Friday, August 14, 2015

இஸ்லாம் எங்கள் இதயம் கனிந்த வாழ்வுரிமை --எம் இந்தியம் எமது தோற்றம் நிகழ்ந்த பிறப்புரிமை!

இஸ்லாம் எங்கள்
இதயம் கனிந்த வாழ்வுரிமை --எம்
இந்தியம் எமது
தோற்றம் நிகழ்ந்த பிறப்புரிமை! ( இஸ்லாம்...)

சுவனமே நாங்கள்
சுற்றித் திரிந்து தங்குமிடம்--சுகச்
சோபனம் நிறைந்து
இறையருள் கனிந்து பொங்குமிடம்! ( இஸ்லாம்...)

கடமைகள் ஐந்தும்
கருணை யாளன் கட்டளைகள்--நபி
நடைமுறை அவற்றில்
சுடரும் ராஜ முத்திரைகள்! (இஸ்லாம்...)

வாழும் தேசம்
வல்லவன் வழங்கும் அருள்கொடைகள்--அதை
வாழ வைப்பதே
வசிக்கும் மக்கள் நடைமுறைகள்! ( இஸ்லாம்...)

அடிமைச் சங்கிலி
நொறுங்கிச் சிதற உடைத்தெறிவோம்--நாம்
ஆதமின் மக்கள்
அனைவரும் சமமென தலைநிமிர்வோம்! ( இஸ்லாம்..)

அடுத்தவர் நெறியை
அவரது வாழ்வை மதித்திடுவோம்--இதை
தடுப்பவர் எவரே
ஆயினும் அவரை எதிர்த்திடுவோம்! ( இஸ்லாம்...)

மறைவிலும் குற்றம்
புரியும் எண்ணம் எமக்கில்லை--பிறர்
குறைகள் பேசி
குதர்க்கம் செய்யும் வழக்கமில்லை! ( இஸ்லாம்...)

உரிமை என்பதை
என்றும் நாங்கள் விடுவதில்லை--பிறர்
உடைமை கவரும்
கேவலம் எம்மைத் தொடுவதில்லை! ( இஸ்லாம்...)

கல்வியில் ஆண் பெண்
என்னும் இரண்டு பிரிவில்லை--மனக்
கள்ளம் புகுவது
மட்டும் இங்கே சரியில்லை! ( இஸ்லாம்...)

ஆண்டவன் கிருபையில்
அவனது கருணையில் தடையில்லை--அவன்
அருளினை இழந்தே
வாழவும் இங்கே இடமில்லை! (இஸ்லாம்...)



கவிதை ஆக்கம்  Hilal Musthafa அவர்கள் 

1 comment:

Zubair Abdulla said...

அஸ்ஸலாமு அலைக்கும்.
அன்புள்ள வலைப்பதிவாளர் அவர்களுக்கு, எனது இஸ்லாமிய ஆட்சியாளர்கள் தொடர் இந்த http://islamiyaatchivaralaru.blogspot.in/2014/08/blog-post_2.html லிங்கில் வந்து கொண்டிருக்கிறது. இவைகளில் சென்று முதலில் "அறிமுகம் மற்றும் நுழையும் முன்" பகுதிகளைப் படித்தால் என்னைப்பற்றி விவரம் தெரியவரும்.
இவைகள் மேலும் கீழேயுள்ள பல வலைத்தளங்களில் வந்து கொண்டிருக்கிறது. http://www.islamkalvi.com/?page_id=103796
http://readislam.net/pdf/salahuddin.pdf
http://ilayangudikural.blogspot.sg/
http://islamhistory-vanjoor.blogspot.sg/
http://islamiyaatchivaralaru.blogspot.in/2014/08/blog-post_2.html
என்னால் இசையமைக்கப்பட்டு, எழுதப்பட்ட ஷிர்க் இல்லாதபாடல் லிங்க்: https://www.youtube.com/watch?v=zYluBPv-2kc
இன்ஷா அல்லாஹ் இவைகளை தங்கள் ப்ளாக்கில் வெளியிட்டு நம் சமுதாயத்திற்கு இவைகளை எத்தி வைக்கும் பணிக்கு எங்களுடன் இணைந்து கொள்ள வேண்டுகிறேன். மேலும் விவரங்களுக்கு zubair61u@gmail.com கொள்ளவும். வஸ்ஸலாம்.
கூ.செ.செய்யது முஹமது

LinkWithin

Related Posts with Thumbnails