தகிடு தத்தம்

“கை ஒன்று கொடு”
“கால் என்ன விலை?”
“தொடை இருக்கா?”
“என்ன! கிட்னி கிடையாதா?”
இங்கு
கூறு போட்டு
கூவி விற்பதோ
உடற் கூறு !
மனித உறுப்புகள்
மலிவான விலையில்
மகத்தான விற்பனை !
கண், காது, மூக்கு
கண்ட துண்டமாய்
காசுக்கு கிடைக்கும்
காட்சிகள் இங்கு !
பள்ளியில் வழிபாடு விடுத்து
வெள்ளியில் எதற்கு வழிபாடு?
நிவாரணம் ..
நேர்ச்சை செய்தவருக்கு
கிடைக்குதோ இல்லையோ
நிதி சேருவதோ
தகடு சுத்தம் என
தகிடு தத்தம் செய்பவருக்கு !
இதற்கு வெள்ளி என்று
பெயர் வைத்தால்
வெள்ளிக்கு என்ன பெயர் வைப்பது?
தங்கம் என்றா?
மனுவை மனதால்
போட்டால் போதாதா?
உறுப்புகளை
உண்டியலில் போட்டால்தான்
உடன் பரிசீலனை என்று
உரைத்தது யாரோ?
தகிடு தத்தம் 

நன்றி : http://nagoori.wordpress.com