாமரர்களின் மத்தியில் ஆழமாக விதைக்கப் பட்டதை மாற்றுவது என்பது எளிதில் நடக்கக் கூடிய காரியமன்று. எனினும் முஸ்லிம் சமுதாயத்தின் எதிர்காலம் இதில் தான் அடங்கியுள்ளது. தங்கள் மீது வலிந்து திணிக்கப் பட்ட இக்கறையை எவ்வளவு விரைவில் நீக்குகிறார்களோ அவ்வளவு வேகத்தில் இச்சமுதாயம் வளரும்.

இதற்கு முஸ்லிம் சமுதாயம் செய்ய வேண்டிய முக்கிய காரியங்களில் தலையாயது எதிர்காலத்தை கருத்தில் கொண்டு தங்களது பாதையை செம்மையாக்குவதாகும். எப்படி கடந்த காலங்களில் சமுதாயத்துக்கு ஏற்படும் எதிர்காலச் சவால்களை கணக்கில் கொண்டு உலகின் வளர்ச்சியில் அதன் நீரோட்டத்தில் கலக்கவில்லையோ அது போல் இனி இருத்தல் சமுதாயத்தின் அழிவிற்கே வழி வகுக்கும்.

அந்த வகையில் இனி எதிர்காலத்தை நிர்ணயிப்பது எது என ஆராய்ந்தால், அனைவரும் கண்ணை மூடிக் கொண்டு அளிக்கும் பதில், அது இணையமாகத் தான் இருக்கும். அந்த அளவிற்கு இன்று உலகின் அனைத்து காரியங்களும் இணையத்தின் மூலமாகவே நடைபெறுகிறது. வர்த்தகத்தில் ஆரம்பித்து மருத்துவம், ஆராய்ச்சி, விண்வெளி கட்டுப்பாடு என அனைத்தையும் இன்று தனது காலடியில் இணையம் வைத்துள்ளது. தகவல் புரட்சியில் இன்று ஈடு இணையற்ற பங்கினை இணையம் நிர்வகித்துக் கொண்டு வருகிறது. எதிர் காலத்தில் இணையம் இல்லையேல் உலகம் இல்லை என்ற நிலை வரினும் ஆச்சரியப் படுவதற்கில்லை. (இன்ஷா அல்லாஹ் வரும் காலங்களில் இணையத்தின் முக்கியத்துவத்தினைக் குறித்து ஒரு சிறந்த கட்டுரையினை வடித்து அதன் இணைப்பை இவ்விடத்தில் தருகிறோம்.)

அவ்வளவு முக்கியத்துவம் வாய்ந்த இத்துறையினில் முஸ்லிம்கள் தங்களது பங்களிப்பினை முழுமையாகச் செலுத்த முன் வரவேண்டும். எதிர் காலத்தில் அனைத்துக்கும் மேற்கோள் காட்ட இணையத்தை உலகம் பார்க்கும் பொழுது அதிலும் இச்சமுதாயத்தின் மேல் சுமத்தப் பட்ட களங்கமே நிறைந்து நிற்குமானால் அதன் பின் செய்வதறியாது திகைத்துக் கொண்டு எந்த பலனும் இருக்கப் போவதில்லை.

எனவே முழுக்க முழுக்க இவ்வொரு விஷயத்தை மட்டும் கவனத்தில் கொண்டு இச்சத்திய மார்க்கம் இணைய தளம் ஆரம்பிக்கப்பட்டுள்ளது. சத்தியத்தை சத்தியமாக எடுத்துரைக்க இது ஒரு சத்தியத் தளமாக இன்ஷா அல்லாஹ் செயல்படும். சமுதாய முன்னேற்றத்தை மட்டும் கவனத்தில் கொண்டு ஏட்டிலே இருப்பதை மட்டும் எடுத்துக் கூறிவிட்டு சென்று விடாமல் இன்று சமுதாயம் எதிர் கொள்ளும் பிரச்சனைகளுக்கு நடைமுறைப் படுத்த முடியக் கூடிய தீர்வுகளையும் யாருக்கும் அஞ்சாமல் இத்தளம் உள்ளதை உள்ளபடி எடுத்துரைக்கும்.

சமுதாயத்தின் பிரச்சினைகளுக்கு ஒரு முக்கிய காரணம், சமுதாயத்தின் வழிகாட்டிகளாக இருக்க வேண்டியவர்கள் "தான்" என்ற அகந்தையினாலோ அல்லது எதிரிகளின் சூழ்ச்சிக்குத் தங்களை அறிந்தோ, அறியாமலோ பலியாகி சமுதாயத்தைப் பிளவு படுத்திக் கொண்டே செல்வதாகும். (சத்தியமார்க்கம்.காம் தளம்) இத்தளம் இவ்விஷயத்திலும் மிகுந்த கவனத்தை செலுத்தி, தவறு செய்பவர்கள் யாராக இருந்தாலும் தவறைத் தவறெனச் சுட்டிக்காட்டி தனி மனித துதி, சக சகோதரர்களை இழிவு படுத்துதல், இயக்கவெறி போன்ற சமுதாய முன்னேற்றத்துக்கு முட்டுக்கட்டையிடும் தீய செயல்களிலிருந்து சமுதாயத்தை மீட்டெடுக்கப் போராடும் இன்ஷா அல்லாஹ்.

இது மட்டுமல்லாமல் நவீன உலகில் இஸ்லாத்திற்கெதிராக பின்னப் படும் சதிவலைகளை ஆதாரத்துடன் சுட்டிக் காட்டி சமுதாயத்தை விழிப்புணர்வு அடைய வைக்கும். உலகில் நடக்கும் நிகழ்கால நிகழ்வுகளை ஆய்வதிலிருந்து சந்தேகங்களுக்கு இஸ்லாமிய ஒளியில் விளக்கங்கள் அளிப்பது வரை முடிந்த அளவு அனைத்து விஷயங்களிலும் கவனம் செலுத்தி எதிர்கால முஸ்லிம் சமுதாயத்திற்குத் தகுந்த அடித்தளம் அமைக்கும் படியாக சத்தியமார்க்கம்.காம் தளம்   அமையும் இன்ஷா அல்லாஹ்!
- சத்தியமார்க்கம்.காம்

சத்தியமார்க்கம்.காம் தள அறிமுகம் (Introduction)
 Source : http://www.satyamargam.com/0033

அதிராம்பட்டினத்தில் சீன நாட்டு வணிகர்கள்: முனைவர் ராஜா முஹம்மது

தொல்லியல் ஆய்வாளர் முனைவர் ராஜா முஹம்மது அவர்கள் அதிரை பற்றி ஆய்வு செய்தளித்த குறிப்புகள்:
(in Chronological Order)




* கி. பி. 8 ஆம் நூற்றாண்டு வாக்கிலேயே அதிராம்பட்டினத்தில் இஸ்லாம் அறிமுகமாயிற்று. இவ்வூர் தொடக்க கால இஸ்லாமிய மையங்களுள் ஒன்றாகும்.


* கி. பி. 12 ஆம் நூற்றாண்டில் இவ்வூர் வீரசோழபட்டினம் என்று அழைக்கப்பட்டது. (ARE.310 of 1961)


* கி. பி. 12, 13 ஆம் நூற்றாண்டுகளில் சீன நாட்டு வணிகர்கள் அதிராம்பட்டினத் துறைமுகத்தில் தங்கி வணிகம் செய்ததற்கான சான்றுகள் கிடைக்கின்றன.


* அதிவீரராமபாண்டியன் (கி.பி.1564-1606) ஆட்சி செய்ததால், அதிவீரராமன்பட்டினம் என வழங்கி, பின்னர் அதிராம்பட்டினம் என மருவி வழங்குவதாகப் பெரும்பாலான வரலாற்றாசிரியர்கள் குறிப்பிடுகின்றனர். ஆனால், தமிழக வரலாற்றில், திருநெல்வேலி மாவட்டம் தென்காசியைத் தலைநகராகக் கொண்டு ஆட்சி செய்த பிற்காலப் பாண்டிய மன்னன் இவன்.


* கி.பி. 1531 ஆம் ஆண்டிலேயே இவ்வூர் தஞ்சை நாயக்கர்களின் ஆட்சிக்குட்பட்ட பகுதியாக இருந்தது என்றும், அதிராம்பட்டினம் என அழைக்கப்பட்டது எனவும், 1531 ஆம் ஆண்டுச் செப்பேட்டுச் செய்தியொன்று கூறுகின்றது. எனவே, அதிவீரராமபாண்டியனின் ஆட்சிக் காலத்திற்கு 30 ஆண்டுகளுக்கு முன்பே இவ்வூர் அதிவீரராமன்பட்டினம் எனப் பெயர் பெற்றிருந்தது. எனவே, தென்காசி அதிவீரராம பாண்டியனுக்கும் இவ்வூர்ப் பெயருக்கும் எவ்விதத் தொடர்புமில்லை.


* தஞ்சை நாயக்கர், மராட்டியர் காலத்தில், இவ்வூர் பட்டுக்கோட்டைச் சீமையில் இருந்தது.


* தஞ்சை நாயக்க அரசர் செவப்ப நாயக்கர் (1531-1580), இங்குள்ள செய்கு அலாவுத்தீன் தர்காவிற்கு 1531இல் சர்வமானியமாகப் பெரும் அளவு நிலங்களைக் கொடையாக அளித்துள்ளார் என்பதை இந்த தர்காவில் உள்ள செப்பேடு கூறுகின்றது.


* தஞ்சை மராட்டிய மன்னர் துலஜா (1763-1787) தன் மனைவி மோகனாம்பாள் பெயரில் அமைத்த மோகனம்பாள்புர சத்திரத்தின் (தற்போது
'ராஜாமடம்' என்றழைக்கப்படும் அடுத்துள்ள ஊர்) வருவாயிலிருந்து ஆறு மாதத்திற்கு ஒரு முறை 4500 மோகினிப் பணம் அந்த தர்காவுக்கு அளிக்க உத்தரவிட்டார். இந்தக் கொடை தொடர்ந்து வழங்கப்பட்டதாக 1908 ஆம் ஆண்டு தஞ்சை மாவட்ட ஆட்சியர் அலுவலக அறிக்கை ஒன்று தெரிவிக்கிறது.


* தஞ்சை மாவட்டத்திற்கு அருகிலுள்ள புதுக்கோட்டைப் பகுதியில் கி.பி. 16 ஆம் நூற்றாண்டில் ஆட்சி புரிந்த ஸ்ரீ வல்லப்ப அதிவீர ராமனின் ஆட்சிக்குட்பட்டிருந்த இவ்வூர், அதிவீரராமன்பட்டினம் என்று அழைக்கப்பட்டதாக அறிகிறோம்.


* கற்காலக் கல்லாயுதம் ஒன்றினை ராபர்ட் புரூஸ் புட் என்பவர் 1878 இல் இவ்வூரில் கண்டுபிடித்துள்ளார் என்ற தகவல், இவ்வூரின் தொன்மைக்குச் சான்றாகும்.


* 18 ஆம் நூற்றாண்டின் மராட்டிய மோடி ஆவனத்தின்படி, இவ்வூரில் குற்றங்களுக்கு விதிக்கப்பட்ட தண்டனைகள் சில: முத்து வணிகரிடமிருந்து முத்துகளைத் திருடியவன் கம்பத்தில் கட்டப்பட்டு, ஆறு கசையடி கொடுக்கப்பட்டான்; பெண்ணின் கழுத்திலிருந்து தங்கச் சங்கிலியை அறுத்துக்கொண்டு ஓடியவனைப் பிடித்து விலங்கிட்டு, 2 மாதச் சிறைத் தண்டனையும் 12 கசையடிகளும் கொடுக்கப்பட்டது.


* பிற்காலச் சோழர் காலத்திலிருந்து 19 ஆம் நூற்றாண்டுவரையில், இவ்வூர் வரலாற்றுச் சிறப்பு மிக்க துறைமுகமாக விளங்கிற்று.


* அரேபியக் கடற்பயணியான 'திமஷ்கி' இவ்வூரை 'அபாத்தூ' எனக் குறிப்பிடுகின்றார்.


* உள்நாட்டிலும், கடல் கடந்த நாடுகளிலும் வாணிபம் செய்துவந்த 'நகரத்தார்' என்ற வணிகக் குழுவினர் இங்கிருந்து வணிகம் செய்துள்ளனர். (ARE 311 of 1961)


* "கல்வி மாண்டவர் கஞன்று வைகிடமாம் செல்லிமாநகர்" என்றும் (பிக்ஹுமாலை), "மதுரைச் சரகமதின் மாநகர் செல்லி" என்றும் (நேர்வழிப் பிரகாசம்) இவ்வூர்ப் புலவர்களால் குறிப்பிடப்பட்டதால், இவ்வூருக்குச் 'செல்லிநகர்' என்ற பெயரும் இருந்தது என்று அறிய முடிகின்றது.


* புலவர் அண்ணாவியார் பாடல்களில், இவ்வூர் 'அதிராம்பட்டினம்' என்றும் 'செழியனூர்' என்றும் குறிக்கப்படுகின்றது.


* அதிராம்பட்டினத்து முஸ்லிம் வணிகர்கள் முத்து வாணிபத்தில் சிறந்து விளங்கினர். பின்னாட்களில் முஸ்லிம்களே இவ்வூர்த் துறைமுகத்தில் கப்பல் வணிகர்களாகவும் கப்பல் உரிமையாளர்களா கவும் இருந்தனர்.


* 1777 ஆம் ஆண்டு எழுதப்பட்ட மராட்டிய மோடி ஆவனம், (இது தற்போது தஞ்சை சரஸ்வதி மஹால் நூலகத்தில் உள்ளது.) இவ்வூரின் துறைமுகத்திலிருந்து இலங்கைக்கு அரிசி, நெல்,ஆடுமாடு கால்நடைகள் போன்ற பொருள்களை ஏற்றிச்சென்ற இவ்வூர் மரைக்காயர்களின் கப்பல்கள், திரும்புகையில் இலங்கையிலிருந்து கொட்டைப் பாக்கை ஏற்றி வந்தன எனக் கூறுகின்றது.


* அதிராம்பட்டினம் ஒரு பழைமையான துறைமுகமாகும். ஆனால், இதன் கரைப்பகுதி முழுவதும் சகதியாக இருப்பதால், கரையிலிருந்து சுமார் 4 மைல் தூரத்தில் கப்பல்கள் நிறுத்தப்படும். சிறிய படகுகள் மூலம் சரக்குகள் கரைக்குக் கொண்டுவரப்பட்டு இறக்கப்படும்.


* துறைமுகத்தைச் செப்பனிட ஆங்கிலேய அரசு பல திட்டங்களை மேற்கொண்டது. இருப்பினும், வெற்றி கிட்டவில்லை.


* முத்துக் குளிக்கும் தொழிலும் இங்கு நடைபெற்றது. ஆனால், குறைந்த அளவிலேயே முத்துச் சிப்பிகள் கிடைத்தன. வணிகத்தில் ஈடுபட்டிருந்த மரைக்காயர்களே இத்தொழிலிலும் ஈடுபட்டிருந்தனர்.


* இத்துறைமுகத்தின் ஆழம் குறைவான பகுதிகளிலிருந்து சங்குகள் சேகரிக்கப்பட்டன. பின்னர் அவை மலாக்காவுக்கு (இன்றைய மலேஷியா, சிங்கப்பூர், தாய்லாந்து மற்று பிலிப்பைன்ஸின் ஒரு பகுதி) அனுப்பப்பட்டன. சங்கு குளிக்கும் தொழிலாளிகளை ஆங்கிலேய அரசு இங்கிருந்து இலங்கைக்கு அழைத்துச் சென்றது.


தொகுப்பு: அதிரை அஹ்மது
இன்ஷா அல்லாஹ் தொடரும்....

அன்புடன் நன்றிhttp://adiraihistory.blogspot.com/2010/07/blog-post_15.html